മഞ്ഞുമ്മല്‍ ബോയ്‌സ് നിര്‍മാതാക്കളുടെ അറസ്റ്റിന് 22 വരെ വിലക്ക് : Deepika.com Kerala News |

Click here for detailed news of all items

മഞ്ഞുമ്മല്‍ ബോയ്‌സ് നിര്‍മാതാക്കളുടെ അറസ്റ്റിന് 22 വരെ വിലക്ക്

Monday, May 6, 2024 5:42 AM IST

കൊച്ചി: വിശ്വാസ വഞ്ചന, ഗൂഢാലോചന തുടങ്ങിയ കുറ്റങ്ങള്‍ ചുമത്തി മരട് പോലീസ് രജിസ്റ്റര്‍ ചെയ്ത കേസില്‍ ‘മഞ്ഞുമ്മല്‍ ബോയ്‌സ്’ സിനിമയുടെ നിര്‍മാതാക്കളായ നടന്‍ സൗബിന്‍ ഷാഹിര്‍, ഷോൺ ആന്‍റണി എന്നിവരെ അറസ്റ്റ് ചെയ്യുന്നത് ഹൈക്കോടതി വിലക്കി. ഇരുവരും നല്‍കിയ മുന്‍കൂര്‍ ജാമ്യ ഹര്‍ജിയില്‍ ജസ്റ്റീസ് പി.ജി. അജിത്കുമാറാണ് ഹര്‍ജി വീണ്ടും പരിഗണിക്കുന്ന ഈ മാസം 22 വരെ അറസ്റ്റ് വിലക്കിയത്.

ഹര്‍ജിക്കാര്‍ക്കെതിരേ മരട് പോലീസ് വിവിധ വകുപ്പുകള്‍ ചുമത്തി കേസെടുത്തിരുന്നു. ഹര്‍ജിയില്‍ എതിര്‍പ്പ് അറിയിക്കാന്‍ പരാതിക്കാരന്‍ സമയം തേടി. ലാഭത്തിന്‍റെ 40 ശതമാനം നല്‍കാന്‍ തയാറാണ്. അതിനായി വരവും ചെലവും കണക്കാക്കേണ്ടതുണ്ട്. കലാകാരന്മാരുടെയും സാങ്കേതിക പ്രവര്‍ത്തകരുടെയും പ്രതിഫലം ഇതുവരെ പൂര്‍ണമായും നല്‍കിയിട്ടില്ല.

ഹര്‍ജിക്കാരുടെ ഫണ്ട് കൈകാര്യം ചെയ്യുന്നതടക്കം വിലക്കുന്നതിനായി കൊമേഴ്‌സ്യല്‍ കോടതിയില്‍ പരാതിക്കാരന്‍ ഹര്‍ജി ഫയല്‍ ചെയ്തിട്ടുണ്ട്. തര്‍ക്കം സിവില്‍ സ്വഭാവമുള്ളതാണ്.
ഹര്‍ജിക്കാരുടെ മേല്‍ സമ്മർദം ചെലുത്താനും പബ്ലിസിറ്റിക്കുമായാണ് മജിസ്‌ട്രേറ്റ് കോടതിയില്‍ സ്വകാര്യ പരാതി ഫയല്‍ ചെയ്തതെന്നും ഹര്‍ജിയില്‍ ആരോപിക്കുന്നു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.