റയാൻ സ്കൂളിലെ വിദ്യാർഥിയുടെ മരണം; സിബിഐ സംഘം സ്കൂളിൽ അന്വേഷണത്തിനെത്തി : Deepika.com National News |

Click here for detailed news of all items

റയാൻ സ്കൂളിലെ വിദ്യാർഥിയുടെ മരണം; സിബിഐ സംഘം സ്കൂളിൽ അന്വേഷണത്തിനെത്തി

Saturday, September 23, 2017 11:33 AM IST

ഗുഡ്ഗാവ്: റയാന്‍ ഇന്‍റര്‍നാഷണല്‍ സ്‌കൂളിലെ രണ്ടാം ക്ലാസ് വിദ്യാര്‍ഥിയെ കഴുത്തറുത്ത് കൊന്ന കേസിൽ സിബിഐ അന്വേഷണം ആരംഭിച്ചു. സ്‌കൂളിലെത്തിയ സിബിഐ ഉദ്യോഗസ്ഥര്‍ അധ്യാപകരെയും ജീവനക്കാരെയും ചോദ്യം ചെയ്തു. സംഭവം നടന്ന സ്ഥലവും സന്ദര്‍ശിച്ചു. ഫോറൻസിക് വിദഗ്ധർ അടക്കം 12 അംഗ ടീമാണ് സ്കൂളിൽ തെളിവെടുപ്പിനെത്തിയത്. ഈ കേസ് ആദ്യം അന്വേഷിച്ച പ്രത്യേക അന്വേഷണസംഘത്തലവന്‍ അശോക് ബക്ഷിയേയും സിബിഐ ഉദ്യോഗസ്ഥര്‍ സന്ദര്‍ശിച്ചു.

സെന്‍ട്രല്‍ ഫോറന്‍സിക്ക് സയന്‍സ് ലാബോറട്ടറി ഉദ്യോഗസ്ഥരും സംഭവ സ്ഥലം സന്ദര്‍ശിച്ച് തെളിവുകള്‍ ശേഖരിച്ചു.കൊല്ലപ്പെട്ട വിദ്യാര്‍ഥിയുടെ പിതാവ് പോലീസ് അന്വേഷണത്തില്‍ അതൃപ്തിയറിയിച്ച സാഹചര്യത്തിലാണ് അന്വേഷണം സിബിഐക്ക് കൈമാറിയത്.

ഈമാസം എട്ടിനാണ് എട്ടുവയസുകാരനായ പ്രദ്യുമനെ സ്‌കൂളിലെ ശൂചിമുറിക്ക് സമീപം കഴുത്തറുത്ത് കൊല്ലപ്പെട്ട നിലയില്‍ കണ്ടെത്തിയത്. സംഭവവുമായി ബന്ധപ്പെട്ട് സ്‌കൂള്‍ ബസ് കണ്ടക്ടര്‍ അശോക് കുമാറിനെ അറസ്റ്റ് ചെയ്തു. പീഡനശ്രമം പരാജയപ്പെട്ടതിനെ തുടര്‍ന്ന് അശോക് കുമാര്‍ കുട്ടിയെ കൊലപ്പെടുത്തുകയായിരുന്നെന്നാണ് പോലീസിന്‍റെ നിഗമനം.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.