Home   | Editorial   | Latest News  |  Local News   | Kerala   | National   | International   | Business   | Sports   | Obituary   | NRI News   | Big Screen   | Health
| Back to Sports News |
പ്രശസ്ത ക്രിക്കറ്റ് കമന്റേറ്റര്‍ ടോണി ഗ്രെഗ് അന്തരിച്ചു
Inform Friends Click here for detailed news of all items Print this Page
സിഡ്നി: ക്രിക്കറ്റ് കമന്ററി ഒരു കലയാണെങ്കില്‍ ഇന്നുമുതല്‍, ഒരു വലിയ കലാകാരന്റെ നഷ്ടമുണ്ടാക്കുന്ന വിടവ് അവശേഷിപ്പിച്ചായിരിക്കും അതു മുന്നോട്ട് പോകുക. അതെ, ലോകപ്രശസ്തനായ ക്രിക്കറ്റ് കമന്റേറ്ററും കളിക്കാരനുമായ ടോണി ഗ്രെഗ്(66) അന്തരിച്ചു. ശ്വാസകോശാര്‍ബുദത്തെത്തുടര്‍ന്നു ചികിത്സയിലായിരുന്ന ടോണി ഇന്നലെയാണ് മരണത്തിനു കീഴടങ്ങിയത്. 1946ല്‍ ദക്ഷിണാഫ്രിക്കയിലെ ക്വീന്‍സ് ടൌണില്‍ ജനിച്ച ആന്റണി വില്യം ഗ്രെഗ് എന്ന ടോണി ഗ്രെഗ് 1972ല്‍ ഇംഗ്ളണ്ടിനുവേണ്ടി ഓസീസിനെതിരേ ക്രിക്കറ്റില്‍ അരങ്ങേറി.

ഒക്ടോബറില്‍ ശ്രീലങ്കയില്‍ നടന്ന ട്വന്റി-20 ലോകകപ്പിനിടയിലാണു വിട്ടുമാറാത്ത ബ്രോങ്കൈറ്റിസ് അദ്ദേഹത്തെ പിടികൂടുന്നത്. തുടര്‍ന്നുള്ള പരിശോധനയില്‍ അദ്ദേഹത്തിന് ശ്വാസകോശ കാന്‍സറാണെന്ന സത്യം ലോകമറിഞ്ഞു. ക്രിക്കറ്റ് ലോകം ഞെട്ടലോടെയാണ് ഈ വാര്‍ത്ത കേട്ടത്. ബ്രിസ്ബെയ്നില്‍ നടന്ന ദക്ഷിണാഫ്രിക്ക- ഓസ്ട്രേലിയ ഒന്നാം ക്രിക്കറ്റ് ടെസ്റില്‍ കമന്റേറ്ററായിരുന്ന അദ്ദേഹത്തിന് അസുഖം മൂര്‍ഛിച്ചതിനെത്തുടര്‍ന്ന് ജോലി പകുതിയാക്കി മടങ്ങേണ്ടിവന്നു.

മികച്ച ഒരു ക്രിക്കറ്റ് താരംകൂടിയാണ് ടോണി. 58 ടെസ്റില്‍ ഇംഗ്ളണ്ടിനെ പ്രതിനിധീകരിച്ചു. എട്ടു സെഞ്ചുറിയും 20 അര്‍ധസെഞ്ചുറിയുമടക്കം 3599 റണ്‍സ് നേടി. 22 ഏകദിനം കളിച്ച ടോണിക്ക് 269 റണ്‍സുണ്ട്. ടെസ്റ്റില്‍ 141 വിക്കറ്റും ഏകദിനത്തില്‍ 19 വിക്കറ്റും ടോണിക്കുണ്ട്.

ഒരു മികച്ച ഓള്‍റൌണ്ടറായിരുന്ന ടോണി ജന്മം കൊണ്ട് ദക്ഷിണാഫ്രിക്കക്കാരനായിരുന്നുവെങ്കിലും മികവുകൊണ്ട് ഇംഗ്ളണ്ടിന്റെ നായകസ്ഥാനത്തു വരെ എത്താന്‍ കഴിഞ്ഞ പ്രതിഭാധനനായിരുന്നു. 1976-77 സീസണിലായിരുന്നു ടോണി ഇംഗ്ളണ്ടിന്റെ നായകനായത്. അന്ന് ഇന്ത്യന്‍ പര്യടനം നടത്തിയ ഇംഗ്ളീഷ് ടീമിന്റെ നായകനായി ടോണി ശ്രദ്ധേയനായി. ക്രിക്കറ്റ് എന്ന കായിക ഇനത്തിന്റെ ജാതകംതന്നെ തിരുത്തിക്കുറിച്ച, കെറി പാക്കറുടെ ലോക സീരീസ് വിപ്ളവത്തിനു പിന്തുണ പ്രഖ്യാപിച്ച ടോണി ഗ്രെഗ് അന്ന് ഏറെ വിമര്‍ശിക്കപ്പെട്ടെങ്കിലും പിന്നീട് അതിനേറെ പിന്തുണ ലഭിച്ചു.

