ഇഡി അന്വേഷണം: അമിതാവേശമില്ലെന്ന് മാത്യു കുഴൽനാടൻ : Deepika.com Kerala News |

Click here for detailed news of all items

ഇഡി അന്വേഷണം: അമിതാവേശമില്ലെന്ന് മാത്യു കുഴൽനാടൻ

Thursday, March 28, 2024 12:04 AM IST

മൂവാറ്റുപുഴ : മാസപ്പടി കേസിൽ എൻഫോഴ്സ്മെന്‍റ് ഡയറക്ടറേറ്റ് ഇപ്പോൾ പ്രഖ്യാപിച്ച അന്വേഷണം സംബന്ധിച്ച് അമിതാവേശമില്ലെന്ന് മാത്യു കുഴൽനാടൻ എംഎൽഎ.

മുഖ്യമന്ത്രിയുടെ മകൾ വീണാ വിജയന്‍റെ ഉടമസ്ഥതയിലുള്ള എക്സാലോജിക് കന്പനിയും കൊച്ചി സിഎംആർഎൽ കന്പനിയും തമ്മിലുള്ള സാന്പത്തിക ഇടപാടുകളുമായും മാസപ്പടി വിവാദവുമായും ബന്ധപ്പെട്ട് ഇഡി അന്വേഷണം പ്രഖ്യാപിച്ച സാഹചര്യത്തോട് പ്രതികരിക്കുകയായിരുന്നു അദ്ദേഹം.

2021ൽ തന്നെ വിവരങ്ങളും രേഖകളും ലഭ്യമായ കേസിൽ ഇപ്പോൾ ധൃതിപിടിച്ച് അന്വേഷണം തുടങ്ങിയ ഇഡി നടപടിക്കു പിന്നിലെ ലക്ഷ്യങ്ങൾ സംശയങ്ങൾക്കിട നൽകുന്നതാണ്. മാസപ്പടിയുമായി ബന്ധപ്പെട്ട് രണ്ട് കേസുകൾ കേരളത്തിലെ കോടതികൾ പരിഗണിച്ചുകൊണ്ടിരിക്കുന്ന സാഹചര്യത്തിലാണ് അന്വേഷണമെന്നതും ഇതിനോടു ചേർത്ത് പരിശോധിക്കണം.

ഏതു സാഹചര്യത്തിലാണ് ഇപ്പോൾ തിടുക്കപ്പെട്ട് ഒരന്വേഷണത്തിന് തയാറായതെന്ന് മനസിലാക്കേണ്ടിയിരിക്കുന്നു. അന്വേഷണം സത്യങ്ങൾ കണ്ടെത്താനാണോ കുറ്റവാളികളെ രക്ഷിക്കാനാണോ എന്നും പുതിയ സാഹചര്യത്തിൽ സംശയമുണ്ട്. എന്തൊക്കെ കാര്യങ്ങളാണ് അന്വേഷണത്തിന്‍റെ പരിധിയിൽ കൊണ്ടുവരുന്നത് എന്നും പരിശോധിക്കേണ്ടതുണ്ടെന്നും കുഴൽനാടൻ പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.