National News
ചെരുപ്പൂരിയടിച്ച ശിവസേനാ എംപിയെ പിന്തുണയ്ക്കാതെ സർക്കാരും സ്പീക്കറും
ചെരുപ്പൂരിയടിച്ച ശിവസേനാ എംപിയെ പിന്തുണയ്ക്കാതെ സർക്കാരും സ്പീക്കറും
Monday, March 27, 2017 2:08 PM IST
ന്യൂ​ഡ​ൽ​ഹി: എ​യ​ർ ഇ​ന്ത്യ ജീ​വ​ന​ക്കാ​ര​നെ ചെ​രുപ്പൂ​രി​യ​ടി​ച്ച ശി​വ​സേ​നാ എം​പി​യെ നേ​രി​ട്ടു പി​ന്തു​ണ​യ്ക്കാ​തെ കേ​ന്ദ്രസ​ർ​ക്കാ​ർ. വി​മാ​ന​ക്ക​ന്പ​നി​ക​ൾ എം​പി​ക്കു യാ​ത്രാ വി​ല​ക്ക് ഏ​ർ​പ്പെടു​ത്തി​യ വി​ഷ​യം ലോ​ക്സ​ഭ​യി​ൽ ഇ​ന്ന​ലെ ശി​വ​സേ​ന ഉ​ന്ന​യി​ച്ചി​രു​ന്നു. എം​പി​യു​ടെ യാ​ത്രാ വി​ല​ക്ക് പി​ൻ​വ​ലി​ക്ക​ണ​മെ​ന്നാ​യി​രു​ന്നു ആ​വ​ശ്യം.

വി​ഷ​യ​ത്തി​ൽ മ​റു​പ​ടി പ​റ​ഞ്ഞ കേ​ന്ദ്ര​വ്യോ​മ​യാ​ന മ​ന്ത്രി അ​ശോ​ക് ഗ​ജ​പ​തി​രാ​ജു എം​പി​യു​ടെ പ്ര​വൃത്തി​യെ അ​പ​ല​പി​ക്കു​ക​യാ​ണു ചെ​യ്ത​ത്. ഗെ​യ്ക്‌​വാ​ദി​ന്‍റെ പ്ര​വൃ​ത്തി​യെ മ​ന്ത്രി അ​പ​ല​പി​ച്ച​തി​നു പി​ന്നാ​ലെ ഈ ​വി​ഷ​യ​ത്തി​ൽ ത​ന്നെ​ക്കൊ​ണ്ടു കൂ​ടു​ത​ൽ പ​റ​യി​പ്പി​ക്ക​രു​തെ​ന്ന് സ്പീ​ക്ക​ർ സു​മി​ത്ര മ​ഹാ​ജ​നും മു​ന്ന​റി​യി​പ്പു ന​ൽ​കി.

ശി​വ​സേ​നയിലെ ആ​ന​ന്ദ്റാ​വു അ​ദ്സു​ലാ​ണ് ഇ​ന്ന​ലെ ലോ​ക്സ​ഭ​യി​ൽ വി​ഷ​യം ഉ​ന്ന​യി​ച്ച​ത്. ഗെ​യ്ക്‌​വാ​ദി​ന്‍റെ യാ​ത്രാ വി​ല​ക്ക് നീ​ക്ക​ണം എ​ന്നു മാ​ത്ര​മാ​ണ് ത​ന്‍റെ ആ​വ​ശ്യ​മെ​ന്നാ​യി​രു​ന്നു അദ്ദേഹം പ​റ​ഞ്ഞ​ത്. അ​തി​നി​ടെ ഗെ​യ്ക്‌വാ​ദി​ന്‍റെ ന​ട​പ​ടി​യെ അ​പ​പ​ല​പി​ച്ച കോ​ണ്‍ഗ്ര​സ് അം​ഗ​ങ്ങ​ളും അദ്സുലും ത​മ്മി​ൽ വാ​ക്കേ​റ്റ​വു​മു​ണ്ടാ​യി.

നി​യ​മ​ങ്ങ​ൾ എ​ല്ലാ​വ​ർ​ക്കും ഒ​രു​പോ​ലെ​യാ​ണെന്നു മന്ത്രി പറഞ്ഞു. രാ​ജ്യ​ത്തെ വി​മാ​ന സ​ർ​വീ​സു​ക​ളി​ൽ മി​ക​ച്ച സു​ര​ക്ഷ സ​ജ്ജീ​ക​ര​ണ​ങ്ങ​ളാ​ണു​ള്ള​ത്. ഒ​രു എം​പി ഇ​ത്ത​ര​ത്തി​ൽ പെ​രു​മാ​റു​മെ​ന്നു ക​രു​തി​യി​ട്ടി​ല്ലെ​ന്നും മ​ന്ത്രി വ്യ​ക്ത​മാ​ക്കി. മു​ൻ​പ് ഒ​രു എം​പി വി​മാ​ന ജീ​വ​ന​ക്കാ​രോ​ട് അ​പ​മ​ര്യ​ദ​യാ​യി പെ​രു​മാ​റി​യ​പ്പോ​ൾ ഡി​ജി​സി​എ ചി​ല മാ​ർ​ഗ​നി​ർ​ദേ​ശ​ങ്ങ​ളും മാ​ന​ദ​ണ്ഡ​ങ്ങ​ളും ഇ​റ​ക്കി​യി​രു​ന്നു. ഇ​ത​നു​സ​രി​ച്ചു​ള്ള ന​ട​പ​ടി​ക​ളാ​ണ് ഇ​പ്പോ​ൾ ഗെ​യ്ക്‌വാ​ദി​നെ​തി​രേ​യും ഉ​ണ്ടാ​യി​ട്ടു​ള്ള​തെ​ന്നും മ​ന്ത്രി പ​റ​ഞ്ഞു.