ഓസ്ട്രേലിയയില്‍ അരങ്ങേറിയ ഈ ക്രിക്കറ്റ് മാമാങ്കത്തിന് ചുക്കാന്‍ പിടിച്ചവരില്‍ മുഖ്യനായിരുന്നു ഈ ആറടി ആറിഞ്ചുകാരന്‍. തുടര്‍ന്ന് ഓസ്ട്രേലിയക്കാരുടെ പ്രീതി പിടിച്ചുപറ്റിയ ടോണി അവിടം കര്‍മഭൂമിയാക്കി. ചാനല്‍ 9-ന്റെ കമന്റേറ്ററായി ലോകം മുഴുവന്‍ സഞ്ചരിച്ച അദ്ദേഹത്തിന് എവിടെ ചെന്നാലും ഒട്ടേറെ ആരാധകരുണ്ടായിരുന്നു. ഇന്ത്യയോടും വിശിഷ്യ സച്ചിന്‍ തെണ്ടുല്‍ക്കറോടും പ്രത്യേക മമതയുണ്ടായിരുന്നു എന്ന വസ്തുത ഇന്ത്യക്കാര്‍ ഒരിക്കലും മറക്കില്ല. 1998ല്‍ ഷാര്‍ജയില്‍ ഓസ്ട്രേലിയ, ന്യൂസിലന്‍ഡ്, ഇന്ത്യ എന്നിവര്‍ പങ്കെടുത്ത ത്രിരാഷ്്ട്ര ഏകദിന പരമ്പരയില്‍ സച്ചിന്‍ നേടിയ അത്യുജ്വല സെഞ്ചുറികള്‍പോലെതന്നെ ടോണിയുടെ ആവേശോജ്വലമായ കമന്ററിയും ഓര്‍മിക്കപ്പെടും. അത്രയ്ക്കും രസകരവും ആവേശം ജനിപ്പിക്കുന്നതുമായിരുന്നു ടോണിയുടെ വാക്വിലാസം. എന്നാല്‍, ബിസിസിഐയുടെ നിലപാടുകളോട് ടോണിക്ക് എതിര്‍പ്പായിരുന്നു. പ്രത്യേകിച്ചും അമ്പയര്‍മാരുടെ ഡിസിഷന്‍ റിവ്യൂ സിസ്റത്തില്‍ ബിസിസിഐയുടെ പ്രതികൂല നിലപാടിനെതിരേ.

ടോണിയുടെ സവിശേഷ ശൈലിക്കും ശബ്ദത്തിനും പകരക്കാരുണ്ടാകുമെന്ന് കരുതാന്‍ വയ്യ. 66-ാമത്തെ വയസില്‍ മരണത്തിനു കീഴടങ്ങുമ്പോള്‍ അദ്ദേഹത്തിന് ഇനിയുമേറെ ചെയ്യാന്‍ ബാക്കിയുണ്ടായിരുന്നു എന്ന് തോന്നിപ്പോകുന്നു ആരാധകര്‍ക്ക്്്.

ടോണിക്ക് ക്രിക്കറ്റ് തന്നെയായിരുന്നു ജീവിതം. വാക്കിലും, നോക്കിലും രീതികളിലും ഒരു തികഞ്ഞ മാന്യനായിരുന്ന അദ്ദേഹത്തിന്റെ ആകസ്മികമരണം ക്രിക്കറ്റ് ലോകത്തെയാകെ ദു:ഖത്തിലാഴ്ത്തി. അര്‍ബുദത്തിന്റെ പിടിയിലായില്‍നിന്നു മുക്തി നേടി പൂര്‍വാധികം ശക്തനായി കമന്ററി ലോകത്തേക്ക് മടങ്ങിയെത്തിയ തന്റെ നാട്ടുകാരനായ ജെഫ്രി ബോയ്ക്കോട്ടിനെപ്പോലെ ടോണിയും മടങ്ങിവരുമെന്ന് പ്രതീക്ഷിച്ചിരുന്ന ആരാധകര്‍ ഇനി ആ ശബ്ദത്തിന്റെ അകമ്പടിയില്ലാതെ വേണം ഇനിയുളള മല്‍സരങ്ങള്‍ കാണാന്‍.

