National News
‘ഹിന്ദു പാക്കിസ്ഥാൻ’ പരാമർശം : ശശി തരൂർ ഹാജരാകണമെന്നു കോൽക്കത്ത ഹൈക്കോടതി
‘ഹിന്ദു പാക്കിസ്ഥാൻ’ പരാമർശം : ശശി തരൂർ ഹാജരാകണമെന്നു കോൽക്കത്ത ഹൈക്കോടതി
Sunday, July 15, 2018 1:07 AM IST
ന്യൂ​ഡ​ൽ​ഹി: വി​വാ​ദമു​യ​ർ​ത്തി​യ ‘ഹി​ന്ദു പാ​ക്കി​സ്ഥാ​ൻ’ പ​രാ​മ​ർ​ശ​ത്തി​ൽ നേ​രി​ട്ടു ഹാ​ജ​രാ​കാ​ൻ ശ​ശി ത​രൂ​ർ എം​പി​യോ​ട് കോൽ​ക്ക​ത്ത ഹൈ​ക്കോ​ട​തി നി​ർ​ദേ​ശി​ച്ചു. മ​ത​വി​കാ​രം വ്ര​ണ​പ്പെ​ടു​ത്തി​യെ​ന്ന് കാ​ട്ടി അ​ഭി​ഭാ​ഷ​ക​നാ​യ സു​മീ​ത് ചൗ​ധ​രി ന​ൽ​കി​യ ഹ​ർ​ജി​യി​ലാ​ണ് കോ​ട​തി ന​ട​പ​ടി. അ​ടു​ത്ത മാ​സം 14ന് ​ഹാ​ജ​രാ​ക​ണ​മെ​ന്നാ​ണ് ആ​വ​ശ്യം.

ബി​ജെ​പി വീ​ണ്ടും അ​ധി​കാ​ര​ത്തി​ൽ എ​ത്തി​യാ​ൽ ഭ​ര​ണ​ഘ​ട​ന പൊ​ളി​ച്ചെ​ഴു​തു​മെ​ന്നും ഇ​ന്ത്യ​യെ ഒ​രു ഹി​ന്ദു പാ​ക്കി​സ്ഥാ​ൻ ആ​ക്കി മാ​റ്റു​മെ​ന്നും ത​രൂ​ർ ആ​ദ്യം തി​രു​വ​ന​ന്ത​പു​ര​ത്താ​ണ് പ്ര​സം​ഗി​ച്ച​ത്. പി​ന്നീ​ട് ഇ​തേ പ​ര​മാ​ർ​ശ​ത്തി​ൽ ഉ​റ​ച്ചു നി​ൽ​ക്കു​ന്നുവെന്നു വ്യ​ക്ത​മാ​ക്കി ഫേ​സ് ബു​ക്ക് പോ​സ്റ്റും ഇ​ട്ടി​രു​ന്നു. ശ​ശി ത​രൂ​രി​ന്‍റെ പ​രാ​മ​ർ​ശ​ത്തി​നെ​തി​രേ കോ​ണ്‍ഗ്ര​സ് അ​ധ്യ​ക്ഷ​ൻ രാ​ഹു​ൽ ഗാ​ന്ധി മാ​പ്പു പ​റ​യ​ണ​മെ​ന്നാവ​ശ്യ​പ്പെ​ട്ട് ബി​ജെ​പി രം​ഗ​ത്തെ​ത്തി.

എ​ന്നാ​ൽ, താ​ൻ പ്ര​സ്താ​വ​ന​യി​ൽ ഉ​റ​ച്ചു നി​ൽ​ക്കു​ന്നു എ​ന്നാ​ണ് ശ​ശി ത​രൂ​രി​ന്‍റെ നി​ല​പാ​ട്. പ​രാ​മ​ർ​ശ​ത്തി​ൽ കോ​ണ്‍ഗ്ര​സ് നേ​തൃ​ത്വ​വും അ​തൃ​പ്തി അ​റി​യി​ച്ചി​രു​ന്നു. ബി​ജെ​പി​യെ വി​മ​ർ​ശി​ക്കു​ന്പോ​ൾ വാ​ക്കു​ക​ൾ ജാ​ഗ്ര​ത​യോ​ടെ ഉ​പ​യോ​ഗി​ക്ക​ണ​മെ​ന്നാ​യി​രു​ന്നു കോ​ണ്‍ഗ്ര​സ് നേ​തൃ​ത്വം ത​രൂ​രി​നു മു​ന്ന​റി​യി​പ്പു ന​ൽ​കി​യ​ത്.

