പണിമുടക്കിയ നഗരസഭാ ഉദ്യോഗസ്ഥർക്കു ശമ്പളം: ഹിയറിംഗ് നടത്തി : Deepika.com Kerala News |

Click here for detailed news of all items

പണിമുടക്കിയ നഗരസഭാ ഉദ്യോഗസ്ഥർക്കു ശമ്പളം: ഹിയറിംഗ് നടത്തി

Monday, October 23, 2017 1:12 PM IST

തിരുവനന്തപുരം: മന്ത്രി തോമസ് ചാണ്ടിയുടെ ലേക് പാലസ് റിസോർട്ടുമായി ബന്ധപ്പെട്ട ഫയലുകൾ കാണാതായതിനെത്തു ടർന്ന് ഉദ്യോഗസ്ഥരെ സസ്പെൻഡ് ചെയ്ത സംഭവത്തിൽ പ്രതിഷേധിച്ച് ആലപ്പുഴ നഗരസഭയിൽ പണിമുടക്കി സമരം ചെയ്ത ഇടതുപക്ഷ യൂണിയനിലെ ഉദ്യോഗസ്ഥർക്കു ശമ്പളം നൽകിയെന്ന പരാതിയിൽ നഗരകാര്യ ജോയിന്‍റ് ഡയറക്ടർ ബി.കെ. ബൽരാജ് ഹിയറിംഗ് നടത്തി. ആലപ്പുഴ നഗരസഭാ ചെയർമാൻ തോമസ് ജോസഫ് നൽകിയ പരാതിയിലാണ് നടപടി.

ഇതുമായി ബന്ധപ്പെട്ട ഫയലുകളും വസ്തുതകളും പരിശോധിക്കുന്നതിനായി നഗരസഭാ സെക്രട്ടറിയെ വിളിച്ചു വരുത്തിയാണ് ജോയിന്‍റ് ഡയറക്ടർ ഹിയറിംഗ് നടത്തിയത്.പണിമുടക്കിയ ഉദ്യോഗസ്ഥർക്ക് പണിമുടക്കിയ എട്ടു ദിവസത്തെ ശമ്പളം നൽകാനിടയായ സാഹചര്യത്തെക്കുറിച്ചും ഇതുസംബന്ധിച്ച നിയമപരമായ കാര്യങ്ങളെക്കുറിച്ചും നഗരസഭാ സെക്രട്ടറി വിശദീകരിച്ചു.സമരം ചെയ്ത ദിവസങ്ങളിലെ ശമ്പളം നൽകരുതെന്ന നഗരസഭാ അധ്യക്ഷന്‍റെ നിർദേശം മറികടന്ന് സെക്രട്ടറി ബില്ലിൽ ഒപ്പിടുകയായിരുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.