കേരളത്തിലെ ലോട്ടറി വില്പന: വിജ്ഞാപനം പിൻവലിച്ചേക്കുമെന്നു മിസോറാം സർക്കാർ : Deepika.com Kerala News |

Click here for detailed news of all items

കേരളത്തിലെ ലോട്ടറി വില്പന: വിജ്ഞാപനം പിൻവലിച്ചേക്കുമെന്നു മിസോറാം സർക്കാർ

Friday, October 20, 2017 12:00 PM IST

കൊച്ചി: സൂപ്പർ ഡീലക്സ് ലോട്ടറിയുടെ കേരളത്തിലെ വില്പന അവസാനിപ്പിച്ചുള്ള വിജ്ഞാപനം പിൻവലിച്ചേക്കുമെന്നു മിസോറാം സർക്കാർ ഹൈക്കോടതിയിൽ ബോധിപ്പിച്ചു.

കേരള ജിഎസ്ടിയിലെ വ്യവസ്ഥകൾ മിസോറാം ലോട്ടറിയുടെ വില്പനയെ തടസപ്പെടുത്തുന്നതാണെന്ന് ആരോപിച്ചു ഡിസ്ട്രിബ്യൂട്ടർമാരായ പാലക്കാട് മേഘ ഡിസ്ട്രിബ്യൂട്ടേഴ്സ് നൽകിയ ഹർജിയാണു ഹൈക്കോടതി പരിഗണിക്കുന്നത്.

ഈ ഹർജി പരിഗണിക്കവെ കേരളത്തിലെ ലോട്ടറിവില്പന അവസാനിപ്പിക്കാൻ തീരുമാനിച്ചെന്ന മിസോറാം സർക്കാരിന്‍റെ അറിയിപ്പു ലഭിച്ചെന്നും അവരുടെ വിജ്ഞാപനം സർക്കാരിന് നൽകിയെന്നും സംസ്ഥാന സർക്കാരിന്‍റെ അഭിഭാഷകൻ വ്യക്തമാക്കിയിരുന്നു.
തുടർന്നു മിസോറാം സർക്കാരിനെക്കൂടി കേസിൽ കക്ഷിയാക്കിയിരുന്നു.

ഈ അവസരത്തിലാണു സെപ്റ്റംബർ അഞ്ചിനിറക്കിയ വിജ്ഞാപനം പിൻവലിക്കാൻ മിസോറാം സർക്കാർ ആലോചിക്കുകയാണെന്ന് അവർക്കുവേണ്ടി ഹാജരായ സീനിയർ അഭിഭാഷകൻ വ്യക്തമാക്കിയത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.