കണ്ണൂർ അക്രമം: റേഞ്ച് ഐജിയെ മാറ്റി : Deepika.com Kerala News |

Click here for detailed news of all items

കണ്ണൂർ അക്രമം: റേഞ്ച് ഐജിയെ മാറ്റി

Friday, January 20, 2017 4:08 PM IST

തിരുവനന്തപുരം: കണ്ണൂരിലെ നിലയ്ക്കാത്ത അക്രമ പരമ്പരകളെ തുടർന്നു കണ്ണൂർ റേഞ്ച് ഐജി ദിനേന്ദ്ര കശ്യപിനെ മാറ്റി. പകരം മഹിപാൽ യാദവിനെ കണ്ണൂർ റേഞ്ച് ഐജിയായി നിയമിച്ചു.

മഹിപാൽ യാദവ് തെരഞ്ഞെടുപ്പു ജോലിയുമായി ബന്ധപ്പെട്ട് ഉത്തരേന്ത്യൻ സംസ്ഥാനത്താണ്. ഇതിനാൽ കണ്ണൂർ റേഞ്ച് ഐജിയുടെ താത്കാലിക ചുമതല തൃശൂർ റേഞ്ച് ഐജി എം.ആർ. അജിത്കുമാറിനു കൈമാറി. മഹിപാൽ യാദവ് മാർച്ചിൽ മടങ്ങിയെത്തുന്നതു വരെ അജിത്കുമാർ കണ്ണൂരിന്‍റെയും ചുമതല വഹിക്കേണ്ടി വരും.
ദിനേന്ദ്ര കശ്യപിനെ ക്രൈംബ്രാഞ്ചിലേക്കാണു മാറ്റി നിയമിച്ചത്.

കഴിഞ്ഞ ദിവസം കണ്ണൂരിലുണ്ടായ കൊലപാതകം തടയുന്നതിൽ പോലീസിന്‍റെ ഭാഗത്തു ഗുരുതര വീഴ്ചയുണ്ടായതായി ബിജെപി നേതാക്കൾ തന്നെ ആരോപണം ഉന്നയിച്ചിരുന്നു. പോലീസ് ഫലപ്രദമായി ഇടപെട്ടിരുന്നെങ്കിൽ കൊലപാതകം തടയാൻ കഴിയുമായിരുന്നുവെന്നാണു പരാതി.

ബിജെപി സംസ്ഥാന പ്രസിഡന്‍റ് കുമ്മനം രാജശേഖരന്‍റെ നേതൃത്വത്തിലുള്ള സംഘം ഇന്നലെ മുഖ്യമന്ത്രിയെ കണ്ടപ്പോഴും പോലീസിന്‍റെ ഭാഗത്തെ അനാസ്ഥ സംബന്ധിച്ചു പരാതി ഉന്നയിച്ചിരുന്നു. ഇതേത്തുടർന്നാണു പോലീസ് തലപ്പത്ത് അഴിച്ചു പണി നടത്താൻ മുഖ്യമന്ത്രി നേരിട്ടു നിർദേശിച്ചത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.