ട്രെയിനിൽ പീഡനശ്രമം: പാരാമിലിട്ടറി ജീവനക്കാരൻ പിടിയിൽ : Deepika.com Kerala News |

Click here for detailed news of all items

ട്രെയിനിൽ പീഡനശ്രമം: പാരാമിലിട്ടറി ജീവനക്കാരൻ പിടിയിൽ

Monday, February 20, 2017 4:16 PM IST

ആലപ്പുഴ: ട്രെയിൻ യാത്രയ്ക്കിടെ മേഘാലയ സ്വദേശിനിയായ യുവതിയെ പീഡിപ്പിക്കാൻ ശ്രമിച്ചെന്ന പരാതിയിൽ പാരാമിലിട്ടറി ജീവനക്കാരൻ പിടിയിൽ. അസാമിൽ പാരാമിലിട്ടറി വിഭാഗത്തിൽ ജോലിചെയ്യുന്ന എറണാകുളം സ്വദേശി സാംസണെയാണ് ആലപ്പുഴ റെയിൽവേ പോലീസ് പിടികൂടിയത്.

ട്രെയിനിൽ എറണാകുളത്തെത്തിയ ശേഷം അന്പലപ്പുഴയിലെ ഭാര്യവീട്ടിലെത്തിയപ്പോഴാണു പിടികൂടിയത്. വിവരം ലഭിച്ചതിന്‍റെ അടിസ്ഥാനത്തിൽ ഇയാളെ കഴിഞ്ഞ ദിവസം വൈകുന്നേരത്തോടെ ആലപ്പുഴ റെയിൽവേ എസ്ഐ രാജുവിന്‍റെ നേതൃത്വത്തിലുള്ള സംഘം കസ്റ്റഡിയിലെടുത്തത്.

രാത്രിതന്നെ സാംസണെ കേസ് രജിസ്റ്റർ ചെയ്ത തന്പാനൂർ റെയിൽവേ പോലീസ് സ്റ്റേഷനിലേക്കു കൊണ്ടുപോയി. ഇയാൾക്കൊപ്പമുണ്ടായിരുന്ന രണ്ടു പേർക്കായി പോലീസ് തെരച്ചിൽ നടത്തിവരുകയാണ്.

ഇവരെ നാട്ടിലേക്കുള്ള യാത്രയ്ക്കിടയിൽ പരിചയപ്പെട്ടതാണെന്നാണു പ്രാഥമിക ചോദ്യംചെയ്യലിൽ സാംസണ്‍ പറഞ്ഞതെന്നാണറിയുന്നത്. ഗോഹട്ടി എക്സ്പ്രസിൽ തിരുവനതപുരത്തേക്കുള്ള യാത്രയ്ക്കിടയിലായിരുന്നു ‌കഴിഞ്ഞ ദിവസം മേഘാലയ സ്വദേശിനിയായ യുവതിക്കു നേരെ പീഡനശ്രമമുണ്ടായതായി പരാതിയുള്ളത്. സെക്കൻഡ് എസി കന്പാർട്ട്മെന്‍റ് യാത്രക്കാരിയായ യുവതി ഉറങ്ങുന്നതിനിടയിൽ സഹ യാത്രക്കാരായ മൂന്നു യുവാക്കൾ കടന്നുപിടിക്കുകയായിരുന്നുവെന്നാണ് പരാതി.തിരുവനന്തപുരത്തെ വീട്ടിൽ ജോലിക്കായി വരികയായിരുന്നു യുവതി.

സംഭവത്തെത്തുടർന്നു യുവതി ബഹളം വച്ചെങ്കിലും കന്പാർട്ട്മെന്‍റിലുണ്ടായിരുന്നവർ സഹായിച്ചില്ല. തുടർന്നു ജോലി ചെയ്യുന്ന വീട്ടിലെത്തിയ യുവതി ഇവരുടെ സഹായത്താൽ റെയിൽവേ പോലീസിനു പരാതി നൽകുകയായിരുന്നു.
തന്നെ ഉപദ്രവിച്ച യുവാക്കളുടെ ട്രെയിനിലെ ബെർത്ത് നന്പറടക്കമായിരുന്നു ഇവർ പരാതി നൽകിയത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.