അങ്കാറ: ലോകനേതാക്കൾ പങ്കെടുക്കുന്ന ഉച്ചകോടികളിൽ ആതിഥേയരാജ്യം അതിഥികൾക്കു സമ്മാനങ്ങൾ നൽകുന്ന പതിവുണ്ട്.
എന്നാൽ, ഇക്കുറി തുർക്കിയിലെ അങ്കാറയിൽ സമാപിച്ച നാറ്റോ ഉച്ചകോടിക്കുശേഷം തുർക്കി പ്രസിഡന്റ് റജബ് ത്വയ്യിബ് എർദോഗൻ നാറ്റോ നേതാക്കൾക്കു നൽകിയ സമ്മാനം തികച്ചും അസാധാരണമായി. ഒരു റിവോൾവറും ആറു വെടിയുണ്ടകളുമാണ് പ്രത്യേക പായ്ക്കറ്റുകളിലാക്കി എർദോഗൻ ലോകനേതാക്കൾക്കു സമ്മാനമായി നൽകിയത്.
രണ്ടു ദിവസം നീണ്ട ഉച്ചകോടി കഴിഞ്ഞു മടങ്ങവേ ബ്രിട്ടീഷ് പ്രധാനമന്ത്രി കിയർ സ്റ്റാർമറാണ് തനിക്കും മറ്റു നേതാക്കൾക്കും ലഭിച്ച അസാധാരണ സമ്മാനത്തെക്കുറിച്ച് ആദ്യമായി വെളിപ്പെടുത്തുന്നത്.
കറുത്ത ലൈനിംഗുള്ള ചുവന്ന പെട്ടിയിൽ സൂക്ഷിച്ച, അവരവരുടെ പേരുകൾ കൊത്തിയെടുത്ത ഓരോ റിവോൾവറാണ് നേതാക്കൾക്കു ലഭിച്ചത്. എന്നാൽ, അസാധാണനടപടിയെപ്പറ്റി തുർക്കി പ്രസിഡന്റിന്റെ ഓഫീസിൽനിന്ന് ഇതുവരെ ഔദ്യോഗിക പ്രതികരണങ്ങളൊന്നും ഉണ്ടായിട്ടില്ല.
Deepika
E-paper LOGIN
LOGIN
