അന്ധവിശ്വാസം, ​മ​ന്ത്ര​വാ​ദം, പ​ണ​ക്കൊ​തി... കൊ​ടുംക്രൂ​ര​ത ഇ​ങ്ങ​നെ
Monday, August 6, 2018 10:15 PM IST
തൊ​ടു​പു​ഴ: മു​ണ്ട​ൻ​മു​ടി കൂ​ട്ട​ക്കൊ​ല​പാ​ത​കം അ​ര​ങ്ങേറിയ​തി​നേ​ക്കു​റി​ച്ചു പോ​ലീ​സ് പ​റ​യു​ന്ന​ത് ഇ​ങ്ങ​നെ: ക​​ഴി​ഞ്ഞ 29ന് ​രാ​​ത്രി​​യാ​​യി​​രു​​ന്നു ക്രൂ​​ര​​മാ​​യ കൊ​​ല​​പാ​​ത​​കം അ​​ര​​ങ്ങേ​​റി​​യ​​ത്. രാ​​ത്രി എ​​ട്ട​​ര​​യോ​​ടെ അ​​നീ​​ഷ് തൊ​​ടു​​പു​​ഴ​​യി​​ൽ ലി​​ബീ​​ഷി​​ന്‍റെ വീ​​ട്ടി​​ലെ​​ത്തി. ലി​​ബീ​​ഷ് വീ​​ട്ടി​​ൽ ന​​ട​​ത്തു​​ന്ന ബൈ​​ക്ക് വ​​ർ​​ക്ക്ഷോ​​പ്പി​​ൽ​നി​​ന്നു ബു​​ള്ള​​റ്റ് ബൈ​​ക്കി​​ന്‍റെ ര​​ണ്ട് ഷോ​​പ്പ് അ​​ബ്സോ​​ർ​​ബ​​റി​​നു​​ള്ളി​​ലെ ര​​ണ്ട് പൈ​​പ്പു​​ക​​ൾ കൈ​​യി​​ൽ ക​​രു​​തി. മ​​ദ്യ​​പി​​ച്ച​​തി​​നു ശേ​​ഷം പി​​ന്നീ​​ട് ഇ​​രു​​വ​​രും സ​​മ​​യം ചെ​​ല​​വ​​ഴി​​ക്കു​​ന്ന​​തി​​നുവേ​​ണ്ടി മൂ​​ല​​മ​​റ്റ​​ത്തു ചൂ​​ണ്ട​​യി​​ടാ​​ൻ പോ​​യി. തു​​ട​​ർ​​ന്ന് 11ഓ​​ടെ മു​​ട്ട​​ത്തു ബാ​​റി​​ലെ​​ത്തി​​യെ​​ങ്കി​​ലും ബാ​​ർ അ​​ട​​ച്ചി​​രു​​ന്നു. 12ഓ​ടെ ക​​ന്പ​​ക​​ക്കാ​​ന​​ത്തെ കൃ​​ഷ്ണ​​ന്‍റെ വീ​​ട്ടി​​ലേ​​ക്കു പോ​​യി.

എ​​ല്ലാ​​വ​​രും ഉ​​റ​​ങ്ങി​​യെ​​ന്നു മ​​ന​​സി​​ലാ​​ക്കി വീ​​ട്ടി​​ലെ ഫ്യൂ​​സ് ഉൗ​​രി. കൃ​​ഷ്ണ​​നെ പു​​റ​​ത്തി​​റ​​ക്കാ​​ൻ വീ​​ടി​​നു പു​​റ​​ത്തു​​ള്ള ആ​​ട്ടി​​ൻ​​കൂ​​ട്ടി​​ൽ ക​​യ​​റി ആ​​ടി​​നെ ആ​​ക്ര​​മി​​ച്ച​​തി​​നു ശേ​​ഷം അ​​ടു​​ക്ക​​ള വാ​​തി​​ൽ​​ക്ക​​ൽ പ​​തു​​ങ്ങി​നി​​ന്നു. ആ​​ട് ക​​ര​​യു​​ന്ന ശ​​ബ്ദം കേ​​ട്ടു കൃ​​ഷ്ണ​​ൻ പു​​റ​​ത്തി​​റ​​ങ്ങി​​യ​​പ്പോ​​ൾ ഇ​​രു​​ന്പുപൈ​​പ്പ് ഉ​​പ​​യോ​​ഗി​​ച്ചു ത​​ല​​യ്ക്ക​​ടി​​ച്ചു വീ​​ഴ്ത്തി. അ​​ല​​ർ​​ച്ച കേ​​ട്ടു സു​​ശീ​​ല പു​​റ​​ത്തി​​റ​​ങ്ങി​​യ​​പ്പോ​​ൾ സു​​ശീ​​ല​​യെ​​യും ആ​​ക്ര​​മി​​ച്ചു. ഇ​​വ​​ർ വീ​​ടി​​ന​​ക​​ത്തേ​​ക്കോ​​ടി​​യ​​പ്പോ​​ൾ പി​​ന്നാ​​ലെ​​യെ​​ത്തി അ​​ടി​​ച്ചുവീ​​ഴ്ത്തി. ഇ​​തി​​നി​​ടെ, ഉ​​റ​​ക്ക​​മു​​ണ​​ർ​​ന്ന് മ​​ക​​ൾ ആ​​ർ​​ഷ ഒ​​രു ക​​ന്പി​​യു​​മാ​​യി എ​​ത്തി അ​​നീ​​ഷി​​നെ പ്ര​​തി​​രോ​​ധി​​ക്കാ​​നാ​​യി ത​​ല​യ്​​ക്ക​​ടി​​ച്ചു.

