ബിരുദ ഏകജാലക പ്രവേശനം: പട്ടികജാതി, പട്ടികവർഗ സ്പെഷൽ അലോട്ട്മെന്റിന് ഏഴു മുതൽ 10 വരെ ഓപ്ഷൻ നൽകാം
യൂണിവേഴ്സിറ്റിയോട് അഫിലിയേറ്റ് ചെയ്തിട്ടുള്ള ആർട്സ് ആൻഡ് സയൻസ് കോളജുകളിലെ വിവിധ ബിരുദ പ്രോഗ്രാമുകളിലേക്ക് പട്ടിക ജാതി,പട്ടിക വർഗ വിഭാഗങ്ങൾക്കായുള്ള സ്പെഷൽ അലോട്ട്മെന്റിന് ഏഴു മുതൽ 10നു വൈകുന്നേരം അഞ്ചുവരെ പുതുതായി ഓപ്ഷൻ നൽകാം.
നിലവിൽ അപേക്ഷ സമർപ്പിക്കാത്തവർക്കും മുൻ അലോട്ട്മെന്റുകളിൽ പ്രവശനം ലഭിച്ചവർ ഉൾപ്പെടെ എല്ലാ വിഭാഗം എസ് സി, എസ്ടി അപേക്ഷകർക്കും വേണ്ടി സ്പെഷൽ അലോട്ട്മെന്റ് നടത്തും. അപേക്ഷകൻ ഓണ്ലൈൻ അപേക്ഷയിൽ വരുത്തിയ തെറ്റ് മൂലം അലോട്ട്മെന്റിനു പരിഗണിക്കപ്പെടാത്തവർക്കും അലോട്ട്മെന്റിലൂടെ ലഭിച്ച പ്രവേശനം റദ്ദാക്കിയവർക്കും പ്രത്യേകമായി ഫീസ് ഒടുക്കാതെ തന്നെ തന്റെ നിലവിലുള്ള ആപ്ലിക്കേഷൻ നന്പരും പാസ് വേഡും ഉപയോഗിച്ച് വെബ്സൈറ്റിൽ അക്കൗണ്ട് ക്രിയേഷൻ എന്ന ലിങ്കിൽ ക്ലിക്ക് ചെയ്യുന്പോൾ ലഭിക്കുന്ന പുതിയ ആപ്ലിക്കേഷൻ നന്പരും പഴയ പാസ്വേഡും ഉപയോഗിച്ച് ലോഗിൻ ചെയ്ത് ഓപ്ഷനുകൾ പുതുതായി നൽകാവുന്നതാണ്. പുതിയ ആപ്ലിക്കേഷൻ നന്പർ പിന്നീടുള്ള ഓണ്ലൈൻ ആവശ്യങ്ങൾക്കായി സൂക്ഷിച്ചു വയ്ക്കേണ്ടതാണ്. ലോഗിൻ ചെയ്തശേഷം അപേക്ഷകനു താൻ നേരത്തേ നൽകിയ അപേക്ഷയിൽ എന്തെങ്കിലും തരത്തിലുള്ള തെറ്റുകൾ സംഭവിച്ചിട്ടുണ്ടെങ്കിൽ തിരുത്താവുന്നതും പുതുതായി ഓപ്ഷനുകൾ നൽകാവുന്നതുമാണ്. ഇതുവരെയും രജിസ്റ്റർ ചെയ്യാത്ത എസ്സി, എസ്ടി അപേക്ഷകർക്കും പുതുതായി ഫീസടച്ച് സ്പെഷൽ അലോട്ട്മെന്റിൽ പങ്കെടുക്കാം. സ്പെഷൽ അലേട്ട്മെന്റിൽ പങ്കെടുക്കുന്ന എല്ലാ അപേക്ഷകരും പുതുതായി ഓപ്ഷനുകൾ നൽകണം. ഓപ്ഷനുകൾ നൽകിയശേഷം അപേക്ഷ സേവ് ചെയ്ത് ഓണ്ലൈനായി സമർപ്പിക്കുക. അപേക്ഷയുടേയോ ഓപ്ഷനുകളുടെയോ പ്രിന്റൗട്ട് യൂണിവേഴ്സിറ്റിയിൽ സമർപ്പിക്കേണ്ടതില്ല. വിവിധ കോളജുകളിലെ ഒഴിവുള്ള പ്രോഗ്രാമുകളുടെ വിശദവിവരങ്ങൾ യൂണിവേഴ്സിറ്റി വെബ്സൈറ്റിൽ പ്രസിദ്ധീകരിക്കും. സ്പെഷൽ അലോട്ട്മെന്റ് ലിസ്റ്റ് 12ന് പ്രസിദ്ധികരിക്കും ഓണ്ലൈൻ രജിസ്ട്രേഷനായി വെബ്സൈറ്റ് സന്ദർശിക്കുക. പ്രത്യേക അലോട്ട്മെന്റ് സ്പോട്ട് അലോട്ട്മെന്റല്ല.
