കോട്ടയം:കേരള പ്രൈവറ്റ് ബാങ്കേഴ്സ് അസോസിയേഷൻ സംസ്ഥാന പ്രസിഡന്റ് ജോസഫ് ചോതിരക്കുന്നേലിന്റെ 80-ാം ജന്മദിനാഘോഷത്തോടനുബന്ധിച്ച് 22നു തോട്ടയ്ക്കാട് സെന്റ് ജോർജ് ഓഡിറ്റോറിയത്തിൽ അനുമോദന സമ്മേളനം ചേരും.
വൈകുന്നേരം നാലിനു ചേരുന്ന സമ്മേളനത്തിൽ മുൻ മുഖ്യമന്ത്രി ഉമ്മൻ ചാണ്ടി എംഎൽഎ, എംഎൽഎമാരായ തിരുവഞ്ചൂർ രാധാകൃഷ്ണൻ, സി.എഫ്. തോമസ്, രാജു ഏബ്രഹാം, റോഷി അഗസ്റ്റിൻ, എംപിമാരായ ജോസ് കെ. മാണി, ആന്റോ ആന്റണി, ജോയി ഏബ്രഹാം, ബിഷപ് ജോസഫ് മാർ ബർണാബാസ്, ദീപിക ചീഫ് എഡിറ്റർ ഫാ. ബോബി അലക്സ് മണ്ണംപ്ലാക്കൽ, ഫാ. ജോസ് പി. കൊട്ടാരം, ഫാ. മാത്യു മറ്റത്തിൽ, ഫാ. തോമസ് പ്ലാപ്പറമ്പിൽ, സിപിഎം ജില്ലാ സെക്രട്ടറി വി.എൻ. വാസവൻ, സാജുപോൾ, സി.കെ. ശശിധരൻ, എൻ. ഹരി തുടങ്ങി വിവിധ രാഷ്ട്രീയ-സാമുദായിക നേതാക്കളും പ്രമുഖരും പങ്കെടുക്കും.
30 വർഷമായി സംഘടനയെ നയിക്കുന്ന ജോസഫ് ചോതിരക്കുന്നേലിന്റെ ജന്മദിനം അദ്ദേഹം മുൻകൈയെടുത്തു നടപ്പാക്കുന്ന കെപിബിഎ സ്നേഹവീട് പദ്ധതിയുടെ പൂർത്തീകരണത്തോടെയാണു നടത്തുന്നത്. അതോടൊപ്പം മറ്റു സാമൂഹ്യക്ഷേമപദ്ധതികളും നടപ്പാക്കും. ചോതിരക്കുന്നേൽ വർക്കി ജോസഫിന്റെയും ഏലിയാമ്മ ജോസഫ് തെക്കേക്കരയുടെയും മകനായി 1936 ജനുവരി 21നായിരുന്നു ജനനം.
പഠനത്തിനുശേഷം പ്യാരി കമ്പനിയിൽ ഉയർന്ന തസ്തികയിൽ ജോലി. 1982ൽ സ്വയം വിരമിച്ചു. 1983ൽ സൗത്ത് ഇന്ത്യൻ ഫൈനാൻസ് എന്ന പേരിൽ സ്വകാര്യ പണമിടപാടു സ്ഥാപനം ആരംഭിച്ചു. സംഘടനയുടെ ജോയിന്റ് സെക്രട്ടറി, ജനറൽ സെക്രട്ടറി സ്ഥാനങ്ങൾ വഹിച്ചശേഷം 1999 മുതൽ സംഘടനയുടെ പ്രസിഡന്റായി പ്രവർത്തിക്കുന്നു.
പത്രസമ്മേളനത്തിൽ അസോസിയേഷൻ ഭാരവാഹികളായ കെ.കെ. ഗോപു, ഇ.പി. ജോസ്, ടി. എസ്. ജോർജ്, ജയചന്ദ്രൻ മറ്റപ്പള്ളി, ടി.സി. തോമസ്, പി. അനിൽ എന്നിവർ പങ്കെടുത്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.