ത​​ട​​യാ​​നാ​​യി അ​​നീ​​ഷ് കൈ​​യു​​യ​​ർ​​ത്തി​​യ​​പ്പോ​​ൾ കൈ​​യ്ക്കു ക​​ടി​​ച്ചു. തു​​ട​​ർ​​ന്ന് ആ​​ർ​​ഷ​​യെ​​യും ക​​ന്പി​​വ​​ടി​​ക്കു ത​​ല​​യ്ക്ക​​ടി​​ച്ചു വീ​​ഴ്ത്തി. മാ​​ന​​സി​​ക വെ​​ല്ലു​​വി​​ളി നേ​​രി​​ടു​​ന്ന മ​​ക​​ൻ അ​​ർ​​ജു​​ൻ എ​​ഴു​​ന്നേ​​റ്റു വ​​ന്ന​​പ്പോ​​ൾ ത​​ല​​ക്ക​​ടി​​ച്ചു. അ​​ക​​ത്തേ​​ക്കോ​​ടി​​യ​​പ്പോ​​ൾ പി​​ന്നാ​​ലെ എ​​ത്തി വാ​​ക്ക​​ത്തി ഉ​​പ​​യോ​​ഗി​​ച്ചു വെ​​ട്ടി​വീ​​ഴ്ത്തി. കൃ​​ഷ്ണ​​ൻ വീ​​ടി​​നു പു​​റ​​ത്തും സു​​ശീ​​ല അ​​ടു​​ക്ക​​ള​​യോ​​ടു ചേ​​ർ​​ന്നു​​ള്ള മു​​റി​​യി​​ലും മ​​ക​​ൾ അ​​ടു​​ക്ക​​ള​​യി​​ലും മ​​ക​​ൻ ഉ​​ള്ളി​​ലെ മു​​റി​​യി​​ലു​​മാ​ണു വീ​​ണ​​ത്. എ​​ല്ലാ​​വ​​രും മ​​രി​​ച്ചെ​​ന്നു​​റ​​പ്പാ​​ക്കി​​യ ശേ​​ഷം കൃ​​ഷ്ണ​​നെ എ​​ടു​​ത്തു മു​​റി​​യി​​ൽ കി​​ട​​ത്തി വീ​​ട്ടി​​ലു​​ണ്ടാ​​യി​​രു​​ന്ന സ്വ​​ർ​​ണ​​വും 3500ഓ​​ളം രൂ​​പ​​യും എ​​ടു​​ത്തു സ്ഥ​​ലം​വി​​ട്ടു.

തി​​ങ്ക​​ളാ​​ഴ്ച രാ​​വി​​ലെ ഇ​​രു​​വ​​രും വെ​​ങ്ങ​​ല്ലൂ​​രി​​ൽ ക​​ട​​വി​​ലെ​​ത്തി കു​​ളി​​ച്ച​ ശേ​​ഷം ലി​​ബി​​ഷി​​ന്‍റെ വീ​​ട്ടി​​ലെ​​ത്തി. തി​​ങ്ക​​ളാ​​ഴ്ച വൈ​​കി​​ട്ടു വീ​​ണ്ടും കൃ​​ഷ്ണ​​ന്‍റെ വീ​​ട്ടി​​ലെ​​ത്തി. മു​​റി​​യി​​ൽ നി​​ല​​ത്തി​​രി​​ക്കു​​ന്ന നി​​ല​​യി​​ൽ ക​​ണ്ട അ​​ർ​​ജു​​നു ജീ​​വ​​ൻ ബാ​​ക്കി​​യു​​ണ്ടാ​​യി​​രു​​ന്നു. ഇ​​തേ​ത്തു​ട​​ർ​ന്നു സ​​മീ​​പ​​ത്തി​​രു​​ന്ന ചു​​റ്റി​​ക​​യെ​​ടു​​ത്തു ത​​ല​​യ്ക്ക​​ടി​​ച്ചു മ​​ര​​ണം ഉ​​റ​​പ്പാ​​ക്കി. കൂ​​ടാ​​തെ എ​​ല്ലാ​​വ​​രെ​​യും ക​​ത്തി​​ക്കു കു​​ത്തു​​ക​​യും ചെ​​യ്തു. രാ​​ത്രി 12ഓ​​ടെ ആ​​ട്ടി​​ൻകൂ​​ടി​​നു സ​​മീ​​പം കു​​ഴി​​യെ​​ടു​​ത്തു മൃ​​ത​​ദേ​​ഹ​​ങ്ങ​​ൾ മൂ​ടി. മൂ​​ടു​​ന്ന​​തി​​നു മു​​ൻ​​പ് എ​​ല്ലാ​​വ​​രു​​ടെ​​യും ശ​​രീ​​ര​​ത്തു​​ണ്ടാ​​യി​​രു​​ന്ന ആ​​ഭ​​ര​​ണ​​ങ്ങ​​ൾ അ​​ഴി​​ച്ചെ​​ടു​​ത്തു. വീ​​ണ്ടും വീ​​ട്ടി​​ൽ വെ​​ള്ള​​മൊ​​ഴി​​ച്ചു ക​​ഴു​​കി. ഇ​​തി​​ന​​ടു​​ത്ത ദി​​വ​​സ​​വും അ​​ടി​​മാ​​ലി​​യി​​ൽ​നി​​ന്ന് അ​​നീ​​ഷ് ലി​​ബീ​​ഷി​​ന്‍റെ വീ​​ട്ടി​​ലെ​​ത്തി വീ​​ണ്ടും കൃ​​ഷ്ണ​​ന്‍റെ വീ​​ട്ടി​​ലേ​​ക്കു പോ​​കാ​​ൻ തീ​​രു​​മാ​​നി​​ച്ചെ​​ങ്കി​​ലും പി​​ന്നീ​​ട് വേ​​ണ്ടെ​​ന്നു​വ​​ച്ചു.

