പ്രഫഷണൽ നാടക അവാർഡിന് അപേക്ഷ ക്ഷണിച്ചു : Deepika.com Kerala News |

Click here for detailed news of all items

പ്രഫഷണൽ നാടക അവാർഡിന് അപേക്ഷ ക്ഷണിച്ചു

Tuesday, March 19, 2024 2:52 AM IST

തൃശൂർ: കേരള സംഗീതനാടക അക്കാദമി പ്രഫഷണൽ നാടകങ്ങൾക്കു നൽകുന്ന സംസ്ഥാന അവാർഡിന് അപേക്ഷ ക്ഷണിച്ചു. 2023 ജനുവരി ഒന്നുമുതൽ ഡിസംബർ 31 വരെ ആദ്യമായി അവതരിപ്പിച്ച നാടകങ്ങളുടെ സംഘങ്ങൾക്ക് അപേക്ഷിക്കാം.

അക്കാദമിയുടെ അംഗീകാരമുള്ള പ്രഫഷണൽ നാടകസംഘങ്ങളാണ് അപേക്ഷിക്കേണ്ടത്. ഒരു നാടകസംഘത്തിന് ഒരു നാടകം മാത്രമേ അയയ്ക്കാൻ കഴിയൂ. സ്ക്രിപ്റ്റിന്‍റെ ഡിടിപി ചെയ്ത അഞ്ചു കോപ്പി, 2023 ജനുവരി ഒന്നുമുതൽ ഡിസംബർ 31 വരെ ആദ്യമായി നാടകം അവതരിപ്പിച്ചതിന്‍റെ രേഖ, നാടക അവതരണത്തിന്‍റെ വീഡിയോ അടങ്ങിയ പെൻഡ്രൈവ്, നാടകകൃത്തിന്‍റെ സമ്മതപത്രം എന്നിവ ഉള്ളടക്കം ചെയ്ത അപേക്ഷ ഏപ്രിൽ 22നകം അക്കാദമിയിൽ സമർപ്പിക്കണം.

വൈകി ലഭിക്കുന്ന അപേക്ഷകൾ പരിഗണിക്കുകയില്ലെന്നു സെക്രട്ടറി കരിവെള്ളൂർ മുരളി പറഞ്ഞു. നാലംഗ വിദഗ്ധസമിതി അപേക്ഷകൾ പരിശോധിച്ചു പരമാവധി പത്തു നാടകങ്ങൾ തെരഞ്ഞെടുക്കും. തെരഞ്ഞെടുക്കപ്പെടുന്ന നാടകങ്ങൾ അക്കാദമി നിർദേശിക്കുന്ന സ്ഥലത്തും സമയത്തും അവതരണം നടത്തണം. കൂടുതൽ വിവരങ്ങൾ അക്കാദമി വെബ്സൈറ്റായ http: //www.keralasangeethanatakaakademi.in ൽ ലഭ്യമാണ്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.