വിധവകള്‍ നല്ല മനോഭാവം കാത്തുസൂക്ഷിക്കുന്നവര്‍: മാര്‍ വാണിയപ്പുരയ്ക്കല്‍ : Deepika.com Kerala News |

Click here for detailed news of all items

വിധവകള്‍ നല്ല മനോഭാവം കാത്തുസൂക്ഷിക്കുന്നവര്‍: മാര്‍ വാണിയപ്പുരയ്ക്കല്‍

Tuesday, March 19, 2024 2:52 AM IST

കൊച്ചി: വിധവകള്‍ നന്മയുടെ മനോഭാവം കാത്തുസൂക്ഷിക്കുന്നവരാണെന്നും അവരെ ദൈവം അറിയുകയും അനുഗ്രഹിക്കുകയും ചെയ്യുന്നുവെന്നും ബിഷപ് മാര്‍ സെബാസ്റ്റ്യന്‍ വാണിയപ്പുരയ്ക്കല്‍. കെസിബിസി യൂദിത്ത് -നവോമി ഫോറം പാലാരിവട്ടം പിഒസിയില്‍ നടത്തിയ സംസ്ഥാനതല സെമിനാര്‍ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.

വിധവകള്‍ പ്രത്യേകം പരിഗണന അര്‍ഹിക്കുന്നവരാണെന്നാണു ഫ്രാന്‍സിസ് മാര്‍പാപ്പയുടെ നിലപാട്. സഭ എക്കാലവും ആ പരിഗണനയും കരുതലും വിധവകള്‍ക്ക് നല്‍കുന്നുണ്ടെന്നും മാർ വാണിയപ്പുരയ്ക്കൽ കൂട്ടിച്ചേര്‍ത്തു.

കെസിബിസി ഫാമിലി കമ്മീഷന്‍ സെക്രട്ടറി റവ. ഡോ. ക്ലീറ്റസ് വര്‍ഗീസ് കതിര്‍പറമ്പില്‍ അധ്യക്ഷത വഹിച്ചു. കോതമംഗലം രൂപത ഫാമിലി അപ്പോസ്തലേറ്റ് ഡയറക്ടര്‍ ഫാ. ജോസ് കിഴക്കേല്‍, ഫാ. ടോണി കോഴിമണ്ണില്‍, ഫോറം പ്രസിഡന്‍റ് ഫിലോമിന തോമസ്, വൈസ് പ്രസിഡന്‍റ് ഷെറിള്‍ ലൂയിസ്, ജനറല്‍ സെക്രട്ടറി മേരി ജോണ്‍, ആനിമേറ്റര്‍ സിസ്റ്റര്‍ ലില്ലി ജോസഫ് എന്നിവര്‍ പ്രസംഗിച്ചു.

‘വൈധവ്യം പ്രകാശിതമാക്കാം’ എന്ന വിഷയത്തിൽ ബീന ജോസഫ് ക്ലാസ് നയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.