അ​​നീ​​ഷി​​ന്‍റെ ഫോ​​ണ്‍ കോ​​ളു​​ക​​ൾ ഉ​​ൾ​​പ്പെ​​ടെ പ​​രി​​ശോ​​ധി​​ച്ച​​തി​​നെ​ത്തു​​ട​​ർ​​ന്നാ​​ണ് പ്ര​​തി​​ക​​ളെ​ക്കു​റി​​ച്ചു സൂ​​ച​​ന​​ക​​ൾ ല​​ഭി​​ച്ച​​ത്. സി​​സി​​ടി​​വി ദൃ​​ശ്യ​​ങ്ങ​​ളി​​ൽ​നി​​ന്നു വി​​വ​​രം ല​​ഭി​​ച്ചി​​രു​​ന്നു. സം​​സ്ഥാ​​ന​​ത്തി​​ന​​ക​​ത്തും പു​​റ​​ത്തു​നി​​ന്നു​​മാ​​യി മു​​ന്നൂ​​റോ​​ളം പേ​​രെ പോ​​ലീ​​സ് ചോ​​ദ്യം ചെ​​യ്തി​​രു​​ന്നു. കാ​​രി​​ക്കോ​​ട്ടെ വീ​​ട്ടി​​ൽ​നി​​ന്നാ​​ണ് ലി​​ബീ​​ഷി​​നെ ക​​സ്റ്റ​​ഡി​​യി​​ലെ​​ടു​​ത്ത​​ത്. കൊ​​ല​​യ്ക്ക് ഉ​​പ​​യോ​​ഗി​​ച്ച ചു​​റ്റി​​ക​​യും ക​​ത്തി​​ക​​ളും പോ​​ലീ​​സ് ക​​ണ്ടെ​​ടു​​ത്തി​​രു​​ന്നു. കൊ​​ല ന​​ട​​ന്ന വീ​​ട്ടി​​ൽ​നി​​ന്നു ക​​വ​​ർ​​ന്ന 20 പ​​വ​​നോ​​ളം സ​​ർ​​ണം വീ​​ണ്ടെ​​ടു​​ക്കാ​​നു​​ണ്ട്. ഇ​​തി​​നി​​ടെ, കൂ​​ട്ട​​ക്കൊ​​ല​​പാ​​ത​​ക​​ത്തി​​നു ശേ​​ഷം പോ​​ലീ​​സ് പി​​ടി​​ക്കാ​​തി​​രി​​ക്കാ​​നാ​​യി പ്ര​​തി​​ക​​ൾ അ​​ടി​​മാ​​ലി​​യി​​ലെ അ​​നീ​​ഷി​​ന്‍റെ വീ​​ട്ടി​​ൽ കോ​​ഴി​​യെ വെ​​ട്ടി പൂ​​ജ​​യും ന​​ട​​ത്തി​​യി​​രു​​ന്ന​​താ​​യും പോ​​ലീ​​സ് പ​​റ​​ഞ്ഞു.

എ​​റ​​ണാ​​കു​​ളം റേ​​ഞ്ച് ഐ​​ജി വി​​ജ​​യ് സാ​​ഖ​​റേ, എ​​സ്പി കെ.​​ബി. വേ​​ണു​​ഗോ​​പാ​​ൽ എ​​ന്നി​​വ​​രു​​ടെ മേ​​ൽ​​നോ​​ട്ട​​ത്തി​​ലാ​​യി​​രു​​ന്നു അ​​ന്വേ​​ഷ​​ണം. തൊ​​ടു​​പു​​ഴ ഡി ​​വൈ​​എ​​സ്പി കെ.​​പി.​​ജോ​​സ്, ക്രൈം ​​ഡി​​റ്റാ​​ച്ച്മെ​​ന്‍റ് ഡി​​വൈ​​എ​​സ്പി ആ​​ന്‍റ​​ണി തോ​​മ​​സ് എ​​ന്നി​​വ​​രു​​ടെ നേ​​തൃ​​ത്വ​​ത്തി​​ൽ ആ​​റു സി​​ഐ​​മാ​​രു​​ൾ​​പ്പെ​​ടെ 65 അം​​ഗ പ്ര​​ത്യേ​​ക സം​​ഘ​​മാ​​ണ് കേ​​സ് അ​​ന്വേ​​ഷി​​ച്ച​​ത്. കാ​​ര്യ​​മാ​​യ തെ​​ളി​​വു​​ക​​ൾ അ​​വ​​ശേ​​ഷി​​പ്പി​​ക്കാ​​തെ ന​​ട​​ന്ന കൊ​​ല​​പാ​​ത​​കം തെ​​ളി​​യി​​ച്ച അ​​ന്വേ​​ഷ​​ണ ഉ​​ദ്യോ​​ഗ​​സ്ഥ​​ർ​​ക്ക് ഡി​​ജി​​പി ലോ​​ക​​നാ​​ഥ് ബെ​​ഹ്റ റി​​വാ​​ർ​​ഡ് പ്ര​​ഖ്യാ​​പി​​ച്ചി​​ട്ടു​​ണ്ട്.


കൃ​ഷ്ണ​നെ​യും മ​ക​നെ​യും കു​ഴി​ച്ചി​ട്ടതു ജീ​വ​നോ​ടെ


തൊ​​ടു​​പു​​ഴ: മു​ണ്ട​ൻമു​ടി ക​​ന്പ​​ക​​ക്കാ​​നം കൂ​​ട്ട​​ക്കൊ​​ല​​ക്കേ​​സ് ചു​​രു​​ൾ​​നി​​വ​​രു​​ന്പോ​​ൾ മ​​നു​​ഷ്യ​മ​​നഃ​​സാ​​ക്ഷി​​യെ ഞെ​​ട്ടി​​ക്കു​​ന്ന വെ​​ളി​​പ്പെ​​ടു​​ത്ത​​ലു​​മാ​​യി പ്ര​​തി ലി​​ബി​​ഷ് ബാ​​ബു. ക​​ന്പ​​ക​​ക്കാ​​ന​​ത്തു മ​​ന്ത്ര​​വാ​​ദി​കു​​ടും​​ബ​​ത്തി​​ലെ നാ​​ലം​​ഗ​​ങ്ങ​​ൾ കൊ​ല്ല​പ്പെ​ട്ട സം​ഭ​വ​ത്തി​ൽ അ​​ച്ഛ​നെ​യും മ​​ക​​നെ​​യും ജീ​​വ​​നോ​​ടെ കു​​ഴി​​ച്ചു​​മൂ​​ടി എ​​ന്നാ​​ണു പ്ര​തി​യു​ടെ വെ​ളി​പ്പെ​ടു​ത്ത​ൽ. കൃ​​ഷ്ണ​​ന്‍റെ സ​​ഹാ​​യി അ​​നീ​​ഷ്, സു​​ഹൃ​​ത്ത് ലി​​ബി​​ഷ് ബാ​​ബു എ​​ന്നി​​വ​​രാ​ണ് കൊ​ല​പാ​ത​ക​ത്തി​ൽ പ​ങ്കെ​ടു​ത്ത​ത്.

