Kerala News
ഭാര്യയെ വെട്ടിക്കൊലപ്പെടുത്തിയശേഷം ഭര്‍ത്താവ് ജീവനൊടുക്കി
ഭാര്യയെ വെട്ടിക്കൊലപ്പെടുത്തിയശേഷം ഭര്‍ത്താവ് ജീവനൊടുക്കി
Friday, April 26, 2024 1:26 AM IST
ചെ​ങ്ങ​ന്നൂ​ര്‍: ഭാ​ര്യ​യെ വെ​ട്ടി​ക്കൊ​ല​പ്പെ​ടു​ത്തി​യ​ശേ​ഷം ഭ​ര്‍ത്താ​വ് ജീ​വ​നൊ​ടു​ക്കി. വെ​ൺ​മ​ണി പ​ഞ്ചാ​യ​ത്ത് ഏ​ഴാം വാ​ര്‍ഡി​ല്‍ പു​ന്ത​ല ശ്രു​തി​ല​യ​ത്തി​ല്‍ ഷാ​ജി ജ​നാ​ര്‍ദ​ന (60 )നാ​ണ് ഭാ​ര്യ ദീ​പ്തി (48)യെ ​കൊ​ല​പ്പെ​ടു​ത്തി​യ​ശേ​ഷം കി​ട​പ്പു​മു​റി​യി​ല്‍ തൂ​ങ്ങി​മ​രി​ച്ച​ത്.

ഇ​ന്ന​ലെ രാ​വി​ലെ 6.30 നാ​യി​രു​ന്നു സം​ഭ​വം. വീ​ടി​നു പു​റ​ത്ത് മ​രി​ച്ച​നി​ല​യി​ല്‍ കാ​ണ​പ്പെ​ട്ട ദീ​പ്തി​യു​ടെ ത​ല​യി​ല്‍ ആ​ഴ​ത്തി​ലു​ള്ള മു​റി​വു​ക​ളു​ണ്ട്. ഇ​രു​വ​രും ത​മ്മി​ലു​ണ്ടാ​യ വ​ഴ​ക്ക് കൊ​ല​പാ​ത​ക​ത്തി​ല്‍ ക​ലാ​ശി​ക്കു​ക​യാ​യി​രു​ന്നു​വെ​ന്ന് പോ​ലീ​സ് പ​റ​ഞ്ഞു. ഭാ​ര്യ​യെ വെ​ട്ടി​യ​ശേ​ഷം മു​റി​ക്കു​ള്ളി​ലെ സീ​ലിം​ഗ് ഫാ​നി​ല്‍ ഷാ​ജി ജീ​വ​നൊ​ടു​ക്കു​ക​യാ​യി​രു​ന്നു​വെ​ന്നാ​ണ് നി​ഗ​മ​നം.

ഇ​തു​സം​ബ​ന്ധി​ച്ച് പോ​ലീ​സ് പ​റ​യു​ന്ന​ത്: കു​ടും​ബ പ്ര​ശ്‌​ന​ങ്ങ​ളെ​ത്തു​ട​ര്‍ന്ന് ദീ​പ്തി​യും ഷാ​ജി​യും ത​മ്മി​ല്‍ നി​ര​ന്ത​രം വ​ഴ​ക്കു​കൂ​ടാ​റു​ണ്ടാ​യി​രു​ന്നു. ഇ​ന്ന​ലെ രാ​വി​ലെ അ​ടു​ക്ക​ള​യി​ല്‍ പാ​ച​കം ചെ​യ്തു​കൊ​ണ്ടി​രു​ന്ന ദീ​പ്തി​യെ പി​ന്നി​ലൂ​ടെ​യെ​ത്തി ഷാ​ജി വെ​ട്ടു​ക​യാ​യി​രു​ന്നു.