മൂൻ അലോട്ട്മെന്റുകളിൽ താത്കാലിക പ്രവേശനം എടുത്തിട്ടുള്ളവർ പ്രത്യേക അലേട്ട്മെന്റിൽ പങ്കെടുക്കുകയും അലോട്ട്മെന്റ് ലഭിക്കുകയും ചെയ്താൽ അവർക്കു മുന്പ് ലഭിച്ച അലോട്ട്മെന്റ് റദ്ദാക്കപ്പെടുന്നതാണ്. കൂടാതെ ഓപ്ഷനുകൾ പുതുതായി നൽകുന്നതിനുള്ള അവസരം ഏഴു മുതൽ 10 വരെ മാത്രമേ ഉണ്ടായിരിക്കുകയുള്ളൂ.
പരീക്ഷ മാറ്റി
ഇന്ന് ആരംഭിക്കാനിരുന്ന ഒന്നാം വർഷ എംഫാം ഡിഗ്രി പരീക്ഷകൾ മാറ്റി വച്ചു. പുതുക്കിയ തീയതി പിന്നീട്.
പരീക്ഷാതീയതി
രണ്ടാം സെമസ്റ്റർ ബിഎച്ച്എം (പുതിയ സ്കീം റെഗുലർ, സപ്ലിമെന്ററി) ഡിഗ്രി പരീക്ഷകൾ ഓഗസ്റ്റ് നാലിന് ആരംഭിക്കും. അപേക്ഷകൾ 17 വരെയും, 50 രൂപ പിഴയോടെ 18 വരെയും, 500 രൂപ സൂപ്പർഫൈനോടെ 21 വരെയും സ്വീകരിക്കും.
അഞ്ചാം സെമസ്റ്റർ (2014 അഡ്മിഷൻ റെഗുലർ), മൂന്നാം സെമസ്റ്റർ (2015 അഡ്മിഷൻ റെഗുലർ, 2014 അഡ്മിഷൻ സപ്ലിമെന്ററി) ബി വോക് ഡിഗ്രി പരീക്ഷകൾ 18, 21 തീയതികളിൽ ആരംഭിക്കും. അപേക്ഷകൾ 11 വരെയും, 50 രൂപ പിഴയോടെ 12 വരെയും, 500 രൂപ സൂപ്പർഫൈനോടെ 14 വരെയും സ്വീകരിക്കും. പരീക്ഷ ആരംഭിച്ച് 15 ദിവസത്തിനുള്ളിൽ ഇന്റേണൽ മാർക്കുകൾ അപ്ലോഡ് ചെയ്യണം. വീഴ്ച വരുത്തുന്ന കോളജുകൾ യൂണിവേഴ്സിറ്റി ഉത്തരവുപ്രകാരമുള്ള പിഴ അടയ്ക്കണം.