ഞാ​യ​റാ​ഴ്ച രാ​ത്രി കൃ​​ഷ്ണ​​ൻ, ഭാ​​ര്യ സു​​ശീ​​ല, മ​​ക​​ൾ ആ​​ർ​​ഷ, മ​​ക​​ൻ അ​​ർ​​ജു​​ൻ എ​​ന്നി​​വ​​രെ ത​​ല​​യ്ക്ക​​ടി​​ച്ചും വെ​​ട്ടി​​യും മ​​ര​​ണം ഉ​​റ​​പ്പാ​​ക്കി​യ സം​ഘം തു​ട​ർ​ന്ന് സ്ഥ​ലം​വി​ട്ടു. ര​​ണ്ടാ​​മ​​ത്തെ ദി​​വ​​സം രാ​​ത്രി പ​​തി​​നൊ​​ന്നി​​ന് ഇ​​വ​​ർ വീ​​ണ്ടും മ​ട​ങ്ങിയെത്തി. അ​പ്പോ​ൾ മു​​റി​​യി​​ൽ ത​​ല​​യ്ക്കു കൈ ​​കൊ​​ടു​​ത്ത് പ്ര​​തി​​ക​​രി​​ക്കാ​​ൻ ക​​ഴി​​യാ​​തെ ഇ​​രി​​ക്കു​​ന്ന അ​​ർ​​ജു​​നെ​​യാ​​ണ് ഇ​​വ​​ർ കാ​​ണു​​ന്ന​​ത്. അ​​വി​​ടെ​​യി​​രു​​ന്ന ചു​​റ്റി​​ക​കൊ​​ണ്ട് അ​​ർ​​ജു​​ന്‍റെ ത​​ല​​യ്ക്കു വീ​​ണ്ടും അ​​ടി​​ച്ചു. ക​​ത്തി​കൊ​​ണ്ടു കു​​ത്തു​​ക​​യും ചെ​​യ്തു. ഇ​തോ​ടെ എ​ല്ലാ​വ​രും മ​രി​ച്ചെ​ന്നാ​യി​രു​ന്നു പ്ര​തി​ക​ളു​ടെ വി​ല​യി​രു​ത്ത​ൽ. എ​​ന്നാ​​ൽ, കൃ​​ഷ്ണ​​നും മ​​ക​​നും മ​​രി​​ച്ചി​​രു​​ന്നി​​ല്ല.

മൃ​​ത​​ദേ​​ഹ​​ങ്ങ​​ൾ വീ​​ടി​​നു​​ള്ളി​​ൽ സൂ​​ക്ഷി​​ച്ചാ​​ൽ നാ​​ട്ടു​​കാ​​ർ അ​​റി​​യു​​മെ​​ന്നും തെ​​ളി​​വു ന​​ശി​​പ്പി​​ക്കു​ന്ന​തി​ന്‍റെ ഭാ​ഗ​മാ​യി കു​​ഴി​​ച്ചു ൂ​​ടാ​​നും ഇ​രു​വ​രും തീ​​രു​​മാ​​നി​​ച്ചു. ഇ​തി​നാ​യി ആ​​ട്ടി​​ൻ​​കൂ​​ടി​​നു സ​​മീ​​പം ഒ​​രു കു​​ഴി​​യെ​​ടു​​ത്തു നാ​ലു​പേ​രെ​യും അ​തി​ൽ ഇ​ട്ടു ​മൂ​ടു​ക​യാ​യി​രു​ന്നു. എ​ന്നാ​ൽ, അ​​പ്പോ​​ൾ കൃ​​ഷ്ണ​​നും മ​​ക​​നും മ​​രി​​ച്ചി​​ട്ടി​ല്ലാ​യി​രു​ന്നു​വെ​ന്നു പോ​ലീ​സ് പ​റ​യു​ന്നു. കാ​ര​ണം, ഇ​​വ​​രു​​ടെ ശ്വാ​​സ​​കോ​​ശ​​ത്തി​​ൽ​നി​ന്ന് മ​​ണ്ണി​​ന്‍റെ അം​​ശം ക​ണ്ടെ​ത്തി​യി​രു​ന്നു.


പൂ​ജ നടത്തിയിട്ടും പിടിക്കപ്പെട്ടു!

തൊ​ടു​പു​ഴ: മ​ന്ത്ര​ശ​ക്തി തി​രി​കെപ്പി​ടി​ക്കാ​ൻ മ​ന്ത്രവാ​ദി​യെ​ത്ത​ന്നെ കൊ​ല​പ്പെ​ടു​ത്തി​യ ശി​ഷ്യ​ൻ അ​​നീ​​ഷ് പി​​ടി​​ക്ക​​പ്പെ​​ടാ​​തി​​രി​​ക്കാ​​ൻ അ​​ടി​​മാ​​ലി​​യി​​ൽ പൂ​​ജ ന​​ട​​ത്തി. കോ​​ഴി​​യു​​ടെ ത​​ല​​യ​​റത്താ​​ണ് പൂ​​ജ ന​​ട​​ത്തി​​യ​​തെ​​ന്നു ലി​​ബി​​ഷ് സ​​മ്മ​​തി​​ച്ചു. ഗു​​രു​​നാ​​ഥ​​ന് 300 മൂ​​ർ​​ത്തി​​മാ​​രു​​ടെ ശ​​ക്തി​​യു​​ണ്ടാ​​യി​​രു​​ന്നെ​​ങ്കി​​ൽ അ​​തി​​ലും​​ വ​​ലി​​യൊ​​രു മ​​ന്ത്ര​​വാ​​ദി​​യാ​​യി മാ​​റു​​ക​​യാ​​യി​​രു​​ന്ന​ത്രേ അ​​നീ​​ഷി​​ന്‍റെ ല​​ക്ഷ്യം.
കൊ​​ല​​പാ​​ത​​കം ചെ​​യ്ത​ത് ആ​രു​മ​റി​ഞ്ഞി​ല്ലെ​ങ്കി​ലും ഏ​​തെ​​ങ്കി​​ലും മൂ​​ർ​​ത്തി​​ക​​ളു​​ടെ കോ​​പമു​​ണ്ടാ​​യാ​​ൽ പി​​ടി​​ക്ക​​പ്പെ​​ടാ​​മെ​​ന്ന ഭ​​യം അ​​നീ​​ഷി​​നു​​ണ്ടാ​​യി​​രു​​ന്ന​ത്രേ. അ​​തു​കൊ​​ണ്ടാ​​ണ് അ​​ടി​​മാ​​ലി​​യി​​ലെ വീ​​ട്ടി​​ൽ പൂ​​ജ ന​​ട​​ത്തി​​യ​തെ​ന്നു ല​ിബി​ഷ് പ​റ​യു​ന്നു. മൂ​​ന്നു മാ​​സം മു​​ന്പാ​​ണ് ലി​​ബി​​ഷ് പ​​ട്ടി​​മ​​റ്റ​​ത്തു​​ള്ള ഒ​​രു പെ​​ണ്‍​കു​​ട്ടി​​യെ വി​​വാ​​ഹം ക​​ഴി​​ച്ച​​ത്. അ​​നീ​​ഷ് വ​​യ​​നാ​​ട്ടി​​ൽ​നി​​ന്ന് ഒ​​രു പെ​​ണ്‍​കു​​ട്ടി​​യെ കൊ​​ണ്ടു​വ​​ന്നു​ താ​​മ​​സി​​പ്പി​​ക്കു​​ന്ന​​താ​​യി വി​വ​ര​മു​ണ്ടെ​ന്നും പോ​​ലീ​​സ് പ​​റ​​യു​​ന്നു.



