വാഹനം ഒാടിക്കുന്നതിനിടെ ഹൃദയാഘാതം; പാചക തൊഴിലാളി യൂണിയൻ നേതാവ് മരിച്ചു : Deepika.com Kerala News |

Click here for detailed news of all items

വാഹനം ഒാടിക്കുന്നതിനിടെ ഹൃദയാഘാതം; പാചക തൊഴിലാളി യൂണിയൻ നേതാവ് മരിച്ചു

Saturday, October 21, 2017 11:53 AM IST

കട്ടപ്പന : വാഹനമോടിക്കുന്നതിനിടയിൽ ഹൃദയാഘാതമുണ്ടായി പാചകത്തൊഴിലാളി യൂണിയൻ നേതാവ് മരിച്ചു. ദേശീയ പാചക തൊഴിലാളി യൂണിയൻ പ്രസിഡന്‍റ് കട്ടപ്പന പാദുവാപുരം (വെട്ടിക്കുഴക്കവല) പള്ളിവാതുക്കൽ കുര്യൻ മാത്യു(54) ആണ് മരിച്ചത്.
ഇന്നലെ തിരുവനന്തപുരത്തുനിന്നു കട്ടപ്പനയിലേക്കു വാഹനമോടിച്ചു വരുന്ന വഴിയൽ നെഞ്ചുവേദന അനുഭവപ്പെട്ടു.

തുടർന്ന് മേരികുളത്തു വച്ച് അതുവഴി വന്ന മറ്റൊരു വാഹനത്തിൽ കയറി കട്ടപ്പനയിലെ ആശുപത്രിയിലേക്കു വരുന്പോൾ അസ്വസ്ഥത മൂർഛിച്ചു. ഇതോടെ മാട്ടുക്കട്ട വേളാങ്കണ്ണി ആശുപത്രിയിൽ പ്രവേശിപ്പിക്കുകയായിരുന്നു. എന്നാൽ, അപ്പോഴേക്കും മരണം സംഭവിച്ചിരുന്നു. അടിമാലി പൊട്ടൻകാട് സെന്‍റ് സെബാസ്റ്റ്യൻസ് സ്കൂൾ കായികാധ്യാപകനാണ്. കേരള കോണ്‍ഗ്രസ്- എം സംസ്ഥാന കമ്മിറ്റി അംഗം ആയിരുന്നു. സംസ്കാരം പിന്നീട്.

മേലേചിന്നാർ ബഥേൽ സെന്‍റ ജേക്കബ്സ് സ്കൂൾ ഹെഡ് മിസ്ട്രസ് ഇരട്ടയാർ മുത്തനാട്ട് കുടുംബാംഗം ആലീസാണ് ഭാര്യ. മക്കൾ: അതുൽ, ആദർശ്.

പാചകത്തൊഴിലാളികൾ നവംബർ നാലിനു തിരുവനന്തപുരത്തു നടത്തുന്ന ഉപരോധത്തിന്‍റെ വിവരമറിയിച്ചുകൊണ്ട് ഇദ്ദേഹം ഇന്നലെ ഭാരവാഹികൾക്കൊപ്പം കോട്ടയത്തു പത്രസമ്മേളനവും നടത്തിയിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.