ബയോമെഡിക്കൽ മാലിന്യ സംസ്കരണം: നൂതന സാങ്കേതികവിദ്യയുമായി സിഎസ്ഐആർ-നിസ്റ്റ് കോണ്‍ക്ലേവ് : Deepika.com Kerala News |

Click here for detailed news of all items

ബയോമെഡിക്കൽ മാലിന്യ സംസ്കരണം: നൂതന സാങ്കേതികവിദ്യയുമായി സിഎസ്ഐആർ-നിസ്റ്റ് കോണ്‍ക്ലേവ്

Thursday, March 28, 2024 12:04 AM IST

തിരുവനന്തപുരം: കേന്ദ്ര സർക്കാർ സ്ഥാപനമായ സിഎസ്ഐആർ-നിസ്റ്റിന്‍റെ ആഭിമുഖ്യത്തിൽ നടന്ന ബയോമെഡിക്കൽ വേസ്റ്റ് മാനേജ്മെന്‍റ് കോണ്‍ക്ലേവിൽ രോഗകാരികളായ ബയോമെഡിക്കൽ മാലിന്യ സംസ്കരണത്തിന് നൂതന സംവിധാനം അവതരിപ്പിച്ചു.

പാപ്പനംകോടുള്ള കേന്ദ്ര ശാസ്ത്ര - സാങ്കേതിക മന്ത്രാലയത്തിന് കീഴിലുള്ള സിഎസ്ഐആർ- നിസ്റ്റും അങ്കമാലി ആസ്ഥാനമായി പ്രവർത്തിക്കുന്ന സ്റ്റാർട്ടപ്പായ ബയോവാസ്തും സൊലൂഷൻസും സംയുക്തമായാണ് നവീന സാങ്കേതികവിദ്യ വികസിപ്പിച്ചെടുത്തത്.

ഒരു കിലോ മെഡിക്കൽ മാലിന്യം മൂന്നു മിനിറ്റുകൊണ്ട് കാർഷികാവശ്യത്തിന് അനുയോജ്യമായ സോയിൽ അഡിറ്റീവായി മാറ്റിയെടുക്കാൻ സാധിക്കുന്ന ഉത്പന്നമാണ് തങ്ങൾ വികസിപ്പിച്ചെടുത്തതെന്ന് ചടങ്ങിൽ പ്രസംഗിച്ച സിഎസ്ഐആർ- നിസ്റ്റ് ഡയറക്ടർ ഡോ.സി. അനന്തരാമകൃഷ്ണൻ പറഞ്ഞു.

ഓരോ ആശുപത്രികളിലും ബയോമെഡിക്കൽ മാലിന്യങ്ങളുടെ അളവ് ക്രമാതീതമായി വർധിച്ചിട്ടുണ്ടെന്നും ഇവ കൃത്യമായി സംസ്കരിക്കാനായില്ലെങ്കിൽ രോഗവ്യാപനം സംഭവിക്കുമെന്നും ആരോഗ്യ വിദഗ്ധർ പറഞ്ഞു.

അപകടകാരികളായ ബയോമെഡിക്കൽ മാലിന്യങ്ങൾ കൃത്യമായി ഉറവിടങ്ങളിൽതന്നെ സംസ്കരിക്കുന്നതിനുള്ള വികേന്ദ്രീകൃതമായ പരിഹാരങ്ങൾ പാനൽ ചർച്ചയിൽ ഉരുത്തിരിഞ്ഞു.

സമ്മേളനം ന്യൂഡൽഹി എയിംസ് ഡയറക്ടർ ഡോ.എം. ശ്രീനിവാസ് ഉദ്ഘാടനം ചെയ്തു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.