ത​ല​യ്ക്കു പി​ന്നി​ല്‍ വെ​ട്ടു കൊ​ണ്ട് അ​ല​റി വി​ളി​ച്ചു പു​റ​ത്തേ​ക്ക് ഓ​ടി​യ ദീ​പ്തി​യെ പി​ന്തു​ട​ര്‍ന്ന് ഷാ​ജി വീ​ണ്ടും വെ​ട്ടി മു​റി​വേ​ല്‍പ്പി​ക്കു​ക​യാ​യി​രു​ന്നു. നി​ല​വി​ളി കേ​ട്ട് ഓ​ടി​ക്കൂ​ടി​യ അ​യ​ല്‍വാ​സി​ക​ള്‍ ര​ക്ത​ത്തി​ല്‍ കു​ളി​ച്ചു​കി​ട​ന്ന ദീ​പ്തി​യെ പു​ന്ത​ല​യി​ലെ സ്വ​കാ​ര്യ ആ​ശു​പ​ത്രി​യി​ല്‍ എ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല.


ദീ​പ്തി​യെ നാ​ട്ടു​കാ​ര്‍ ആ​ശു​പ​ത്രി​യി​ലേ​ക്കു കൊ​ണ്ടു​പോ​യ സ​മ​യ​ത്താ​കാം ഷാ​ജി ആ​ത്മ​ഹ​ത്യ ചെ​യ്ത​തെ​ന്ന് പോ​ലീ​സ് പ​റ​ഞ്ഞു. മ​ക്ക​ളാ​യ ശ്രു​തി​യെ​യും ശ്രാ​വ​ണി​നെ​യും ഒ​രു മു​റി​യി​ലാ​ക്കി​യ​ശേ​ഷം മു​റി പു​റ​ത്തു​നി​ന്ന് പൂ​ട്ടി​യി​ട്ട​ശേ​ഷ​മാ​ണു ഷാ​ജി കൊ​ല​പാ​ത​കം ന​ട​ത്തി​യ​ത്.

സം​ഭ​വ​ത്തെ​ത്തു​ട​ര്‍ന്ന് നി​ല​വി​ളി കേ​ട്ട സ​മീ​പ​വാ​സി​ക​ള്‍ എ​ത്തി മു​റി തു​റ​ന്ന​ശേ​ഷ​മാ​ണ് ഇ​രു​വ​ര്‍ക്കും പു​റ​ത്തി​റ​ങ്ങാ​നാ​യ​ത്. വി​ദേ​ശ​ത്തു ജോ​ലി ചെ​യ്യു​ന്ന ശ്രു​തി വി​വാ​ഹി​ത​യാ​ണ്. ശ്രാ​വ​ണ്‍ എം​ബി​എ വി​ദ്യാ​ര്‍ഥി​യും.

വി​ദേ​ശ​ത്ത് ജോ​ലി​യി​ലാ​യി​രു​ന്ന ഷാ​ജി ഒ​ന്ന​ര മാ​സം മു​മ്പാ​ണ് നാ​ട്ടി​ലെ​ത്തി​യ​ത്. കു​ട്ട​നാ​ട്ടി​ലെ കി​ട​ങ്ങ​റ സ്വ​ദേ​ശി​യാ​ണ്. വി​വാ​ഹ​ശേ​ഷം പു​ന്ത​ല​യി​ല്‍ വീ​ടു​വ​ച്ച് താ​മ​സ​മാ​ക്കു​ക​യാ​യി​രു​ന്നു.

കൊ​ല​പാ​ത​ക​ത്തി​ന്‍റെ​യും ആ​ത്മ​ഹ​ത്യ​യു​ടെ​യും കാ​ര​ണം ഇ​നി​യും വ്യ​ക്ത​മ​ല്ല. ഇ​ന്ന​ലെ ഉ​ച്ച​യ്ക്കു ശേ​ഷം ചെ​ങ്ങ​ന്നൂ​ര്‍ ജി​ല്ലാ ആ​ശു​പ​ത്രി​യി​ല്‍ പോ​സ്റ്റ്മോ​ര്‍ട്ടം ചെ​യ്ത ദീ​പ്തി​യു​ടെ മൃ​ത​ദേ​ഹം രാ​ത്രി​യോ​ടെ പു​ന്ത​ല​യി​ലെ വീ​ട്ടു​വ​ള​പ്പി​ല്‍ സം​സ്‌​ക​രി​ച്ചു. പോ​സ്റ്റ്മോ​ര്‍ട്ടം പൂ​ര്‍ത്തി​യാ​കാ​ത്ത​തി​നാ​ല്‍ ഷാ​ജി​യു​ടെ സം​സ്‌​കാ​രം പി​ന്നീ​ട് ന​ട​ത്തും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.