ലോകനാഥന്‍റെ നിശബ്ദ ഫ്രെയിമുകൾ
Monday, December 4, 2017 5:19 PM IST
ലോ​ക​സി​നി​മ​യു​ടെ നെ​റു​ക​യി​ൽ വി​രാ​ജി​ക്കു​ന്ന മ​ല​യാ​ള സി​നി​മ​യു​ടെ അ​ണി​യ​റ​യി​ൽ പ്ര​വ​ർ​ത്തി​ക്കാ​ൻ അ​ന്യ​ഭാ​ഷ​യി​ൽ​നി​ന്നു​ള്ള ഛായാ​ഗ്രാ​ഹ​ക​രും ഏ​റെ താ​ൽ​പ​ര്യ​ത്തോ​ടെ എ​ത്താ​റു​ണ്ട്. ഒ​ന്ന​ര പ​തി​റ്റാ​ണ്ടി​ലേ​റെ​യാ​യി ത​മി​ഴ്, തെ​ലു​ങ്ക്, ക​ന്ന​ഡ ഭാ​ഷാ ചി​ത്ര​ങ്ങ​ളി​ൽ തി​ള​ങ്ങി​നി​ൽ​ക്കു​ന്ന എ​സ്. ലോ​ക​നാ​ഥ​നും ഈ ​ഗ​ണ​ത്തി​ൽ​പ്പെ​ടു​ന്നു. സാ​ങ്കേ​തി​ക​മാ​യി ഉ​ന്ന​ത​നി​ല​വാ​രം പു​ല​ർ​ത്തി​യ ഒ​രു​പി​ടി മ​ല​യാ​ള ചി​ത്ര​ങ്ങ​ൾ​ക്ക് കാ​മ​റ നി​യ​ന്ത്രി​ച്ച​തി​ലൂ​ടെ ലോ​ക​നാ​ഥ​ന്‍റെ ക​ഴി​വു​ക​ൾ ഇ​വി​ട​ത്തെ പ്രേ​ക്ഷ​ക​രും അം​ഗീ​ക​രി​ച്ചു​ക​ഴി​ഞ്ഞു.

ഹി​ന്ദി ഉ​ൾ​പ്പെ​ടെ 25-ലേ​റെ ചി​ത്ര​ങ്ങ​ൾ​ക്ക് ഇ​തി​നോ​ട​കം ഇ​ദ്ദേ​ഹം കാ​മ​റ നി​യ​ന്ത്രി​ച്ചി​ട്ടു​ണ്ട്. ചെ​ന്നൈ സ്വ​ദേ​ശി​യാ​ണെ​ങ്കി​ലും ത​മി​ഴ് ചി​ത്ര​ത്തി​നു​വേ​ണ്ടി ഇ​ദ്ദേ​ഹം ഛായാ​ഗ്ര​ഹ​ണം നി​ർ​വ​ഹി​ക്കു​ന്ന​ത് ഈ ​മേ​ഖ​ല​യി​ലെ​ത്തി 12 വ​ർ​ഷ​ങ്ങ​ൾ​ക്കു​ശേ​ഷ​മാ​ണ്. യാ​ഷ് രാ​ജ് ഫി​ലിം​സി​ന്‍റെ ആ​ഹാ ക​ല്യാ​ണം എ​ന്ന ചി​ത്ര​ത്തി​ലൂ​ടെ​യാ​യി​രു​ന്നു ത​മി​ഴി​ലെ അ​ര​ങ്ങേ​റ്റം.



വി.​കെ. പ്ര​കാ​ശ് സം​വി​ധാ​നം​ചെ​യ്ത മൂ​ന്നാ​മ​തൊ​രാ​ൾ എ​ന്ന ചി​ത്ര​ത്തി​ലൂ​ടെ​യാ​ണ് ലോ​ക​നാ​ഥ​ൻ മ​ല​യാ​ള​ത്തി​ലെ​ത്തു​ന്ന​ത്. പ​ര​സ്യ​ചി​ത്ര​സം​വി​ധാ​യ​ക​നാ​യി​രു​ന്ന വി.​കെ. പി​ക്കൊ​പ്പം പ്ര​വ​ർ​ത്തി​ച്ചു​ള്ള പ​രി​ച​യ​മാ​ണ് ലോ​ക​നാ​ഥ​നെ ഈ ​ചി​ത്ര​ത്തി​ലേ​ക്കെ​ത്തി​ച്ച​ത്. സാ​ങ്കേ​തി​ക​മാ​യി ഒ​ട്ടേ​റെ സ​വി​ശേ​ഷ​ത​ക​ളു​ള്ള ചി​ത്ര​മാ​യി​രു​ന്നു മൂ​ന്നാ​മ​തൊ​രാ​ൾ. ഡി​ജി​റ്റ​ൽ രൂ​പ​ത്തി​ൽ മാ​ത്രം ചി​ത്രീ​ക​രി​ച്ച് സാ​റ്റ​ലൈ​റ്റ് വ​ഴി തി​യ​റ്റ​റു​ക​ളി​ലെ​ത്തി​ച്ച ആ​ദ്യ മ​ല​യാ​ള ചി​ത്ര​മെ​ന്ന ബ​ഹു​മ​തി നേ​ടി​യ ചി​ത്ര​മാ​ണി​ത്. ഹൈ ​ഡെ​ഫി​നി​ഷ​ൻ കാ​മ​റ ഉ​പ​യോ​ഗി​ച്ചു പൂ​ർ​ണ​മാ​യും ചി​ത്രീ​ക​രി​ച്ച ആ​ദ്യ മ​ല​യാ​ള സി​നി​മ​യും ഈ ​ചി​ത്രം​ത​ന്നെ. പീ​രു​മേ​ട്ടി​ലും പ​രി​സ​ര​ങ്ങ​ളി​ലു​മാ​യാ​ണ് മൂ​ന്നാ​മ​തൊ​രാ​ൾ ചി​ത്രീ​ക​രി​ച്ച​ത്.

