തി​രു​വ​ന​ന്ത​പു​രം: പ്ര​തി​ഷേ​ധ​ങ്ങ​ളെ സ​ർ​ക്കാ​ർ അ​ടി​ച്ച​മ​ർ​ത്താ​ൻ ശ്ര​മി​ക്കു​ന്നു​വെ​ന്ന് പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ. നേ​ര്യ​മം​ഗ​ല​ത്ത് ഒ​രു സ്ത്രീ​യെ ആ​ന ച​വ​ട്ടി കൊ​ന്നു. ക​ഴി​ഞ്ഞ ഏ​താ​നും നാ​ളു​ക​ളാ​യി വ​നാ​തി​ർ​ത്തി​യി​ൽ വ​ന്യ​ജീ​വി​ക​ൾ മ​നു​ഷ്യ​രെ ച​വി​ട്ടി കൊ​ല്ലു​ക​യും കൃ​ഷി ഭൂ​മി ത​ക​ർ​ക്കു​ക​യു​മാ​ണെ​ന്നും സ​തീ​ശ​ൻ പ​റ​ഞ്ഞു.

സ​ർ​ക്കാ​ർ നി​ഷ്ക്രീ​യ​മാ​യി നോ​ക്കി​നി​ൽ​കു​ക​യാ​ണ്. ഇ​തി​നെ​തി​രെ പ്ര​തി​ഷേ​ധി​ക്കു​ന്ന​വ​രെ സ​ർ​ക്കാ​ർ പോ​ലീ​സി​നെ ഉ​പ​യോ​ഗി​ച്ച് അ​ടി​ച്ച​മ​ർ​ത്തു​ക​യാ​ണെ​ന്നും തി​രു​വ​ന​ന്ത​പു​ര​ത്ത് പ്ര​തി​ഷേ​ധ പ​ന്ത​ലി​ലെ​ത്തി​യ സ​തീ​ശ​ൻ പ​റ​ഞ്ഞു. വ​നാ​തി​ർ​ത്തി​യി​ലെ പ്ര​ശ്നം പ​രി​ഹ​രി​ക്കാ​ന​ല്ല സ​ർ​ക്കാ​ർ നോ​ക്കു​ന്ന​ത്. ജ​ന​ങ്ങ​ൾ​ക്കൊ​പ്പം ത​ങ്ങ​ൾ നി​ൽ​ക്കുമെന്നും സതീശൻ പറഞ്ഞു.

കോ​ത​മം​ഗ​ലം ടൗ​ണി​ൽ പ്ര​തി​ഷേ​ധി​ച്ച എ​റ​ണാ​കു​ളം ഡി​സി​സി പ്ര​സി​ഡ​ന്‍റ് മു​ഹ​മ്മ​ദ് ഷി​യാ​സി​നെ​യും മാ​ത്രു കു​ഴ​ൽ​നാ​ട​നെ​യും പോ​ലീ​സ് അ​റ​സ്റ്റു ചെ​യ്തു കൊ​ണ്ടു​പോ​യി. ഷി​യാ​സ് എ​വി​ടെ​യാ​ണെ​ന്ന് അ​റി​യി​ല്ല. മു​ഹ​മ്മ​ദ് ഷി​യാ​സി​ന്‍റെ​യും മാ​ത്യു കു​ഴ​ൽ​നാ​ട​ന്‍റെ​യും ശ​രീ​ര​ത്തി​ൽ ഒ​രു ത​രി മ​ണ്ണ് വീ​ണാ​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ മ​റു​പ​ടി പ​റ​യേ​ണ്ടി വ​രും. രാ​വി​ലെ ഒ​ൻ​പ​തി​ന് എ​റ​ണാ​കു​ള​ത്ത് കാ​ണാ​മെ​ന്നും സ​തീ​ശ​ൻ പ​റ​ഞ്ഞു.

പി​ണ​റാ​യി പോ​ലീ​സി​നെ കൊ​ണ്ടും ക്രി​മി​ന​ലു​ക​ളെ​യും കൊ​ണ്ട് കേ​ര​ള​ത്തെ അ​ടി​ച്ച​മ​ർ​ത്താ​ൻ ശ്ര​മി​ക്കു​ക​യാ​ണ്. ക്രി​മി​ന​ലു​ക​ളെ ഇ​റ​ക്കി വി​ട്ടു​ള്ള സ​മ​ര​മാ​ണ് ന​ട​ക്കു​ന്ന​ത്. പാ​തി​രാ​ത്രി നൂ​റു​ക​ണ​ക്കി​ന് പോ​ലീ​സു​കാ​രെ ഇ​റ​ക്കി​വി​ട്ട് സെ​ക്ര​ട്ട​റി​യ​റ്റി​നു മു​ന്നി​ലെ സ​മ​രം ത​ർ​ക്കാ​ൻ ശ്ര​മി​ക്കു​ന്ന​ത്.

ഒ​രു കു​ഞ്ഞി​നെ കൊ​ന്ന് കെ​ട്ടി​തൂ​ക്കി​യി​ട്ട് മു​ഖ്യ​മ​ന്ത്രി​യു​ടെ നാ​വ് പൊ​ങ്ങി​യി​ല്ല. നി​ങ്ങ​ൾ മൗ​ന​ത്തി​ന്‍റെ മാ​ള​ങ്ങ​ളി​ൽ എ​പ്പോ​ഴും ഒ​ളി​ക്കും. ആ ​കേ​സ് അ​ട്ടി​മ​റി​ക്കാ​ൻ ശ്ര​മി​ക്കു​ക​യാ​ണെ​ന്നും സ​തീ​ശ​ൻ കൂ​ട്ടി​ച്ചേ​ർ​ത്തു.