എ​ന്നാ​ൽ, ഗെ​യ്ക്‌​വാ​ദി​നെ​തി​രാ​യ യാ​ത്രാ വി​ല​ക്ക് ഭ​ര​ണ​ഘ​ട​ന​ക്കെ​തി​രാ​യ ന​ട​പ​ടി​യാ​ണെ​ന്നാ​യി​രു​ന്നു ശി​വ​സേ​ന എം​പി​യു​ടെ നി​ല​പാ​ട്. വി​ഷ​യ​ത്തി​ൽ സ​ർ​ക്കാ​ർ അ​ടി​യ​ന്ത​ര​മാ​യി ഇ​പെ​ട​ണം. ഒ​രു യാ​ത്ര​ക്കാ​ര​നു ല​ഭി​ക്കേ​ണ്ട എ​ല്ല മ​ര്യാ​ദ​ക​ളും എം​പി​ക്കും ല​ഭി​ക്ക​ണ​മെ​ന്നു​മാ​ണ് ഗെ​യ്ക്ക്വാ​ദി​ന്‍റെ സ​ഹ​പ്ര​വ​ർ​ത്ത​ക​ൻ കൂ​ടി​യാ​യ അ​ദ്സു​ൽ പ​റ​ഞ്ഞ​ത്. അ​ടു​ത്ത​യി​ടെ ഹാ​സ്യ​താ​രം ക​പി​ൽ ശ​ർ​മ വി​മാ​ന​ത്തി​ൽ മോ​ശ​മാ​യി പെ​രു​മാ​റി​യ സം​ഭ​വ​വും ശി​വ​സേ​ന എം​പി സ​ഭ​യി​ൽ ഉ​ന്ന​യി​ച്ചു. എ​ന്നാ​ൽ, ശ​ർ​മ​ക്കെ​തി​രേ ഒ​രു ന​ട​പ​ടി​യും ഉ​ണ്ടാ​യി​ല്ല. നി​യ​മ​വും നി​ർ​ദേ​ശ​ങ്ങ​ളു​മെ​ല്ലാം എ​ല്ലാ​വ​ർ​ക്കും ഒ​രു പോ​ലെ​യാ​ണെ​ന്നും അ​ദ്സു​ൽ പ​റ​ഞ്ഞു.

വി​ഷ​യ​ത്തി​ൽ മ​ന്ത്രി കാ​ര്യ​മാ​യ മ​റു​പ​ടി​യൊ​ന്നും പ​റ​യാ​തി​രു​ന്ന​തി​ൽ ശി​വ​സേ​ന എം​പി​മാ​ർ ലോ​ക്സ​ഭ​യി​ൽ എ​ഴു​ന്നേ​റ്റു നി​ന്നു പ്ര​തി​ഷേ​ധി​ച്ചു. പ്ര​തി​ഷേ​ധ​വു​മാ​യി ന​ടു​ത്ത​ള​ത്തി​ലി​റ​ങ്ങി​യ എം​പി​മാ​രെ സ്പീ​ക്ക​ർ സു​മി​ത്ര മ​ഹാ​ജ​ൻ വി​ല​ക്കി.

വ്യോ​മ​യാ​ന മ​ന്ത്രി​യു​മാ​യി സം​സാ​രി​ച്ച് വി​ഷ​യ​ത്തി​ന് പ​രി​ഹാ​രം ക​ണ്ടെ​ത്താ​നും സ്പീ​ക്ക​ർ നി​ർ​ദേ​ശി​ച്ചു. ഒ​രു പൊ​തു പ്ര​വ​ർ​ത്ത​ക​ൻ എ​ന്ന നി​ല​യി​ൽ ഗെ​യ്ക്ക് വാ​ദി​ന്‍റെ പെ​രു​മാ​റ്റം ന്യാ​യീ​ക​രി​ക്കാ​വു​ന്ന​ത​ല്ലെ​ന്നും സ്പീ​ക്ക​ർ വ്യ​ക്ത​മാ​ക്കി. ഇ​തു ശ​രി​യാ​യ സ​ന്ദേ​ശ​മ​ല്ല ന​ൽ​കു​ന്ന​ത്. തു​ട​ർ​ന്നാ​ണ് ഈ ​വി​ഷ​യ​ത്തി​ൽ ത​ന്നെ​ക്കൊ​ണ്ട് കൂ​ടു​ത​ലൊ​ന്നും പ​റ​യി​പ്പി​ക്ക​രു​തെ​ന്ന് സ്പീ​ക്ക​ർ മു​ന്ന​റി​യി​പ്പു ന​ൽ​കി​യ​ത്.
അ​തേ​സ​മ​യം, ഗെ​യ്ക്‌​വാ​ദ് എ​യ​ർ ഇ​ന്ത്യ​ക്കെ​തി​രേ പ​രാ​തി ന​ൽ​കു​മെ​ന്നാ​ണ് വി​വ​രം. എം​പി നാ​ളെ പാ​ർ​ല​മെ​ന്‍റി​ലെ​ത്തു​മെ​ന്നാ​ണ് ശി​വ​സേ​ന വൃ​ത്ത​ങ്ങ​ൾ ന​ൽ​കു​ന്ന സൂ​ച​ന.
സം​ഭ​വ​ത്തി​ന് ശേ​ഷം മ​ഹാ​രാ​ഷ്ട്ര​യി​ലെ സ്വ​ന്തം മ​ണ്ഡ​ല​ത്തി​ൽ പോ​ലും എം​പി പ്ര​ത്യ​ക്ഷ​പ്പെ​ട്ടി​രു​ന്നി​ല്ല.


സെ​ബി മാ​ത്യു
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.