കൃ​ഷ്ണ​നെ പു​റ​ത്തി​റ​ക്കാ​ൻ ആ​ടി​നെ അ​ടി​ച്ചു

തൊ​​ടു​​പു​​ഴ: അ​​ർ​​ധ​​രാ​​ത്രി​​യി​​ൽ കൃ​ഷ്ണ​ന് പു​റ​ത്തി​റ​ങ്ങു​ന്ന ശീ​ല​മി​ല്ല. മു​ൻ ശി​ഷ്യ​നാ​യ അ​നീ​ഷി​ന് ഇ​ത​റി​യാ​മാ​യി​രു​ന്നു. അ​തി​നാ​ൽ മ​ന്ത്ര​വാ​ദി​യാ​യ കൃ​​ഷ്ണ​​നെ രാ​ത്രി​യി​ൽ വീ​​ടി​​നു വെ​​ളി​​യി​​ൽ ഇ​​റ​​ക്കാ​ൻ അ​നീ​ഷ് ഒ​രു ത​ന്ത്രം ക​ണ്ടു​പി​ടി​ച്ചു. വീ​ട്ടി​ലെ ആ​​ടി​​നെ ക്രൂ​ര​മാ​യി ആ​ക്ര​മി​ക്കു​ക.

രാ​​ത്രി പ​​ന്ത്ര​​ണ്ടി​​നു ​ശേ​​ഷം വീ​​ടി​​നു സ​​മീ​​പം വ​​ന്നു ഫ്യൂ​​സ് ഉൗ​​രി​​യ ര​​ണ്ടം​​ഗ സം​​ഘം കൂ​​ട്ടി​​ൽ​നി​​ന്ന ആ​​ടി​​നെ കൈ​​യി​​ലി​​രു​​ന്ന ഇ​​രു​​ന്പു​​പൈ​​പ്പ് വ​​ച്ച് അ​​ടി​​ച്ചു. ആ​​ടി​​ന്‍റെ അ​​ല​​ർ​​ച്ച​​യും ആ​​ട്ടി​​ൻ​കൂ​​ട്ടി​​ലെ ബ​​ഹ​​ള​​വും കേ​​ട്ടു കൃ​​ഷ്ണ​​ൻ അ​​ടു​​ക്ക​​ളഭാ​​ഗ​​ത്തു​​ള്ള വാ​​തി​​ൽ തു​​റ​​ന്നു പു​റ​ത്തേ​ക്കി​​റ​​ങ്ങി. ഇ​തു പ്ര​തീ​ക്ഷി​ച്ചു കൈ​​യി​​ൽ ഇ​​രു​​ന്പു പൈ​​പ്പു​​മാ​​യി​നി​​ന്ന അ​​നീ​​ഷ് ആ​​ദ്യ​​ത്തെ അ​​ടി ത​​ല​​യ്ക്കു കൊ​​ടു​​ത്തു.
അ​ല​ർ​ച്ച​യോ​ടെ കൃ​ഷ്ണ​ൻ നി​ല​ത്തേ​ക്കു വീ​ണു. ഉ​ട​ൻ കൃ​ഷ്ണ​ന്‍റെ അ​ര​യി​ൽ കെ​ട്ടി​യി​രു​ന്ന ഏ​ല​സ് അ​നീ​ഷ് അ​ഴി​ച്ചു​ക​ള​ഞ്ഞു. ഇ​ത് അ​ഴി​ച്ചു​ക​ള​ഞ്ഞാ​ൽ കൃ​ഷ്ണ​ന്‍റെ ശ​ക്തി ന​ഷ്ട​പ്പെ​ടു​മെ​ന്ന ധാ​ര​ണ​യി​ലാ​യി​രു​ന്നു ഈ ​പ്ര​വൃ​ത്തി.

മു​റ്റ​ത്തെ ബ​ഹ​ളം കേ​ട്ടു തൊ​ട്ടു​പി​ന്നാ​ലെ ഭാ​ര്യ ഒാ​ടി​യെ​ത്തി. ഇ​വ​ർ​ക്കി​ട്ടും അ​ടി​ച്ചെ​ങ്കി​ലും ഇ​വ​ർ കൈ​കൊ​ണ്ട് ത​ട്ടി​ക്ക​ള​ഞ്ഞി​ട്ട് അ​ക​ത്തേ​ക്കോ​ടി. എ​ന്നാ​ൽ, പി​ന്നാ​ലെ എ​ത്തി​യ അ​ക്ര​മി​ക​ൾ ഇ​വ​രെ വീ​ണ്ടും ആ​ക്ര​മി​ക്കു​ക​യാ​യി​രു​ന്നു.