ഉ​ദ​യ് അ​ന​ന്ത​ൻ സം​വി​ധാ​നം ചെ​യ്ത പ്ര​ണ​യ​കാ​ല​ത്തി​നു​വേ​ണ്ടി​യാ​ണ് പി​ന്നീ​ടു ലോ​ക​നാ​ഥ​ൻ കാ​മ​റ നി​യ​ന്ത്രി​ച്ച​ത്. തു​ട​ർ​ന്ന് അ​ൻ​വ​ർ റ​ഷീ​ദ് സം​വി​ധാ​നം​ചെ​യ്ത അ​ണ്ണ​ൻ ത​ന്പി എ​ന്ന മെ​ഗാ​ഹി​റ്റ് ചി​ത്ര​ത്തി​ൽ പ്ര​വ​ർ​ത്തി​ക്കാ​നു​ള്ള ഭാ​ഗ്യ​വും ലോ​ക​നാ​ഥ​നെ തേ​ടി​യെ​ത്തി. മ​മ്മൂ​ട്ടി ഇ​ര​ട്ട​വേ​ഷ​ത്തി​ൽ അ​ഭി​ന​യി​ച്ച ഈ ​ചി​ത്രം വ​ർ​ണ​വൈ​വി​ധ്യ​ങ്ങ​ളു​ടെ സ​മ​ന്വ​യ​ത്താ​ൽ ദൃ​ശ്യ​മ​നോ​ഹ​ര​മാ​ക്കി​യ ലോ​ക​നാ​ഥ​ൻ, ഒ​രു തി​ക​ഞ്ഞ ഛായാ​ഗ്രാ​ഹ​ക​ന്‍റെ കൈ​യ​ട​ക്ക​വും പ്ര​ക​ടി​പ്പി​ച്ചു.



മേ​ജ​ർ ര​വി- മോ​ഹ​ൻ​ലാ​ൽ ടീ​മി​ന്‍റെ പ​ട്ടാ​ള​ക്ക​ഥ പ​റ​ഞ്ഞ ചി​ത്രം കു​രു​ക്ഷേ​ത്ര​യി​ൽ പ്ര​വ​ർ​ത്തി​ക്കാ​നാ​യ​ത് അ​ഭി​മാ​ന​ത്തോ​ടെ​യാ​ണ് ഇ​ദ്ദേ​ഹം ഓ​ർ​മി​ക്കു​ന്ന​ത്. ബോ​ഫോ​ഴ്സ് ഗ​ണ്‍ ആ​ദ്യ​മാ​യി കാ​ണാ​നാ​യ​തും എ.​കെ. 47 ആ​ദ്യ​മാ​യി കൈ​യി​ലെ​ടു​ക്കാ​നാ​യ​തും മ​റ്റും വേ​റി​ട്ട അ​നു​ഭ​വ​മാ​ണു ത​നി​ക്കു ന​ൽ​കി​യ​തെ​ന്ന് അ​ദ്ദേ​ഹം പ​റ​യു​ന്നു.