ബി​ജെ​പി വീ​ണ്ടും അ​ധി​കാ​ര​ത്തി​ലെ​ത്തി​യാ​ൽ ഇ​ന്ത്യ ഇ​ന്ന​ത്തെ​പ്പോ​ലെ നി​ല​നി​ൽ​ക്കു​ന്ന​തി​നാ​വ​ശ്യ​മാ​യ ഘ​ട​ക​ങ്ങ​ളി​ലെ​ല്ലാം മാ​റ്റം വ​രു​ത്തും. അ​ങ്ങ​നെ​യെ​ഴു​തു​ന്ന ഭ​ര​ണ​ഘ​ട​ന ഹി​ന്ദു​രാഷ്‌ട്രത​ത്വ​ങ്ങ​ളി​ൽ അ​ധി​ഷ്ഠി​ത​മാ​യി​രി​ക്കും. ന്യൂ​ന​പ​ക്ഷ​ങ്ങ​ൾ​ക്കുള്ള സ​മ​ത്വം എ​ടു​ത്തു​ക​ള​യും. മ​ഹാ​ത്മാ​ഗാ​ന്ധി​യും ജ​വാ​ഹ​ർ​ലാ​ൽ നെ​ഹ്റു​വും സ​ർ​ദാ​ർ വ​ല്ല​ഭാ​യി പ​ട്ടേ​ലും മൗ​ലാ​ന ആ​സാ​ദും വി​ഭാ​വ​നം ചെ​യ്ത ഇ​ന്ത്യ​യാ​കി​ല്ല അ​തെ​ന്നു​മാ​യി​രു​ന്നു ത​രൂ​രി​ന്‍റെ ഫേ​സ് ബു​ക്ക് പോ​സ്റ്റി​ന്‍റെ ഉ​ള്ള​ട​ക്കം.

താ​ൻ പ​റ​ഞ്ഞ ര​ണ്ടു വാ​ക്കു​ക​ൾ ഉ​യ​ർ​ത്തി വ​ലി​യ വി​വാ​ദ​മു​ണ്ടാ​ക്കേ​ണ്ട കാ​ര്യ​മി​ല്ല. ഇ​ത് 2013ൽ ​പ​റ​യു​ക​യും ട്വീ​റ്റ് ചെ​യ്യു​ക​യും ചെ​യ്ത​താ​ണ്. ബി​ജെ​പി​യു​ടെ അ​ജ​ൻ​ഡ ’ഹി​ന്ദു രാഷ്‌ട്രം’ എ​ന്ന​താ​ണ്.

പാ​ർ​ല​മെ​ന്‍റി​ലെ ര​ണ്ട് സ​ഭ​ക​ളും പി​ടി​ക്കാ​നാ​യാ​ൽ ഭൂ​രി​ഭാ​ഗം സം​സ്ഥാ​ന​ങ്ങ​ളും കൈ​യി​ലു​ണ്ടെ​ങ്കി​ൽ അ​വ​ർ ഇ​ന്ത്യ​യെ ഒ​രു ഹി​ന്ദു പാ​ക്കി​സ്ഥാ​നാ​ക്കും. ഇ​ക്കാ​ര്യം കൂ​ടു​ത​ൽ വി​ശ്വ​സ​നീ​യ​മാ​വു​ക​യാ​ണ്. ര​ണ്ട് വാ​ക്കു​ക​ൾ വ​ള​ച്ചൊ​ടി​ച്ച് ഇ​ത് ചൂ​ണ്ടി​ക്കാ​ണി​ച്ച​യാ​ളെ ദേ​ശ​വി​രു​ദ്ധ​ൻ മു​ത​ൽ ഹി​ന്ദു വി​രോ​ധി കൂ​ടി ആ​ക്കാ​നു​ള്ള ശ്ര​മം ന​ട​ക്കു​ക​യാ​ണെ​ന്നും ത​രൂ​ർ ദ് ​പ്രി​ന്‍റി​ൽ ലേ​ഖ​നം എ​ഴു​തു​ക​യും ചെ​യ്തു.


ര​ണ്ടുത​രം ആ​ശ​യ​ങ്ങ​ളാണു ഇന്നു രാജ്യത്തു പ്രവർത്തിക്കു ന്നത്. ഒ​രു കൂ​ട്ട​ർ മ​ത​ത്തെ അ​വ​രു​ടെ ദേ​ശീ​യ​ത​യു​മാ​യി കൂ​ട്ടി ക്കെ​ട്ടു​ന്പോ​ൾ മ​റ്റു​ള്ള​വ​ർ വി​ശ്വാ​സ​ത്തി​ന് അ​തീ​ത​മാ​യി എ​ല്ലാ​വ​രേ​യും ഉ​ൾ​ക്കൊ​ള്ളു​ന്ന ഇ​രു​കൈ​യും നീ​ട്ടി സ്വീ​ക​രി​ക്കു​ന്ന ആ​ശ​യ​മാ​ണ് അം​ഗീ​ക​രി​ക്കു​ന്ന​ത്. ആ​ദ്യ​ത്തേ​ത് പാ​ക്കി​സ്ഥാ​ന്‍റെ രീ​തി​യാ​ണ്. ര​ണ്ടാ​മ​ത്തേ​ത് ഇ​ന്ത്യ​യു​ടെ രീ​തി​യും. ഒ​രു മ​ത​ത്തി​ന്‍റെ അ​പ്ര​മാ​ദി​ത്വം അം​ഗീ​ക​രി​ച്ചാ​ണ് പാ​ക്കി​സ്ഥാ​ൻ രൂ​പീ​ക​രി​ച്ച​ത്. ഇ​ന്ത്യ ഒ​രി​ക്ക​ലും അ​ങ്ങ​നെ​യാ​യി​രു​ന്നി​ല്ല.

