നാലംഗ സായുധസംഘം രണ്ടു തൊഴിലാളികളെ ബന്ദിയാക്കി : Deepika.com Kerala News |

Click here for detailed news of all items

നാലംഗ സായുധസംഘം രണ്ടു തൊഴിലാളികളെ ബന്ദിയാക്കി

Saturday, July 21, 2018 2:36 AM IST

കൽപ്പറ്റ: കോഴിക്കോട് എമറാൾഡ് ഗ്രൂപ്പിന്‍റെ കൈവശം മേപ്പാടി പഞ്ചായത്തിലെ തൊള്ളായിരത്തിലുള്ള ഏലത്തോട്ടത്തിൽ നിർമാണത്തിലുള്ള കെട്ടിടത്തിൽ ടൈൽ ജോലിയിൽ ഏർപ്പെട്ടിരുന്ന പശ്ചിമബംഗാൾ സ്വദേശികളായ മൂന്നു തൊഴിലാളികളിൽ രണ്ടു പേരെ നാലംഗ സായുധസംഘം തടഞ്ഞുവച്ചു.

സംഘത്തിനു പിടികൊടുക്കാതെ രക്ഷപ്പെട്ട തൊഴിലാളി കെട്ടിടനിർമാണം നടക്കുന്നതിനു കുറച്ചകലെയുള്ള എസ്റ്റേറ്റ് ഗസ്റ്റ് ഹൗസിൽ സന്ധ്യയോടെയെത്തി അറിയിച്ചതാണു വിവരം. മൂന്നു പുരുഷന്മാരും ഒരു സ്ത്രീയും ഉൾപ്പെടുന്ന സായുധസംഘം കെട്ടിടം പണി നടക്കുന്ന സ്ഥലത്തെത്തി പണം ആവശ്യപ്പെട്ടെന്നും നിരാകരിച്ചപ്പോൾ തടഞ്ഞുവച്ചുവെന്നുമാണു ഗസ്റ്റ് ഹൗസിലെത്തിയ തൊഴിലാളി അറിയിച്ചത്.

മേപ്പാടിയിൽനിന്ന് ഏകദേശം 15 കിലോമീറ്റർ അകലെയാണ് തൊള്ളായിരം. ചൂരൽമലയ്ക്കും അട്ടമലയ്ക്കും ഇടയിലാണ് ഈ പ്രദേശം. ഇതരസംസ്ഥാന തൊഴിലാളികളെ തടഞ്ഞുവച്ചിരിക്കുന്നതു മാവോവാദികളാണെന്ന സംശയത്തിലാണ് നാട്ടുകാരും പോലീസും. സായുധസംഘം തടഞ്ഞുവച്ചിരിക്കുന്നതായി പറയുന്ന തൊഴിലാളികളെ മോചിപ്പിക്കാൻ പോലീസ് നീക്കം ഇന്നു രാവിലെയേ ഉണ്ടാകൂയെന്നാണ് അറിയുന്നത്. പ്രതികൂല കാലാവസ്ഥയും ഇരുട്ടും തൊള്ളായിരം ദുർഘട പ്രദേശമായതിനാലുമാണ് രാത്രിനീക്കം ഒഴിവാക്കിയതെന്നു പോലീസ് കേന്ദ്രങ്ങൾ പറഞ്ഞു. സായുധസംഘത്തിൽനിന്നു രക്ഷപ്പെട്ട തൊഴിലാളിയെ മേപ്പാടി പോലീസ് സ്റ്റേഷനിൽ എത്തിച്ചിട്ടുണ്ട്. സായുധസംഘം മാവോവാദികളെങ്കിൽ രാത്രിതന്നെ തൊഴിലാളികളെ വിട്ടു വനത്തിലേക്കു കടന്നിരിക്കാമെന്ന സംശയവും പോലീസിനുണ്ട്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.