14

കോ​ട്ട​യം: വി​വാ​ഹ​ച്ച​ട​ങ്ങി​ന് കേ​റ്റ​റിം​ഗ് സം​ഘം ഭ​ക്ഷ​ണം എ​ത്തി​ച്ചി​ല്ലെ​ന്ന് പ​രാ​തി. മു​ണ്ട​ക്ക​യം ചോ​റ്റി​യി​ലും കോ​ട്ട​യം ക​ഞ്ഞി​ക്കു​ഴി​യി​ലു​മാ​ണ് കേ​റ്റ​റിം​ഗു​കാ​ർ പ​ണം വാ​ങ്ങി വീ​ട്ടു​കാ​രെ ച​തി​ച്ച​ത്. കഴിഞ്ഞ ദിവസം നടന്ന സംഭവത്തിൽ പൊലിസിൽ പരാതി നൽകി. ഉ​ച്ച​വ​രെ കാ​ത്തി​രു​ന്നി​ട്ടും ഭ​ക്ഷ​ണം എ​ത്താ​ത്ത​തി​നെ​ത്തു​ട​ർ​ന്ന് സ​മീ​പ​ത്തെ ഹോ​ട്ട​ലു​ക​ളി​ൽ​നി​ന്നു​മാ​ണ് ഭ​ക്ഷ​ണം എ​ത്തി​ച്ച് ന​ൽ​കി​യ​ത്. 

കാ​ഞ്ഞി​ര​പ്പ​ള്ളി കേ​ന്ദ്ര​മാ​യി പ്ര​വ​ർ​ത്തി​ക്കു​ന്ന ഉ​ദ​യം എ​ന്ന സ്ഥാ​പ​ന​ത്തി​നെ​തി​രെയാണ് പരാതി ഉയർന്നിരിക്കുന്നത്. ക​ഞ്ഞി​ക്കു​ഴി സ്വ​ദേ​ശി​യാ​യ യു​വ​തി​യു​ടെ വി​വാ​ഹ​ത്തി​ന് ഭ​ക്ഷ​ണ​വും സ്റ്റേ​ജും ഉ​ൾ​പ്പെ​ടെ​യു​ള്ള കാ​ര്യ​ങ്ങ​ൾ​ക്കാ​യി ഒ​രു ല​ക്ഷം രൂ​പ​യ്ക്കാ​ണ് ക​രാ​ർ ഉ​റ​പ്പി​ച്ച​ത്. എ​ന്നാ​ൽ വെ​ൽ​ക്കം ഡ്രി​ങ്ക് പോ​ലും സ​മ​യ​ത്ത് ല​ഭി​ച്ചി​ല്ല. 

തു​ട​ർ​ന്ന് അ​ന്വേ​ഷി​ച്ച​പ്പോ​ൾ ഈ​രാ​റ്റു​പേ​ട്ട​യി​ൽ നി​ന്നു ഭ​ക്ഷ​ണം കൊ​ണ്ടു​വ​ന്ന വാ​ഹ​നം അ​പ​ക​ട​ത്തി​ൽ പെ​ട്ടെ​ന്നും ഉ​ട​ൻ മ​റ്റൊ​രു വാ​ഹ​ന​ത്തി​ൽ എ​ത്തു​മെ​ന്നും സം​ഘം മ​റു​പ​ടി ന​ൽ​കി. എ​ന്നാ​ൽ പി​ന്നീ​ട് ഫോ​ൺ വി​ളി​ച്ച​പ്പോ​ൾ ഭ​ക്ഷ​ണം പാ​കം ചെ​യ്തി​ട്ടി​ല്ലെ​ന്നും എ​ത്തി​ക്കാ​ൻ ക​ഴി​യി​ല്ലെ​ന്നു​മാ​ണ് ഇ​വ​ർ അ​റി​യി​ച്ച​ത്. സ​മാ​ന​മാ​യ രീ​തി​യി​ൽ മു​ണ്ട​ക്ക​യം ചോ​റ്റി​യി​ലും ഇ​വ​ർ ഭ​ക്ഷ​ണം എ​ത്തി​ച്ചി​ല്ല. 

മു​ണ്ട​ക്ക​യം പ​ന​ക്ക​ച്ചി​റ സ്വ​ദേ​ശി​യാ​യ വ​ധു​വി​ന്‍റെ വീ​ട്ടു​കാ​ർ 1.4 ല​ക്ഷം രൂ​പ​യ്ക്കാ​ണ് ക​രാ​ർ ന​ൽ​കി​യി​രു​ന്ന​ത്. വി​വാ​ഹ​ത്ത​ലേ​ന്ന​ത്തെ ഭ​ക്ഷ​ണം കൃ​ത്യ​മാ​യി എ​ത്തി​ച്ചി​രു​ന്നെ​ങ്കി​ലും വി​വാ​ഹ ദി​വ​സം കു​ടി​വെ​ള്ളം പോ​ലും ഒ​രു​ക്കി​യി​രു​ന്നി​ല്ല. ഉ​ച്ച​യാ​യി​ട്ടും ഭ​ക്ഷ​ണം എ​ത്താ​തി​രു​ന്ന​തി​നെ തു​ട​ർ​ന്ന് ബ​ന്ധ​പ്പെ​ട്ട​പ്പോ​ൾ കേ​റ്റ​റിം​ഗ് ഉ​ട​മ ഫോ​ൺ എ​ടു​ത്തി​ല്ലെ​ന്നും പ​രാ​തി​യി​ൽ പ​റ​യു​ന്നു. സം​ഭ​വ​ത്തി​ൽ മു​ണ്ട​ക്ക​യം, കോ​ട്ട​യം ഈ​സ്റ്റ് പൊ​ലി​സ് സ്റ്റേ​ഷ​നു​ക​ളി​ൽ പ​രാ​തി ന​ൽ​കി​യി​ട്ടു​ണ്ട്.