ആലുവ: സംരംഭങ്ങള് തുടങ്ങാനായി ക്ലിയറന്സ് കിട്ടുകയെന്നതു വലിയ വെല്ലുവിളിയാണെന്നും സംരംഭകര് ഓരോരോ ഓഫീസുകള് കയറിയിറങ്ങി മടുക്കുകയാണെന്നും മുഖ്യമന്ത്രി വി.ഡി. സതീശന്. ഇക്കാര്യത്തിൽ ചുരുങ്ങിയ ദിവസങ്ങള്ക്കുള്ളില് സര്ക്കാര് ശക്തമായ തീരുമാനമെടുക്കുമെന്നും മുഖ്യമന്ത്രി പറഞ്ഞു.
ഡോ. ടോണീസ് ഐ ഹോസ്പിറ്റലിന്റെ പുതിയ ഏഴുനില കെട്ടിടം ഉദ്ഘാടനം ചെയ്തു പ്രസംഗിക്കുകയായിരുന്നു മുഖ്യമന്ത്രി. ഡോ. ടോണി ഫെര്ണാണ്ടസ് അധ്യക്ഷത വഹിച്ചു. മന്ത്രി റോജി എം. ജോണ്, ബെന്നി ബെഹനാന് എംപി, അന്വര് സാദത്ത് എംഎല്എ, ആലുവ നഗരസഭാധ്യക്ഷ സൈജി ജോളി, കൗണ്സിലര് ശ്രീലത രാധാകൃഷ്ണന്, ഡോ. ഫ്രെഡി ടി. സൈമണ് എന്നിവര് പ്രസംഗിച്ചു.
ഡോ. ഇവോണ് ഫെര്ണാണ്ടസ് മെമ്മോറിയല് വെല്ഫെയര് അവാര്ഡുകള് ഉഡാന് അക്കാദമി അധ്യാപകന് സുനില് ജോസ്, വെളിയത്ത് നാട് വെല്ഫയര് അസോസിയേഷന് എന്നിവര്ക്ക് മുഖ്യമന്ത്രി സമ്മാനിച്ചു.
Deepika
E-paper LOGIN
LOGIN