പെട്രോൾ പമ്പിൽ പഴയ 500 രൂപ ഇന്നുകൂടി മാത്രം : Deepika.com National News |

Click here for detailed news of all items

പെട്രോൾ പമ്പിൽ പഴയ 500 രൂപ ഇന്നുകൂടി മാത്രം

Thursday, December 1, 2016 3:04 PM IST

ന്യൂഡൽഹി: അസാധുവായ നോട്ടുകൾ പെട്രോൾ പമ്പുകൾ, വിമാനത്താവളങ്ങൾ എന്നിവിടങ്ങളിൽ ഇന്നുകൂടി മാത്രമേ സ്വീകരിക്കൂ. പഴയ നോട്ടുകൾ ഈ മാസം 15 വരെ പെട്രോൾ പമ്പിലും വിമാനത്താവളത്തിലും ഉപയോഗിക്കാമെന്നു നവംബർ 24നു കേന്ദ്രസർക്കാർ പ്രഖ്യാപിച്ചിരുന്നെങ്കിലും അതിന്റെ കാലാവധി റിസർവ് ബാങ്ക് വെട്ടിച്ചുരുക്കുകയായിരുന്നു. കള്ളപ്പണം വെളുപ്പിക്കാൻ ഇവിടങ്ങൾ ഉപയോഗിക്കുന്നു എന്ന പരാതിയെത്തുടർന്നാണിത്.

എന്നാൽ, ഈ മാസം 15 വരെ കേന്ദ്ര–സംസ്‌ഥാന സർക്കാരുകൾ, മുനിസിപ്പാലിറ്റികൾ, തദ്ദേശഭരണ സ്‌ഥാപനങ്ങൾ എന്നിവയുടെ നിയന്ത്രണത്തിലുള്ള സ്കൂളുകളിലും കോളജുകളിലും 2,000 രൂപ വരെയുള്ള ഫീസുകൾ പഴയ 500 നോട്ടുകളുപയോഗിച്ച് അടയ്ക്കാം. 500 രൂപ വരെയുള്ള മൊബൈൽ ഫോൺ ടോപ് അപ്പിനും വൈദ്യുതി, വെള്ളം തുടങ്ങിയ ഉപഭോക്‌തൃ സേവനങ്ങൾക്കും ആശുപത്രികൾ, മെഡിക്കൽ സ്റ്റോറുകൾ എന്നിവിടങ്ങളിലും പഴയ നോട്ടുകൾ ഉപയോഗിക്കാം. ഈ സേവനങ്ങളുടെ ബില്ലും കുടിശികയും അടയ്ക്കാൻ പഴയനോട്ടുകൾ ഉപയോഗിക്കാമെന്നു സർക്കാർ അറിയിച്ചിരുന്നു. കഴിഞ്ഞ മാസം എട്ടിനാണ് ഉയർന്ന മൂല്യമുള്ള നോട്ടുകൾ നിരോധിച്ചത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.