ബിഎസ്‌സി മെഡിക്കല്‍ മൈക്രോബയോളജി പരീക്ഷകള്‍ ഏപ്രില്‍ അഞ്ചിന്
അവസാന വര്‍ഷ ബിഎസ്‌സി മെഡിക്കല്‍ മൈക്രോബയോളജി (പുതിയ സ്‌കീം2013 അഡ്മിഷന്‍ റെഗുലര്‍, 2013ന് മുമ്പുള്ള അഡ്മിഷന്‍ സപ്ലിമെന്‍ററി) ഡിഗ്രി പരീക്ഷകള്‍ ഏപ്രില്‍ അഞ്ചിന് ആരംഭിക്കും. അപേക്ഷകള്‍ 16 വരെയും 50 രൂപ പിഴയോടെ 17 വരെയും 500 രൂപ സൂപ്പര്‍ഫൈനോടെ 20 വരെയും സ്വീകരിക്കും.
പരീക്ഷാതീയതി
രണ്ടാം സെമസ്റ്റര്‍ ബിഎഡ് (ക്രെഡിറ്റ് ആന്‍ഡ് സെമസ്റ്റര്‍ 20132014 അഡ്മിഷന്‍ സപ്ലിമെന്‍ററി, റീ അഡ്മിഷന്‍) ഡിഗ്രി പരീക്ഷകള്‍ ഏപ്രില്‍ ഏഴിന് ആരംഭിക്കും. കോട്ടയം സോണില്‍ മൗണ്ട് കാര്‍മല്‍ കോളജ് ഓഫ് ടീച്ചര്‍ എഡ്യൂക്കേഷനും, എറണാകുളം സോണില്‍ സെന്റ് ജോസഫ്‌സ് കോളജ് ഓഫ് ടീച്ചര്‍ എഡ്യൂക്കേഷന്‍ ഫോര്‍ വുമണും മാത്രമാണ് കേന്ദ്രങ്ങള്‍.
പരിക്ഷാതീയതി മാറ്റി
ഫെബ്രുവരി 20, 22 തീയതികളില്‍ നടത്താനിരുന്ന മൂന്നാം സെമസ്റ്റര്‍ ബിഎ, ക്രിമിനോളജി(ഓണേഴ്സ്), ബികോം എല്‍എല്‍ബി (ഓണേഴ്സ്), ബിബിഎ. എല്‍എല്‍ബി (ഓണേഴ്സ്) (2015ന് മുമ്പുള്ള അഡ്മിഷന്‍) ഡിഗ്രി പരീക്ഷകള്‍ യഥാക്രമം എട്ട്, 10 തീയതികളില്‍ നടത്തുവാനായി പുനര്‍നിശ്ചയിച്ചു.
പരീക്ഷാഫലം
2016 ജൂണില്‍ നടത്തിയ നാലാം സെമസ്റ്റര്‍ എംഎ ഇംഗ്ലീഷ് (സിഎസ്എസ്) ഡിഗ്രി പരിക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനര്‍മൂല്യനിര്‍ണയത്തിനുമുള്ള അപേക്ഷകള്‍ 20 വരെ സ്വീകരിക്കും.
ഒാള്‍ ഇന്ത്യ ഹയര്‍ എഡ്യൂക്കേഷന്‍ സര്‍വേ
എംജി യൂണിവേഴ്‌സിറ്റിയോട് അഫിലിയേറ്റ് ചെയ്തിട്ടുള്ള എല്ലാ കോളജുകളും 20ന് മുമ്പായി ഹയര്‍ എഡ്യൂക്കേഷന്‍ സര്‍വേ പൂര്‍ത്തീകരിച്ച്www.aishe.go v.in എന്ന വെബ്്‌സൈറ്റില്‍ അപ്‌ലോഡ് ചെയ്യേണ്ടതാണ്. 9447 101 530.
സ്റ്റാഫ് നഴ്‌സ് ഗ്രേഡ് II പരീക്ഷാ പരിശിലനം സീറ്റൊഴിവ്
പബ്ലിക് സര്‍വീസ് കമ്മീഷന്‍ നടത്തുന്ന സ്റ്റാഫ് നഴ്‌സ് ഗ്രേഡ് പരിക്ഷയ്ക്കുള്ള പരിശീലനം എംജി യൂണിവേഴ്‌സിറ്റി എംപ്ലോയ്‌മെന്‍റ് ഇന്‍ഫര്‍മേഷന്‍ ആന്‍ഡ് ഗൈഡന്‍സ് ബ്യൂറോയില്‍ ആരംഭിക്കുന്നു. യൂണിവേഴ്‌സിറ്റി കാമ്പസില്‍ നടത്തുന്ന പരിശീലന പരിപാടിയില്‍ ഏതാനും സീറ്റുകള്‍ ഒഴിവുണ്ട്.