നിപ്പാ വൈറസ് ബാധ: ഉറവിടം കണ്ടെത്താന്‍ പോലീസ് അന്വേഷണവും : Deepika.com Kerala News |

Click here for detailed news of all items

നിപ്പാ വൈറസ് ബാധ: ഉറവിടം കണ്ടെത്താന്‍ പോലീസ് അന്വേഷണവും

Saturday, May 26, 2018 2:25 AM IST

കോഴിക്കോട്: നിപ്പാ വൈറസ് ബാധയുടെ ഉറവിടം കണ്ടെത്താന്‍ പോലീസും അന്വേഷിക്കും. വടകര റൂറല്‍ എസ്പി ജി. ജയദേവിന്‍റെ നേതൃത്വത്തിലാണ് അന്വേഷണം. രോഗലക്ഷണവുമായി ആദ്യം മരിച്ച സൂപ്പിക്കടയിലെ സാബിത്തിനെക്കുറിച്ചുള്ള വിവരങ്ങളാണ് അന്വേഷിക്കുന്നത്. സാബിത്തിന്‍റെ യാത്രകളെക്കു റിച്ചും ആരെല്ലാമായി ബന്ധപ്പെട്ടിരുന്നുവെന്നതും എന്തെല്ലാം ഭക്ഷണം കഴിച്ചുവെന്നതും ഉള്‍പ്പെടെയുള്ള വിവരങ്ങള്‍ ശേഖരിച്ച് ആരോഗ്യവകുപ്പിന്‍റെ നടപടികളുമായി സഹകരിക്കുമെന്ന് എസ്പി ദീപികയോടു പറഞ്ഞു.

മരിക്കുന്നതിനു മുമ്പ് സാബിത്ത് ചെയ്ത കാര്യങ്ങളാണ് പ്രധാനമായും പോലീസ് അന്വേഷിക്കുന്നത്. സാബിത്ത് വിദേശരാജ്യത്ത് ജോലിയുള്ളയാളായിരുന്നു. മരിക്കുന്നതിന് ഏതാനും മാസം മുമ്പാണ് എത്തിയത്. ഈ സാഹചര്യത്തിലാണ് യാത്രാപശ്ചാത്തലം പരിശോധിക്കാന്‍ തീരുമാനിച്ചത്. ഇതിനിടെ, കോട്ടയത്തു നിരീക്ഷണത്തിലുണ്ടായിരുന്ന രണ്ടുപേര്‍ക്കു നിപ്പാവൈറസ് ബാധയില്ലെന്നു വ്യക്തമായതായി ആരോഗ്യവകുപ്പ് അധികൃതര്‍ അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.