പ്ര​ശാ​ന്ത് മാ​ന്പു​ള്ളി സം​വി​ധാ​നം ചെ​യ്ത ഭ​ഗ​വാ​ൻ എ​ന്ന വ്യ​ത്യ​സ്ത​മാ​യ ചി​ത്ര​വും ലോ​ക​നാ​ഥ​ന്‍റെ കാ​മ​റ​യി​ൽ ചി​ത്രീ​ക​രി​ച്ച​താ​ണ്. ഭീ​ക​ര​ത​യ്ക്കെ​തി​രാ​യു​ള്ള സ​ന്ദേ​ശം ന​ൽ​കു​ന്ന ഈ ​ചി​ത്രം ഏ​റ്റ​വും കു​റ​ഞ്ഞ സ​മ​യം​കൊ​ണ്ട് (19 മ​ണി​ക്കൂ​ർ ) ഷൂ​ട്ട് ചെ​യ്ത് റി​ക്കാ​ർ​ഡി​ടു​ക എ​ന്ന ല​ക്ഷ്യം നേ​ടി. ലോ​ക​നാ​ഥ​നൊ​പ്പം 18 അ​സി​സ്റ്റ​ന്‍റ് കാ​മ​റാ​മാ​ൻ​മാ​ർ ചേ​ർ​ന്നു പ്ര​വ​ർ​ത്തി​ച്ചാ​ണ് ഈ ​ല​ക്ഷ്യം നേ​ടി​യ​ത്.

ലാ​ൽ ജോ​സ് സം​വി​ധാ​നം ചെ​യ്ത സ്പാ​നി​ഷ് മ​സാ​ല​യാ​യി​രു​ന്നു തു​ട​ർ​ന്നു പ്ര​വ​ർ​ത്തി​ച്ച ചി​ത്രം. സ്പെ​യി​നി​ലെ ചി​ത്രീ​ക​ര​ണം ത​നി​ക്കു മ​റ​ക്കാ​നാ​വാ​ത്ത ഓ​ർ​മ​ക​ളാ​ണ് സ​മ്മാ​നി​ച്ച​തെ​ന്ന് ഇ​ദ്ദേ​ഹം പ​റ​യു​ന്നു. ഷൂ​ട്ടിം​ഗി​നി​ട​യി​ലെ കാ​ള​പ്പോ​രും ത​ക്കാ​ളി​യേ​റു മ​ത്സ​ര​വും മ​റ്റും ഏ​റെ കൗ​തു​ക​ത്തോ​ടെ​യാ​ണ് ചി​ത്രീ​ക​രി​ച്ച​തെ​ന്നും ഇ​ദ്ദേ​ഹം ഓ​ർ​മി​ക്കു​ന്നു.



അ​ർ​ഥ​സ​ന്പു​ഷ്ട​മാ​യ നി​ശ​ബ്ദ ഫ്രെ​യി​മു​ക​ളി​ലൂ​ടെ ക​ഥ പ​റ​യു​ന്ന​തി​നും താ​ൻ വി​ദ​ഗ്ധ​നാ​ണെ​ന്ന് ഇ​ദ്ദേ​ഹം തെ​ളി​യി​ച്ച ചി​ത്ര​മാ​ണ് ഉ​സ്താ​ദ് ഹോ​ട്ട​ൽ. അ​ഞ്ജ​ലി മേ​നോ​ന്‍റെ തി​ര​ക്ക​ഥ​യി​ൽ അ​ൻ​വ​ർ റ​ഷീ​ദ് സം​വി​ധാ​നം ചെ​യ്ത ഉ​സ്താ​ദ് ഹോ​ട്ട​ൽ കാ​വ്യാ​ത്മ​ക​മാ​യ ദൃ​ശ്യ​ഭാ​ഷ​യാ​ൽ സ​ന്പ​ന്ന​മാ​ക്കാ​ൻ ഇ​ദ്ദേ​ഹ​ത്തി​നു ക​ഴി​ഞ്ഞു. വ്യ​ത്യ​സ്ത​മാ​യ ക​ള​ർ​ടോ​ണു​ക​ൾ​കൊ​ണ്ടും പു​തു​മ​യു​ള്ള ക​ഥാ​ഖ്യാ​നം​കൊ​ണ്ടും ഈ ​ചി​ത്രം ഏ​റെ ശ്ര​ദ്ധി​ക്ക​പ്പെ​ട്ടി​രു​ന്നു.

വി.​കെ. പ്ര​കാ​ശി​ന്‍റെ റോ​ക്ക് സ്റ്റാ​ർ, സം​വി​ധാ​യ​ക​ൻ ജോ​ഷി​യു​ടെ സ്പൈ ​ആ​ക്ഷ​ൻ ഫി​ലിം ലൈ​ലാ ഓ ​ലൈ​ല എ ​ന്നി​വ ലോ​ക​നാ​ഥ​ൻ ദൃ​ശ്യ​ചാ​രു​ത പ​ക​ർ​ന്ന സ​മീ​പ​കാ​ല മ​ല​യാ​ള​ചി​ത്ര​ങ്ങ​ളാ​ണ്.

ത​യാ​റാ​ക്കി​യ​ത്: സാ​ലു ആ​ന്‍റ​ണി