ഒ​രി​ക്ക​ലും ഈ ​മ​തവി​ഭ​ജ​ന​ത്തി​ന്‍റെ യു​ക്തി ഇ​ന്ത്യ അം​ഗീ​ക​രി​ച്ചി​രു​ന്നി​ല്ല. ന​മ്മു​ടെ സ്വാ​ത​ന്ത്ര്യ​സ​മ​ര പോ​രാ​ട്ട​വും സ്വ​ത​ന്ത്ര ഇ​ന്ത്യ​യു​മെ​ല്ലാം നി​ല​കൊ​ണ്ട​ത് എ​ല്ലാ​വ​ർ​ക്കും വേ​ണ്ടി​യാ​ണെ​ന്നും ലേ​ഖ​ന​ത്തി​ൽ ചൂ​ണ്ടി​ക്കാ​ട്ടു​ന്നു.

ഇ​പ്പോ​ൾ 20 സംസ്ഥാ​ന​ങ്ങ​ളും ര​ണ്ടു സം​സ്ഥാ​ന​ങ്ങ​ളി​ൽ തൂ​ക്കു​മ​ന്ത്രി​സ​ഭ​യും ഉ​ള്ള​വ​ർ​ക്ക് അ​ടു​ത്ത അ​ഞ്ചു വ​ർ​ഷ​ത്തി​നകം രാ​ജ്യ​സ​ഭ​ കൈ​പ്പി​ടി​യി​ലാ​ക്കാം. ലോ​ക്സ​ഭ​യും അ​ടു​ത്ത തെ​ര​ഞ്ഞെ​ടു​പ്പി​ൽ ജ​യി​ച്ച് നി​ല​നി​ർ​ത്താ​നാ​യാ​ൽ അ​വ​ർ ആ​ഗ്ര​ഹി​ച്ച​തെ​ല്ലാം അ​വ​രു​ടെ പ​ക്ക​ലെ​ത്തു​ന്ന കാ​ല​മെ​ത്തും.

1947ൽ ​സ്വാ​ത​ന്ത്ര്യം ല​ഭി​ച്ച​തി​ന് ശേ​ഷം എ​ല്ലാ​വ​രെ​യും സ​മ​ന്മാരാ​യി ക​ണ്ട ഭ​ര​ണ​ഘ​ട​ന​യെ ആ​ർ​എ​സ്എ​സ് താ​ത്വി​കാ​ചാ​ര്യ​ൻ ഗോ​ൾ​വാ​ൾ​ക്ക​ർ വി​ശേ​ഷി​പ്പി​ച്ച​ത് ദു​ഷി​ച്ച ദേ​ശീ​യ​ത ആ​ശ​യം എ​ന്നാ​ണ്.

ഇ​ന്ത്യ​യു​ടെ ഭൂ​മി​യി​ൽ വ​സി​ക്കു​ന്ന​വ​ർ​ക്കെ​ല്ലാം ഒ​രേ സ്വാ​ത​ന്ത്ര്യം ഉ​റ​പ്പാ​ക്കി​യ​താ​ണ് അ​ദ്ദേ​ഹ​ത്തി​നും സം​ഘ​പ​രി​വാ​റി​നും ഭ​ര​ണ​ഘ​ട​ന​യോ​ട് വെ​റു​പ്പു​ള​വാ​ക്കി​യ​ത്. ഇ​തു​ത​ന്നെ​യാ​ണ് ഇ​പ്പോ​ൾ ബി​ജെ​പി ഉ​യ​ർ​ത്തി കാ​ണി​ക്കു​ന്ന ദീ​ൻ​ദ​യാ​ൽ ഉ​പാ​ധ്യ​യും വി​ശ്വ​സി​ച്ച​തെ​ന്നും, ഈ ​ആ​ശ​യ​ത്തി​ന്‍റെ പി​ൻ​ത​ല​മു​റ​ക്കാ​രാ​ണ് മോ​ദി​യും അ​മി​ത് ഷാ​യു​മെ​ന്നും ശ​ശി ത​രൂ​ർ ലേ​ഖ​ന​ത്തി​ൽ പ​റ​യു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.