കൊച്ചി: സ്ത്രീധന പീഡനത്തെത്തുടര്ന്ന് ഭാര്യ ആത്മഹത്യ ചെയ്ത കേസില് ഭര്ത്താവിന്റെ തടവുശിക്ഷ ഹൈക്കോടതി രണ്ടാഴ്ചത്തേക്കു മരവിപ്പിച്ചു.
കളമേശരി മൂലേപ്പാടം റോഡില് കാഞ്ഞിരത്തിങ്കല് സുനിത (25) ആത്മഹത്യ ചെയ്ത കേസില് ഒന്നാം പ്രതിയായ ഭര്ത്താവ് യു.സി. കോളജ് കടേപ്പിള്ളി റോഡില് അറഫ വില്ലയില് അരുണിന് പറവൂര് രണ്ടാം അഡീഷണല് സെഷന്സ് കോടതി വിധിച്ച എട്ടു വര്ഷത്തെ തടവുശിക്ഷയാണ് ജസ്റ്റീസ് എം.എ. അബ്ദുല് ഹക്കീം മരവിപ്പിച്ചത്.
വിചാരണക്കോടതി വിധിച്ച പിഴത്തുകയും ജാമ്യവ്യവസ്ഥയുടെ ഭാഗമായി 50,000 രൂപയുടെ സ്വന്തവും സമാന തുകയ്ക്കുള്ള മറ്റു രണ്ടുപേരുടെയും ജാമ്യ ബോണ്ടും കെട്ടിവയ്ക്കണമെന്ന ഉപാധിയോടെയാണ് ഉത്തരവ്.
2014ല് വിവാഹിതയായ സുനിത, കൂടുതല് സ്ത്രീധനമാവശ്യപ്പെട്ടുള്ള ശാരീരിക, മാനസിക പീഡനത്തിനു നിരന്തരം ഇടയായെന്നും തുടര്ന്ന് 2018 സെപ്റ്റംബറില് ആത്മഹത്യ ചെയ്തുവെന്നുമാണ് കേസ്.
Deepika
E-paper LOGIN
LOGIN