പ്രാക്ടിക്കൽ, വൈവാ വോസി
2017 മേയിൽ നടത്തിയ രണ്ടാം സെമസ്റ്റർ ബിഎ ഇംഗ്ലീഷ് ലിറ്ററേച്ചർ കമ്യൂണിക്കേഷൻ ആൻഡ് ജേർണലിസം ഡിഗ്രി പരീക്ഷകളുടെ പ്രാക്ടിക്കൽ (ഇന്റർ പേഴ്സണൽ സ്കിൽസ്) 13, 14 തീയതികളിൽ വിവിധ കോളജുകളിൽ നടത്തും. ടൈം ടേബിൾ യൂണിവേഴ്സിറ്റി വെബ്സൈറ്റിൽ.
2017 മേയ്, ജൂണ് മാസങ്ങളിൽ നടത്തിയ നാലാം സെമസ്റ്റർ എംഎസ്സി സൈക്കോളജി (റെഗുലർ, സപ്ലിമെന്ററി) ഡിഗ്രി പരീക്ഷകളുടെ പ്രാക്ടിക്കൽ, ഡെസേർട്ടേഷൻ, വൈവാ വോസി എന്നിവ 10, 11 തീയതികളിൽ ആലുവ യുസി കോളജിലും 12, 13 തീയതികളിൽ മാന്നാനം കെ. ഇ. കോളജിലും നടത്തും. ടൈം ടേബിൾ വെബ്സൈറ്റിൽ.
പിഎച്ച്ഡി നൽകി
കെ. എം. ജെൻസി, ആശാ മത്തായി (മലയാളം ലാംഗ്വേജ് ആൻഡ് ലിറ്ററേച്ചർ), പി. കെ. അനീസുദ്ദീൻ (ഹിസ്റ്ററി), ജി. ഗീതിക (ഇന്റർനാഷണൽ റിലേഷൻസ് ആൻഡ് പൊളിറ്റിക്സ്), കൃപ. കെ. അലക്സ് (ഡെവലപ്പ്മെന്റ് സ്റ്റഡീസ്) എന്നിവർക്ക് പിഎച്ച്ഡി നൽകി.
സംവരണ സീറ്റൊഴിവ്
സ്കൂൾ ഓഫ് ടൂറിസം സ്റ്റഡീസിൽ മാസ്റ്റർ ഓഫ് ടൂറിസം ആൻഡ് ട്രാവൽ മാനേജ്മെന്റ് കോഴ്സിൽ 2017 19 അധ്യയന വർഷത്തിൽ എസ്സി, എസ്ടി വിഭാഗത്തിലായി നാലു സീറ്റൊഴിവുണ്ട്. ഏതെങ്കിലും വിഷയത്തിലുള്ള ബിരുദമാണ് യോഗ്യത. താത്പര്യമുള്ള വിദ്യാർഥികൾ അസൽ സർട്ടിഫിക്കറ്റുകളുമായി 10ന് രാവിലെ 10ന് സ്കൂൾ ഓഫ് ടൂറിസം സ്റ്റഡീസിൽ ഹാജരാകണം. 0481 2732922, 2733541.
പിജി മൂല്യനിർണയം: ഉത്തരക്കടലാസ് കൈപ്പറ്റണം
2017 ൽ നടത്തിയ ഒന്നും നാലും സെമസ്റ്റർ പിജി പരീക്ഷകളുടെ ഉത്തരക്കടലാസുകൾ മൂല്യനിർണയത്തിനായി 10ന് തൊടുപുഴ ന്യൂമാൻ കോളജ് കാന്പസിലും, 12ന് ആലുവ യുസി കോളജ്, തിരുവല്ല ടൈറ്റസ് കക ട്രെയിനിംഗ് കോളജ് എന്നിവിടങ്ങളിലും വിതരണം ചെയ്യും. ഉത്തരവ് ലഭിച്ചിട്ടുള്ള അധ്യാപകർ അതത് കേന്ദ്രങ്ങളിൽ നിന്നും ഉത്തരക്കടലാസ് കൈപ്പറ്റണം.