ചൈനയ്ക്കു മുന്നറിയിപ്പുമായി ട്രംപ് ഭരണകൂടം : Deepika.com International News |

Click here for detailed news of all items

ചൈനയ്ക്കു മുന്നറിയിപ്പുമായി ട്രംപ് ഭരണകൂടം

Tuesday, January 24, 2017 3:42 PM IST

വാഷിംഗ്ടൺ ഡിസി: ദക്ഷിണ ചൈനാ സമുദ്രമേഖലയിലുള്ള യുഎസ് താത്പര്യം സംരക്ഷിക്കുന്നതിനുള്ള എല്ലാ നടപടികളുമെടുക്കുമെന്നും പ്രസ്തുത മേഖല കുത്തകയാക്കി വയ്ക്കാൻ ഏതെങ്കിലും ഒരു രാജ്യത്തെ അനുവദിക്കുന്ന പ്രശ്നമില്ലെന്നും യുഎസ് ഭരണകൂടം ചൈനയ്ക്കു മുന്നറിയിപ്പു നൽകി. ദക്ഷിണ ചൈനാ സമുദ്ര മേഖലയിൽ തങ്ങൾക്കുള്ള പരമാധികാരം ഉപേക്ഷിക്കില്ലെന്നു ബെയ്ജിംഗ് പ്രതികരിച്ചു.

ഫിലിപ്പീൻസ്, വിയറ്റ്നാം, മലേഷ്യ, ബ്രൂണെയ്, തായ് വാൻ തുടങ്ങിയ രാജ്യങ്ങൾക്കും ഈ മേഖലയിൽ അവകാശമുണ്ടെങ്കിലും ചൈന അതൊന്നും സമ്മതിക്കുന്നില്ല. പ്രസ്തുത മേഖലയിൽ ചൈന കൃത്രിമ ദ്വീപുകൾ നിർമിച്ചതിൽ വ്യാപക പ്രതിഷേധം ഉയർന്നു.
ചൈനയുടെ അവകാശവാദം അടുത്തയിടെ അന്തർദേശീയ ട്രൈബ്യൂണൽ തള്ളുകയുണ്ടായി.എന്നാൽ അതു വകവയ്ക്കാതെ ചൈന കടുംപിടിത്തം തുടരുകയാണ്. അന്തർദേശീയ സമൂഹത്തിന് അവകാശമുള്ള ഭൂവിഭാഗം ഒരു രാജ്യം സ്വന്തമാക്കുന്നത് സമ്മതിക്കില്ലെന്ന് വൈറ്റ് ഹൗസ് പ്രസ് സെക്രട്ടറി സീൻ സ്പൈസർ നടത്തിയ ആദ്യ പത്രസമ്മേളനത്തിൽ വ്യക്തമാക്കി.

തർക്ക ദ്വീപുകളിലും സമീപ പ്രദേശങ്ങളിലും ചൈനയ്ക്കു പരമാധികാരമുണ്ടെന്ന കാര്യം അവിതർക്കിതമാണെന്നു ചൈനീസ് വിദേശ മന്ത്രാലയ വക്താവ് ഹുവാ ചുന്യംഗ് പ്രതികരിച്ചു.യുഎസിനു ദക്ഷിണ ചൈനാ സമുദ്രത്തിൽ കാര്യമില്ലെന്നും അവർ പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.