National News
വാജ്പേയ് വിടവാങ്ങി
വാജ്പേയ് വിടവാങ്ങി
Friday, August 17, 2018 12:23 AM IST
ന്യൂ​ഡ​ൽ​ഹി: മു​ൻ പ്ര​ധാ​ന​മ​ന്ത്രി​യും മു​തി​ർ​ന്ന ബി​ജെ​പി സ്ഥാ​പ​ക നേ​താ​വു​മാ​യ അ​ട​ൽ ബി​ഹാ​രി വാ​ജ്പേ​യ് (93) അ​ന്ത​രി​ച്ചു. ഡ​ൽ​ഹി ഓ​ൾ ഇ​ന്ത്യ ഇ​ൻ​സ്റ്റി​റ്റ്യൂ​ട്ട് ഓ​ഫ് മെ​ഡി​ക്ക​ൽ സ​യ​ൻ​സി​ലാ​യി​രു​ന്നു അ​ന്ത്യം.

ക​ഴി​ഞ്ഞ ജൂ​ണ്‍ പ​തി​നൊ​ന്നി​നാ​ണ് മൂ​ത്രാ​ശ​യ സം​ബ​ന്ധ​മാ​യ അ​സു​ഖ​ങ്ങ​ൾ മൂ​ർ​ച്ഛി​ച്ച​തി​നെ തു​ട​ർ​ന്ന് അ​ദ്ദേ​ഹ​ത്തെ എ​യിം​സി​ൽ പ്ര​വേ​ശി​​പ്പി​ച്ച​ത്. ബു​ധ​നാ​ഴ്ച വാ​ജ്പേ​യി​യെ എ​യിം​സി​ൽ സ​ന്ദ​ർ​ശി​ച്ച പ്ര​ധാ​ന​മ​ന്ത്രി ന​രേ​ന്ദ്ര​ മോ​ദി ഇ​ന്ന​ലെ ഉ​ച്ചയ്​ക്കുശേ​ഷം വീ​ണ്ടും ആ​ശു​പ​ത്രി​യി​ലെ​ത്തി​യി​രു​ന്നു. ഏ​താ​നും ദി​വ​സ​ങ്ങ​ളാ​യി ജീ​വ​ൻ​ര​ക്ഷാ ഉ​പ​ക​ര​ണ​ങ്ങ​ളു​ടെ സ​ഹാ​യ​ത്തോ​ടെ​യാ​യി​രു​ന്നു ജീ​വ​ൻ പി​ടി​ച്ചു നി​ർ​ത്തി​യി​രു​ന്ന​ത്. വൈ​കു​ന്നേ​രം 5.50 നാ​ണ് മ​ര​ണം സ്ഥി​രീ​ക​രി​ച്ച​ത്. മൃ​ത​ദേ​ഹം ഡ​ൽ​ഹി കൃ​ഷ്ണ​മേ​നോ​ൻ മാ​ർ​ഗി​ലെ ആ​റാം ന​ന്പ​ർ വ​സ​തി​യി​ലും ബി​ജെ​പി ആ​സ്ഥാ​ന​ത്തും പൊ​തു​ദ​ർ​ശ​ന​ത്തി​നു വ​യ്ക്കും.

ആ​റു​ പ​തി​റ്റാ​ണ്ടി​ലേ​റെ കാ​ലം ഇ​ന്ത്യ​ൻ രാഷ്‌ട്രീയത്തിൽ നി​റ​ഞ്ഞു നി​ന്ന വാ​ജ്പേ​യി രാഷ്‌ട്രീ യത്തിനപ്പുറം ഉ​ജ്വ​ല വാ​ഗ്മി, മി​ക​വു​റ്റ പാ​ർ​ല​മെ​ന്‍റേറിയൻ, ക​വി, അ​സാ​മാ​ന്യ​നാ​യ സം​ഘാ​ട​ക​ൻ, ക​ഴി​വു​റ്റ ഭ​ര​ണ​ക​ർ​ത്താ​വ്, ക​റ​ക​ള​ഞ്ഞ ദേ​ശ​ഭ​ക്ത​ൻ എ​ന്നി​ങ്ങ​നെ എ​തി​രാ​ളി​ക​ൾ​ക്കു പോ​ലും സ്വീ​കാ​ര്യനായ നേ​താ​വാ​യി​രു​ന്നു. അവിവാഹിതനാണ്. സൗ​മ്യ​നാ​യ രാഷ്‌ട്രീയ നേ​താ​വി​ന്‍റെ ഭാ​വ​മെ​ങ്കി​ലും നി​ല​പാ​ടു​ക​ളി​ലെ കാ​ർ​ക്ക​ശ്യ​മാ​യി​രു​ന്നു മുഖ​മു​ദ്ര. 2014 ൽ ​രാ​ജ്യം ഭാ​ര​ത​ര​ത്നം ന​ൽ​കി ആ​ദ​രി​ച്ചു.


ഉ​ത്ത​ർ​പ്ര​ദേ​ശി​ൽ നി​ന്നും മ​ധ്യ​പ്ര​ദേ​ശി​ലെ ഗ്വാ​ളി​യറി​ലേക്കു കു​ടി​യേ​റി​യ കു​ടും​ബ​ത്തി​ലാ​ണ് വാ​ജ്പേ​യി​യു​ടെ ജ​ന​നം. കൃ​ഷ്ണദേ​വി​യു​ടെ​യും കൃ​ഷ്ണ ബി​ഹാ​രി വാ​ജ്പേ​യി​യു​ടെ​യും മ​ക​നാ​യി 1924 ലെ ​ക്രി​സ്തു​മ​സ് ദി​ന​ത്തി​ൽ ജ​നി​ച്ച വാ​ജ്പേ​യി ഗ്വാ​ളി​യ​റി​ലെ വി​ക്ടോ​റി​യ കോ​ളജി​ൽനി​ന്നു ബി​രു​ദ​വും കാ​ണ്‍പുർ ഡി​എ​വി കോ​ള​ജി​ൽ നി​ന്നു ബി​രു​ദാ​ന​ന്ത​ര ബി​രു​ദ​വും ക​ര​സ്ഥ​മാ​ക്കി.

ബി​ജെ​പി​യു​ടെ സ്ഥാ​പ​ക നേ​താ​ക്ക​ളി​ൽ ഒ​രാ​ളാ​യി​രു​ന്നു. ബി​ജെ​പി ദേ​ശീ​യ അ​ധ്യ​ക്ഷ​നാ​യി ആ​രം​ഭ​കാ​ല​ത്ത് വാ​ജ്പേ​യി പ്ര​വ​ർ​ത്തി​ച്ചി​ട്ടു​ണ്ട്. ഒ​ന്പ​തു ത​വ​ണ ലോ​ക്​സ​ഭ​യി​ലേ​ക്കും ര​ണ്ടു ത​വ​ണ രാ​ജ്യ​സ​ഭ​യി​ലേ​ക്കും ജ​യി​ച്ച വാ​ജ്പേ​യി മൊ​റാ​ർ​ജി ദേ​ശാ​യി​യു​ടെ നേ​തൃ​ത്വ​ത്തി​ലു​ള്ള ജ​ന​താപാ​ർ​ട്ടി മ​ന്ത്രി​സ​ഭ​യി​ൽ വി​ദേ​ശ​കാ​ര്യ മ​ന്ത്രി​യാ​യും സേ​വ​ന​മ​നു​ഷ്ഠി​ച്ചി​ട്ടു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.