ആ​റു​മാ​സം മു​ന്പെ​ടു​ത്ത തീ​രു​മാ​നം

തൊ​ടു​പു​ഴ: അ​ന്ധ​വി​ശ്വാ​സ​ത്തി​ന്‍റെ​യും ദു​ർ​മ​ന്ത്ര​വാ​ദ​ത്തി​ന്‍റെ​യും പ​ണ​ക്കൊ​തി​യു​ടെ​യും ബാ​ക്കിപ​ത്ര​മാ​യി​രു​ന്നു തൊ​ടു​പു​ഴ​യി​ൽ ന​ട​ന്ന കൊ​ല​പാ​ത​കം. കൊ​ല​പാ​ത​കം ന​ട​ത്താ​ൻ മു​ഖ്യ​പ്ര​തി അ​നീ​ഷ് ആ​റു മാ​സം മു​ന്പുത​ന്നെ പ​ദ്ധ​തി ത​യാ​റാ​ക്കി​യി​രു​ന്നെ​ന്നാ​ണ് പോ​ലീ​സ് പ​റ​യു​ന്ന​ത്.

ത​​ന്‍റെ മ​​ന്ത്ര​​വാ​​ദ​​മെ​​ല്ലാം പൊ​​ളി​​യു​​ന്ന​​തു കൃ​​ഷ്ണ​​ന്‍റെ മാ​​ന്ത്രി​​ക​​സി​​ദ്ധി​​ മൂ​​ല​​മാ​​ണെ​​ന്നു തെ​റ്റി​ദ്ധ​രി​ച്ച അ​​നീ​​ഷ് ഇ​ക്കാ​ര്യ​ത്തി​ൽ ഗു​രുകൂ​ടി​യാ​യ കൃ​​ഷ്ണ​​നെ ഇ​​ല്ലാ​​യ്മ ചെ​​യ്യാ​​ൻ തീ​​രു​​മാ​​നി​ക്കു​ക​യാ​യി​രു​ന്നു. കൃ​​ഷ്ണ​​നു 300 മൂ​​ർ​​ത്തി​​മാ​​രു​​ടെ ശ​​ക്തി​​യു​ണ്ടെ​ന്നാ​ണ​ത്രേ അ​നീ​ഷ് വി​ശ്വ​സി​ച്ചി​രു​ന്ന​ത്.
മൂ​​ന്നു വ​​ർ​​ഷ​​ക്കാ​​ലം കൃ​​ഷ്ണ​​ന്‍റെ കൂ​​ടെ​നി​​ന്നു മ​​ന്ത്ര​​വാ​​ദ​​വും ആ​ഭി​ചാ​രക​ർ​മ​ങ്ങ​ളും പ​​ഠി​​ച്ച അ​​നീ​​ഷ് പി​ന്നീ​ട് കൃ​ഷ്ണ​നു​മാ​യി പി​ണ​ങ്ങു​ക​യാ​യി​രു​ന്നു. ഇ​തോ​ടെ, ത​​നി​​യെ മ​​ന്ത്ര​​വാ​​ദം ചെ​​യ്യാ​​ൻ തു​​ട​​ങ്ങി. എ​​ന്നാ​​ൽ, അ​​നീ​​ഷ് ചെ​​യ്യു​​ന്ന​​തെ​​ല്ലാം പൊ​​ളി​​യു​ക​യാ​യി​രു​ന്ന​ത്രേ. കൃ​​ഷ്ണ​​ന്‍റെ ശ​​ക്തി​ മൂ​ല​മാ​ണ് ത​​നി​​ക്കു പ​​രാ​​ജ​​യം ഉ​​ണ്ടാ​​കു​​ന്ന​​തെ​ന്നാ​യി​രു​ന്നു ഇ‍യാ​ളു​ടെ വി​ശ്വാ​സം.

കൃ​​ഷ്ണ​​നെ കൊ​ല​പ്പെ​ടു​ത്തി വീ​​ട്ടി​​ലി​​രി​​ക്കു​​ന്ന താ​​ളി​​യോ​​ല ഗ്ര​​ന്ഥ​​ങ്ങ​​ൾ ത​​ട്ടി​​യെ​​ടു​​ക്കാ​​ൻ ആ​റു മാ​സം മു​ന്പ് തീ​​രു​​മാ​​നി​​ച്ചി​രു​ന്നു.​ അ​തോ​ടെ, കൃ​ഷ്ണ​ന്‍റെ സി​​ദ്ധി ത​​നി​​ക്കു സ്വ​​ന്ത​​മാ​​ക്കാ​​മെ​​ന്നും ഇ​യാ​ൾ വി​​ശ്വ​​സി​​ച്ചു. കൊ​ല​പ്പെ​ടു​ത്താ​നു​ള്ള പ​ദ്ധ​തി സു​​ഹൃ​​ത്താ​​യ ലി​​ബി​​ഷു​​മാ​​യി പ​​ങ്കു​വ​​ച്ചു. എ​​ന്നാ​​ൽ, ലി​​ബി​​ഷ് ആ​ദ്യം ത​​യാ​​റാ​​യി​​ല്ല. തു​ട​ർ​ന്ന് ഇ​​വി​​ടെ​​നി​​ന്നു ല​​ഭി​​ക്കു​​ന്ന വ​ൻ തു​ക​യും സ്വ​​ർ​​ണാ​​ഭ​​ര​​ണ​​ങ്ങ​​ളും ന​​ൽ​​കാ​​മെ​​ന്നു പ​റ​ഞ്ഞു പ്ര​ലോ​ഭി​പ്പി​ച്ചു. ഇ​​തി​​നു ലി​​ബി​​ഷ് സ​​മ്മ​​തി​​ച്ചു.

കൊ​ല​പാ​ത​ക​ത്തി​ന് ജൂ​​ലൈ 29നു ​​രാ​​ത്രി തെ​​ര​​ഞ്ഞെ​​ടു​​ത്ത​​തും അ​​നീ​​ഷാ​​ണ്. അ​​തി​​നാ​​യി അ​​ടി​​മാ​​ലി​​യി​​ൽ​നി​​ന്നു ബൈ​​ക്കി​​ലാ​​ണു ലി​​ബി​​ഷി​​ന്‍റെ അ​​ടു​​ത്ത് ഇ​യാ​ൾ വ​​ന്ന​​ത്. ഇ​രു​വ​രു​ടെ​യും പേ​രി​ൽ ഇ​തു​വ​രെ ചി​ല്ല​റ അ​ടി​പി​ടി​ക്കേ​സു​ക​ൾ മാ​ത്ര​മാ​ണ് ഉ​ണ്ടാ​യി​രു​ന്ന​ത്.


