ജീവനെ നിഷേധിക്കുന്ന സമൂഹം നിലനില്ക്കില്ല: മാർ ഇഞ്ചനാനിയിൽ : Deepika.com Kerala News |

Click here for detailed news of all items

ജീവനെ നിഷേധിക്കുന്ന സമൂഹം നിലനില്ക്കില്ല: മാർ ഇഞ്ചനാനിയിൽ

Saturday, February 25, 2017 2:07 PM IST

താമരശേരി: ജീവനെ നിഷേധിക്കുന്ന ശൈലിയുള്ള സമൂഹം നിലനില്ക്കില്ലെന്നു ബിഷപ് മാർ റെമിജിയോസ് ഇഞ്ചനാനിയിൽ. കാരുണ്യവർഷാചരണത്തോടനുബന്ധിച്ചു കെസിബിസി പ്രോ-ലൈഫ് സമിതിയുടെ നേതൃത്വത്തിൽ നടക്കുന്ന കാരുണ്യകേരള സന്ദേശയാത്രയ്ക്ക് താമരശേരി രൂപത നല്കിയ സ്വീകരണത്തിൽ സംസാരിക്കുകയായിരുന്നു അദ്ദേഹം. ജീവകാരുണ്യ പ്രവർത്തകർ ക്രിസ്തുവിന്‍റെ കാരുണ്യമുഖത്തിന്‍റെ ജീവിക്കുന്ന സാക്ഷികളാണെന്നും അവർ ചെയ്യുന്ന സേവനങ്ങളെ നന്ദിയോടെ ഓർക്കണമെന്നും ബിഷപ് പറഞ്ഞു.

കെസിബിസി പ്രോ-ലൈഫ് ഡയറക്ടർ ഫാ. പോൾ മാടശേരി അധ്യക്ഷത വഹിച്ചു. വികാരി ജനറാൾ മോൺ. ജോണ്‍ ഒറവുങ്കര, കാരുണ്യ സന്ദേശജാഥാ ക്യാപ്റ്റൻ ജോർജ് എഫ്. സേവ്യർ, സാബു ജോസ്, ജയിംസ് ആഴ്ചങ്ങാടൻ, സിസ്റ്റർ മേരി ജോർജ്, സി. ടെസ്ന, ഒ.വി. ജോസഫ്, ഫ്രാൻസിസ് വരാപ്പുഴ, ഷൈനി തോമസ്, എൽസി സാബു, ഫാമിലി അപ്പോസ്തലേറ്റ് ഡയറക്ടർ ഫാ. ജോസ് പെണ്ണാപറന്പിൽ, പെയിൻ ആൻഡ് പാലിയേറ്റീവ് രൂപതാ ഡയറക്ടർ ഫാ. സൈമണ്‍ കിഴക്കേക്കുന്നേൽ എന്നിവർ പ്രസംഗിച്ചു.

താമരശേരി രൂപതയിൽ പ്രവർത്തിക്കുന്ന 37 ജീവകാരുണ്യ സ്ഥാപനങ്ങളിലെ പ്രവർത്തകരെയും കെയർഹോം, പാലിയേറ്റീവ് കെയർ സെന്‍റർ, വൃദ്ധസദനം എന്നിവ നടത്തുന്ന വ്യക്തികളെയും ആദരിച്ചു. കെസിബിസിയുടെ അംഗീകാരപത്രവും രൂപതയുടെ പുരസ്കാരങ്ങളും ഇവർക്കു സമ്മാനിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.