ബിരുദം അലോട്ട്മെന്റ്: ഓപ്ഷനുകൾ നാളെ വരെ പുനഃക്രമീകരിക്കാം
ജൂലൈ 24ന് മൂന്നാംഘട്ട അലോട്ട്മെന്റിനു പരിഗണിക്കാനായി നേരത്തേ നൽകിയ ഓപ്ഷനുകൾ നാളെ വൈകുന്നേരം അഞ്ചു വരെ പുനക്രമീകരിക്കാം. നിലവിൽ ലഭിച്ച അലോട്ട്മെന്റിൽ തൃപ്തരാണെങ്കിൽ നിലനിൽക്കുന്ന ഹയർ ഓപ്ഷനുകൾ ഡിലീറ്റ് ചെയ്യണം. സ്ഥിരപ്രവേശം എടുത്ത വിദ്യാർഥികൾ ഹയർ ഓപ്ഷനുകൾ ഡിലീറ്റ് ചെയ്യേണ്ടതില്ല.
ഒന്നും രണ്ടും ബിരുദ അലോട്ട്മെന്റുകളിൽ പ്രവേശനം നേടിയ വിദ്യാർഥികൾ പ്രവേശനം റദ്ദാക്കി പോകുന്ന പക്ഷം അത്തരം വിദ്യാർഥികളുടെ വിവരങ്ങൾ പ്രിൻസിപ്പൽമാർ തത്സമയംതന്നെ ഓണ്ലൈൻ അഡ്മിഷൻ പോർട്ടൽ വഴി യൂണിവേഴ്സിറ്റിയെ അറിയിക്കണം.
അഭിമുഖം മാറ്റിവച്ചു
ബിസിനസ് ഇന്നൊവേഷൻ ആൻഡ് ഇൻകുബേഷൻ സെന്ററിൽ താത്കാലിക റിസർച്ച് അസോഷ്യേറ്റ് തസ്തികയിൽ ഇന്നു നടത്താനിരുന്നതും കെ. എൻ. രാജ് സെന്ററിൽ ഗസ്റ്റ് ലക്ചറർ (താത്കാലികം) തസ്തികയിൽ 27ന് നടത്താൻ നിശ്ചയിച്ചിരുന്നതുമായ അഭിമുഖങ്ങൾ ജൂലൈ ആറിന് യഥാക്രമം രാവിലെ 10.30 നും 11.30 നും നടത്താനായി മാറ്റിവച്ചു. വിശദവിവരം വെബ്സൈറ്റിൽ.
പരീക്ഷാതീയതി
ഒന്നാം വർഷ എംഫാം (ഫാർമസ്യൂട്ടിക്സ്, ഫാർമക്കോളജി 2016 അഡ്മിഷൻ റെഗുലർ) പരീക്ഷകൾ ജൂലൈ ഏഴുമുതൽ നടത്തും. അപേക്ഷകൾ 27 വരെയും 50 രൂപ പിഴയോടെ 28 വരെയും 500 രൂപ സൂപ്പർഫൈനോടെ 30 വരെയും സ്വീകരിക്കും. സി.വി ക്യാന്പ് ഫീസായി 300 രൂപ പരീക്ഷാഫീസിനു പുറമേ അടയ്ക്കണം.
പരീക്ഷാഫലം
2016 ഓഗസ്റ്റ്, സെപ്റ്റംബർ മാസങ്ങളിൽ നടത്തിയ രണ്ടാം സെമസ്റ്റർ എംഎസ്സി ഫിസിക്സ് മെറ്റീരിയൽ സയൻസ് (സിഎസ്എസ് റെഗുലർ, സപ്ലിമെന്ററി), 2017 ജനുവരിയിൽ നടത്തിയ മൂന്നാം സെമസ്റ്റർ എംഎസ്സി ഫിസിക്സ് (സിഎസ്എസ് റെഗുലർ, സപ്ലിമെന്ററി) എന്നീ പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷകൾ ജൂലൈ നാലു വരെ സ്വീകരിക്കും.
2016 ഓഗസ്റ്റിൽ നടത്തിയ രണ്ടാം സെമസ്റ്റർ എംഎസ്സി ബയോ ഇൻഫോർമാറ്റിക്സ് (പിജിസിഎസ്എസ് റെഗുലർ ) പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷകൾ ജൂലൈ നാലു വരെ സ്വീകരിക്കും.
2017 ജനുവരിയിലെ മൂന്നാം സെമസ്റ്റർ എംഎസിസി ബയോ ഇൻഫോർമാറ്റിക്സ് (പി.ജി.സി.എസ്. എസ് റഗുലർ/ബെറ്റർമെന്റ്/സപ്ലിമെന്ററി) പരീക്ഷയുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷ ജൂലൈ നാലു വരെ സ്വീകരിക്കും.