മന്ത്രശക്തി ആവാഹിക്കാൻ കൊടുംക്രൂരത



തൊ​​ടു​​പു​​ഴ: അ​ന്ധ​വി​ശ്വാ​സ​വും പ​ണ​ക്കൊ​തി​യും ല​ഹ​രി​യാ​യ​പ്പോ​ൾ പ​​തി​​ന​​ഞ്ച് കൊ​​ല്ല​​മാ​​യി പ​​ര​​സ്പ​​രം അ​​റി​​യാ​​വു​ന്ന കു​ടും​ബ​ത്തെ​യാ​ണ് അ​നീ​ഷും കൂ​ട്ടു​പ്ര​തി​യും കൊ​ല​പ്പെ​ടു​ത്തി​യ​ത്. ബു​​ള്ള​​റ്റി​​ന്‍റെ ഷോ​​ക്ക് അ​​ബ്സോ​​ർ​​ബ​​റി​​ലെ ഇ​​രു​​ന്പു​​പൈ​പ്പാ​ണ് ആ​ക്ര​മ​ണ​ത്തി​ന് ഉ​പ​യോ​ഗി​ച്ച​ത്. കൃ​ഷ്ണ​നെ ഇ​ല്ലാ​താ​ക്കി​യാ​ൽ അ​യാ​ളു​ടെ പ​ക്ക​ലു​ണ്ടെ​ന്നു ക​രു​തു​ന്ന 300 മൂ​ർ​ത്തി​ക​ളു​ടെ ശ​ക്തി ത​നി​ക്കു ല​ഭി​ക്കു​മെ​ന്ന വി​ശ്വാ​സ​മാ​യി​രു​ന്നു അ​നീ​ഷി​ന്.

കൃ​ഷ്ണ​ന്‍റെ കൈ​യി​ൽ നി​ര​വ​ധി താ​ളി​യോ​ല​ക​ൾ ഉ​ണ്ടെ​ന്നും അ​തു സ്വ​ന്ത​മാ​ക്കി​യാ​ൽ ദു​ർമ​ന്ത്ര​വാ​ദം ചെ​യ്തു കോ​ടി​ക​ൾ സ​ന്പാ​ദി​ക്കാ​മെ​ന്നും ഇ​യാ​ൾ മോ​ഹി​ച്ചു. കൃ​ഷ്ണ​നി​ൽ​നി​ന്ന് ആ​ഭി​ചാ​ര​ക​ർ​മ​ങ്ങ​ൾ പ​ഠി​ച്ച ഇ​യാ​ൾ സ്വ​ന്തം നി​ല​യ്ക്കു ചെ​യ്തു തു​ട​ങ്ങി​യെ​ങ്കി​ലും ഒ​ന്നും പ്ര​തീ​ക്ഷ​തു​പോ​ലെ ന​ട​ന്നി​ല്ല. ഇ​തോ​ടെ ത​ന്‍റെ ശ​ക്തി​കൂ​ടി കൃ​ഷ്ണ​ൻ സ്വ​ന്ത​മാ​ക്കി​യെ​ന്ന ചി​ന്ത ഇ​യാ​ളി​ൽ ശ​ക്തി​പ്പെ​ട്ടു. ഇ​തു തി​രി​ച്ചു​പി​ടി​ക്കാ​നു​ള്ള സാ​ഹ​സ​മാ​ണ് കൊ​ല​പാ​ത​ക​ത്തി​ൽ ക​ലാ​ശി​ച്ച​ത്.


അ​യ​ൽ​ബ​ന്ധ​മി​ല്ലാ​ത്ത​തു കൊലപാതകികൾക്ക് അവസരമായി

തൊ​​ടു​​പു​​ഴ: മു​​ണ്ട​​ൻ​​മു​​ടി ക​​ന്പ​​ക​​ക്കാ​​ന​​ത്തു നാ​​ലാം​​ഗ കു​​ടും​​ബ​​ത്തെ ഇ​​ല്ലാ​​യ്മ ചെ​​യ്യാ​​ൻ പ്ര​​തി​​ക​ൾ​ക്കു ധൈ​ര്യം ന​ൽ​കി​യ​ത് കൃ​​ഷ്ണ​ന്‍റെ​യും കു​​ടും​​ബ​​ത്തി​ന്‍റെ​യും ഒ​റ്റ​പ്പെ​ട്ട ജീ​വി​തം. ബ​​ന്ധു​​ക്ക​​ളു​​മാ​​യും അ​​യ​​ൽ​​വാ​​സി​​ക​​ളു​​മാ​​യും ഈ ​കു​ടും​ബ​ത്തി​നു യാ​തൊ​രു അ​ടു​പ്പ​വു​മി​ല്ലാ​യി​രു​ന്നു. മൂ​​ന്നു വ​​ർ​​ഷം കൃ​​ഷ്ണ​​ന്‍റെ കൂ​​ടെ ന​​ട​​ന്ന അ​​നീ​​ഷി​​ന് ഇ​ക്കാ​ര്യ​ങ്ങ​ളെ​ല്ലാം അ​റി​യാ​മാ​യി​രു​ന്നു. ഈ ​വീ​ട്ടി​ലേ​ക്ക് അ​യ​ൽ​ക്കാ​ർ ഉ​ൾ​പ്പെ​ടെ ആ​രും വ​രി​ല്ലെ​ന്ന ഉ​റ​പ്പോ​ടെ​യാ​ണ് ഇ​വ​ർ ആ​ക്ര​മ​ണ​പ​ദ്ധ​തി ത​യാ​റാ​ക്കി​യ​ത്.29ന് ​രാ​​ത്രി 12നു ​ശേ​​ഷം വീ​​ട്ടി​​ലെ​​ത്തി​​യ അ​​നീ​​ഷും സു​​ഹൃ​​ത്താ​​യ ലി​​ബി​​ഷും അ​തി​നാ​ൽ ആ​രെ​ങ്കി​ലും ഒാ​ടി​യെ​ത്തു​മെ​ന്ന ആ​ശ​ങ്ക തെ​ല്ലു​മി​ല്ലാ​തെ കൃ​ത്യം നി​റ​വേ​റ്റി. മാ​ത്ര​മ​ല്ല, കൊ​ല​പാ​ത​ക​ത്തി​നു ശേ​ഷം പി​റ്റേന്നും ഈ ​വീ​ട്ടി​ലേ​ക്ക് കൂ​സ​ലെ​ന്യേ വ​രി​ക​യും ചെ​യ്തു.