കളി തുടങ്ങുംമുമ്പേതന്നെ നമ്മെ ടെലിവിഷനിലേക്കു —വലിച്ചടുപ്പിക്കുന്ന ആ മാന്ത്രികശബ്ദം ഈ ലോകത്ത് ഇനിയില്ല. പ്രിയ ടോണി , അവസാന ഓവറിലെ അവസാനപന്തും തീരും വരെ ക്രിക്കറ്റ് ലോകം ഓര്‍ത്തിടും നിങ്ങളെ..



ആദ്യദിനം മൂന്നു മീറ്റ് റിക്കാർഡ്
ഉഷസിനു നല്ല തിളക്കം
ആറാമതും നിഷ കനകമയം
ബ്ലാസ്റ്റേഴ്സിനു ഡി ഡേ
ആദ്യസ്വർണം നേടി കെൻ പോൾ
ബിബിന് സ്വർണത്തോടെ മടക്കം
അട്ടപ്പാടിയുടെ മുത്തിന് വെള്ളിയുടെ തിളക്കം
എൽക്ലാസിക്കോ: സമനില തെറ്റാതെ ന്യൂകാമ്പ്
മീറ്റ് റിക്കാർഡോടെ അമൽ
ഡൽഹി– മുംബൈ സമനില
മണിപ്പൂരിനു സ്വർണജേതാവ്
സിറ്റിയെ ചെൽസി തകർത്തു
ഓൺ യുവർ മാർക്ക്; സംസ്‌ഥാന സ്കൂൾ കായികോത്സവം ഇന്നു മുതൽ
എൽ ക്ലാസിക്കോ ജ്വരം; സീസണിലെ ആദ്യ എൽ ക്ലാസിക്കോ ഇന്ന്
രഞ്ജി: കേരളത്തിനു വിജയം
കോൽക്കത്ത – പൂന മത്സരം സമനിലയിൽ
ദേശീയ മീറ്റിലെ സ്വർണജേതാവ് ജപ്തിഭീഷണിയിൽ
ഐഎസ്എൽ ഫൈനൽ കൊച്ചിയിൽ
റോസ്ബർഗ് വിരമിച്ചു
സൈന പുറത്ത്
സംസ്‌ഥാന സ്കൂൾ കായികോത്സവം; നാളെ കൊടിയേറും
ലോക ചെസ്: ‘കരു’ത്തൻ കാൾസൻ
സഞ്ജു സാംസണു കെസിഎുെട കാരണംകാണിക്കൽ നോട്ടീസ്
റയലിനു ജയം, സിദാന്റെ മകനു ഗോൾ
ഫത്തോർഡയിൽ ഗോളുത്സവം
രഞ്ജി: കേരളം ജയത്തിലേക്ക്
സൈന ക്വാർട്ടറിൽ
സിന്ധു ഏഴാമത്
കായികമേള: മാധ്യമ അവാർഡുകൾ പ്രഖ്യാപിച്ചു
യുണൈറ്റഡിനു ജയം, ആഴ്സണലിനു തോൽവി
കായികോത്സവം സമാഗതം
ഫൗൾ സ്റ്റാർട്ട് പിടികൂടാനും ദൂരമറിയാനും ഇക്കുറി ഇലക്ട്രോണിക് സംവിധാനം
എൽ ക്ലാസിക്കോ വരുന്നു
ഫുട്ബോൾ ലോകം തേങ്ങി
കൊച്ചിയിൽ കേരളത്തിന്റെ വിധി
ടോക്കിയോയിൽ മെഡൽ നേടാനാകും: ശ്രീജേഷ്
ടെസ്റ്റ് റാങ്കിംഗ്: കോഹ്ലിക്കു മുന്നേറ്റം
കൂച്ച് ബിഹാർ: കേരളത്തിന് ഇന്നിംഗ്സ് വിജയം
ഹോക്കി; ഇന്ത്യ ഓസീസിനോടു തോറ്റു
രഞ്ജി: കേരളത്തിനു തകർച്ച
ബോൾ ബാഡ്മിന്റൺ 10ന്
കോൽക്കത്ത സെമിയിൽ
രവീന്ദ്രജാലത്തിൽ ഇന്ത്യ
ബ്രസീലിന് ഇതു വലിയ ദുരന്തം
ലോക ചെസ്: ഇനി ടൈബ്രേക്
സിന്ധുവിനു യോഗ്യത
കൂച്ച്ബിഹാർ: കേരളത്തിന് 89 റൺസ് ലീഡ്
ഓസീസിനെ ഇന്ത്യ അട്ടിമറിച്ചു
തിരുവനന്തപുരം, തൃശൂർ ജേതാക്കൾ
അഖിലേന്ത്യ അന്തർ സർവകലാശാല വോളി പാലായിൽ

Rashtra Deepika LTD
Copyright @ 2016 , Rashtra Deepika Ltd.