കഞ്ചാവ് നട്ടത് ഉദ്യോഗസ്ഥർ: റേഞ്ച് ഓഫീസർ മൊഴി നൽകി : Deepika.com Kerala News |

Click here for detailed news of all items

കഞ്ചാവ് നട്ടത് ഉദ്യോഗസ്ഥർ: റേഞ്ച് ഓഫീസർ മൊഴി നൽകി

Thursday, March 28, 2024 12:04 AM IST

എരുമേലി: പ്ലാച്ചേരി ഫോറസ്റ്റ് സ്റ്റേഷനിൽ ഗ്രോ ബാഗുകളിൽ കഞ്ചാവ് ചെടികൾ നട്ടുവളർത്തിയത് വാച്ചർ അജേഷ്, സ്റ്റേഷൻ ഹൗസ് ഓഫീസർ ആർ. അജയ്, ബീറ്റ് ഫോറസ്റ്റ് ഓഫീസർ സാം കെ. സാമുവെൽ എന്നിവർ ചേർന്നാണെന്ന് സ്ഥലംമാറ്റപ്പെട്ട എരുമേലി ഫോറസ്റ്റ് റേഞ്ച് ഓഫീസറായ ബി.ആർ. ജയൻ അന്വേഷണ ഉദ്യോഗസ്ഥർ മുമ്പാകെ മൊഴി നൽകി.

ഇത് വ്യക്തമാക്കുന്ന ചിത്രങ്ങൾ, വീഡിയോകൾ, ഫോൺ സംഭാഷണത്തിന്‍റെ ക്ലിപ്പ് എന്നിവ അന്വേഷണ സംഘത്തിന് നൽകിയെന്ന് അദ്ദേഹം പറഞ്ഞു. കഞ്ചാവ് ചെടികൾ നട്ടത് അജേഷ് ആണെന്ന് താൻ നൽകിയ വീഡിയോ മൊഴിയും കഞ്ചാവ് വച്ചത് അറിയാമെന്ന് ഡെപ്യൂട്ടി റേഞ്ച് ഓഫീസർ സമ്മതിക്കുന്ന താനുമായുള്ള ഫോൺ സംഭാഷണ ക്ലിപ്പും ഒറിജിനൽ തന്നെയാണ്.

കൃത്യമായി ഡ്യൂട്ടി ചെയ്യാത്ത ഉദ്യോഗസ്ഥരെ താൻ ശകാരിച്ചിട്ടുണ്ട്. ഇത് വനിതാ ബീറ്റ് ഫോറസ്റ്റ് ഓഫീസർമാർ അവഹേളിച്ചു എന്ന് പരാതി നൽകുന്നതിൽ എത്തിയത് എങ്ങനെയെങ്കിലും തന്നെ ഇവിടെനിന്നു സ്ഥലം മാറ്റുക എന്ന ഉദ്ദേശത്തിൽ ആണെന്ന് ബി.ആർ. ജയൻ അന്വേഷണ സംഘത്തോട് പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.