ഈ ​​വീ​​ട്ടി​​ലേ​​ക്ക് അ​​യ​​ൽ​​വാ​​സി​​ക​​ൾ വ​​രു​​ന്ന​​തു കൃ​​ഷ്ണ​​ൻ നേ​​ര​​ത്തെ​ത​​ന്നെ ​വി​​ല​​ക്കി​​യി​​രു​​ന്നു. നാ​​ലു സ​​ഹോ​​ദ​​ര​​ങ്ങ​​ളും അ​​വ​​രു​​ടെ കു​​ടും​​ബ​​ങ്ങ​​ളും അ​ധി​കം അ​ക​ലെ​യ​ല്ലാ​തെ താ​മ​സി​ച്ചി​ട്ടും അ​വ​രും ഈ ​​വീ​​ട്ടി​​ലേ​​ക്കു വ​രാ​റി​​ല്ലാ​​യി​​രു​​ന്നു. അ​​മ്മ മ​​രി​​ച്ചി​​ട്ടുപോ​​ലും ത​​റ​​വാ​​ട്ടി​​ലേ​​ക്കു​​ പോ​​കാ​​ത്ത​​യാ​​ളാ​ണു കൃ​​ഷ്ണ​​ൻ. ദു​ർ​മ​ന്ത്ര​വാ​ദ​വും മ​റ്റും നാ​ട്ടു​കാ​രെ ഇ​വ​രി​ൽ​നി​ന്നും അ​ക​റ്റി​യി​രു​ന്നു. ഇ​​തെ​​ല്ലാം അ​​നീ​​ഷി​​ന​​റി​​യാ​​മാ​​യി​​രു​​ന്നു.

അ​​യ​​ൽ​​വാ​​സി​​ക​​ൾ തി​​രി​​ഞ്ഞുനോ​​ക്കി​​ല്ലെ​​ന്നു​​റ​​പ്പു​​ള്ള​​തു​കൊ​​ണ്ടാ​​ണ് കൊ​ല​പാ​ത​ക​ത്തി​ന്‍റെ പി​റ്റേ​ന്നു രാ​​ത്രി​​യും അ​​നീ​​ഷും ലി​​ബി​​ഷും വീ​ണ്ടും ഈ ​​വീ​​ട്ടി​​ലേ​​ക്കു വ​​ന്ന​​ത്. അ​പ്പോ​ഴും ആ​ക്ര​മി​ക്ക​പ്പെ​ട്ട​വ​ർ വീ​​ടി​​നു​​ള്ളി​​ലു​​ണ്ട്. ഇ​വ​രി​ൽ കൃ​ഷ്ണ​നും അ​ർ​ജു​ന​നും അ​പ്പോ​ൾ മ​രി​ച്ചി​ട്ടി​ല്ലാ​യി​രു​ന്നു​വെ​ന്നാ​ണ് പോ​സ്റ്റ്മോ​ർ​ട്ടം റി​പ്പോ​ർ​ട്ട്. ത​​ല​​യ്ക്ക് അ​​ടി​​യേ​റ്റ അ​​ർ​​ജു​​ൻ പ്ര​ത്യേ​ക മാ​ന​സി​കാ​വ​സ്ഥ​യി​ൽ വീ​​ടി​​ന്‍റെ മു​​ന്നി​​ലെ മു​​റി​​യി​​ൽ ത​​ല​​യ്ക്കു കൈ ​​കൊ​​ടു​​ത്തി​​രി​​ക്കു​​ന്ന​തും അ​വ​ർ ക​ണ്ടു. ഒ​​രു ദി​​വ​​സം പ​​ക​​ൽ മു​​ഴു​​വ​​ൻ ആ​ക്ര​മ​ണ​ത്തി​ൽ പ​രി​ക്കേ​റ്റ അ​ർ​ജു​ൻ വീ​ട്ടി​നു​ള്ളി​ൽ കി​ട​ന്നു. അ​​യ​​ൽ​​വാ​​സി​​ക​​ളു​​മാ​​യോ ബ​ന്ധു​ക്ക​ളു​മാ​യോ അ​​ടു​​പ്പ​​മു​​ണ്ടാ​​യി​​രു​​ന്നെ​​ങ്കി​​ൽ ആ​രെ​ങ്കി​ലും തി​ര​ക്കി എ​ത്തി​യാ​ൽ ര​​ണ്ടു​ ജീ​​വ​​നു​​ക​ളെ​ങ്കി​ലും ര​​ക്ഷ​​പ്പെ​​ടു​​മാ​​യി​​രു​​ന്നു​വെ​ന്നും ചൂ​ണ്ടി​ക്കാ​ണി​ക്ക​പ്പെ​ടു​ന്നു.

തി​ങ്ക​ളാ​ഴ്ച രാ​ത്രി വീ​ണ്ടു​മെ​ത്തി​യ സം​ഘം അ​ർ​ജു​ൻ മ​രി​ച്ചി​ല്ലെ​ന്നു ക​ണ്ടു ചു​റ്റി​ക​കൊ​ണ്ട് വീ​ണ്ടും ആ​ക്ര​മി​ച്ച ശേ​ഷം കു​ഴി​ച്ചി​ടു​ക​യാ​യി​രു​ന്നു. ര​​ണ്ടാ​​മ​​ത്തെ ദി​​വ​​സം വ​ന്ന​പ്പോ​ഴാ​ണ് പ്ര​തി​ക​ൾ മു​​റി മു​​ഴു​​വ​​ൻ ക​​ഴു​​കു​​ന്ന​​തും മൃ​ത​ദേ​ഹ​ങ്ങ​ൾ കു​​ഴി​​ച്ചു​മൂ​​ടു​​ന്ന​​തും. അ​ത്ര​യും നേ​രം നാ​ട്ടു​കാ​രു​ടെ ശ്ര​ദ്ധ കി​ട്ടാ​തെ മ​രി​ച്ച​വ​രും മ​രി​ക്കാ​ത്ത​വ​രും കി​ട​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.