നുഴഞ്ഞുകയറ്റശ്രമം സൈന്യം തകർത്തു; സൈനികനു പരിക്ക്
Thursday, August 25, 2016 1:05 PM IST
ശ്രീനഗർ: കാഷ്മീരിലെ കുപ്വാര ജില്ലയിൽ നുഴഞ്ഞുകയറാനുള്ള തീവ്രവാദികളുടെ ശ്രമം സൈന്യം തടഞ്ഞു. ഏറ്റുമുട്ടലിൽ ഒരു സൈനികനു പരിക്കേറ്റു. നിയന്ത്രണരേഖയിൽ ടാൻഗ്ധർ സെക്ടറിലായിരുന്നു ഏറ്റുമുട്ടലുണ്ടായത്. തീവ്രവാദികൾ പാക് അധിനിവേശ കാഷ്മീരിലേക്കു രക്ഷപ്പെട്ടു. ഞായറാഴ്ച ഇതേ മേഖലയിൽ നുഴഞ്ഞുകയറാൻ ശ്രമിച്ച മൂന്നു തീവ്രവാദികളെ സൈന്യം വധിച്ചിരുന്നു.