ഏകജാലകം വഴി പട്ടിക ജാതി, പട്ടിക വർഗ വിഭാഗത്തിൽപ്പെട്ടവർ 13നു മുന്പായി പ്രവേശനം നേടണം
ഏകജാലകം വഴി 2017ൽ ബിരുദ പ്രവേശനത്തിനുള്ള പട്ടിക ജാതി, പട്ടിക വർഗ വിഭാഗത്തിൽപ്പെട്ടവർക്കായുള്ള പ്രത്യേക അലോട്ട്മെന്റ് ലഭിച്ചവർ അലോട്ട്മെന്റ് മെമ്മോയുടെ പ്രിന്റൗട്ട് എടുത്ത് ഓണ്ലൈനായി സർവകലാശാല അക്കൗണ്ടിൽ വരേണ്ട ഫീസ് അടച്ചു 13നു വൈകുന്നേരം നാലിനു മുൻപായി അലോട്ട്മെന്റ് ലഭിച്ച കോളജിൽ യോഗ്യത തെളിയിക്കുന്ന അസൽ സാക്ഷ്യപത്രങ്ങൾ സഹിതം ഹാജരായി പ്രവേശനം നേടണം.
നാളെ വൈകുന്നേരം നാലിനു മുൻപായി ഫീസ് അടക്കാത്തവരുടെയും ഫീസടച്ചശേഷം കോളജിൽ പ്രവേശനം നേടാത്തവരുടെയും അലോട്ട്മെന്റ് റദ്ദാക്കും.
പിജി ഏകജാലക പ്രവേശനം
എംജി സർവകലാശാലയോട് അഫിലിയേറ്റ് ചെയ്തിട്ടുള്ള സർക്കാർ, എയ്ഡഡ്, സ്വാശ്രയ ആർട്സ് ആൻഡ് സയൻസ് കോളജുകളിലെ ഒന്നാം വർഷ ബിരുദാനന്തര ബിരുദ പ്രോഗ്രാമുകളിൽ പ്രവേശനത്തിന് വികലാംഗ, സ്പോർട്സ്, കൾചറൽ ക്വാട്ട വിഭാഗങ്ങളിൽ സംവരണം ചെയ്തിട്ടുള്ള സീറ്റുകളിലേക്ക് അപേക്ഷ സമർപ്പിക്കുന്നവർ പ്രവേശനം ആഗ്രഹിക്കുന്ന കോളജുകളിൽ 14 നകം നേരിട്ട് അപേക്ഷ സമർപ്പിക്കണം. ഇവർക്ക് ഏകജാലക സംവിധാനത്തിലൂടെയുള്ള പ്രവേശനത്തിനു പ്രത്യേകമായി സീറ്റുകൾ സംവരണം ചെയ്തിട്ടില്ല.
എംഎസ്ഡബ്ല്യു പ്രവേശനം: 15 വരെ അപേക്ഷിക്കാം
സർവകലാശാലയോടു അഫിലിയേറ്റഡ് കോളജുകളിലെ എംഎസ്ഡബ്ല്യൂ പ്രോഗ്രാമിലേക്ക് അപേക്ഷ ക്ഷണിച്ചു. പ്രവേശനപ്പരീക്ഷയിലെ മാർക്കിന്റെയും ബോണസ് പോയിന്റുകളുടെയും അടിസ്ഥാനത്തിലായിരിക്കും പ്രവേശനം. പ്രവേശന പരീക്ഷയുടെ തീയതി പിന്നാലെ അറിയിക്കും. വിശദമായ നോട്ടിഫിക്കേഷനും കോളജുകളുടെ വിവരങ്ങളും അപേക്ഷാഫോറത്തിന്റെ മാതൃകയും ഫീസടയ്ക്കുന്നതിനുള്ള ചലാനും സർവകലാശാലയുടെ ഒൗദ്യോഗിക വെബ്സൈറ്റിൽ ലഭ്യമാണ്. പൂരിപ്പിച്ച അപേക്ഷകൾ 15 വരെ അസിസ്റ്റന്റ് രജിസ്ട്രാർ (ക്യാപ്), മഹാത്മാഗാന്ധി സർവകലാശാല, പ്രിയദർശിനി ഹിൽസ് (പിഒ), കോട്ടയം 686 560 എന്ന വിലാസത്തിൽ സമർപ്പിക്കാം.
പുതുക്കിയ പരീക്ഷാതീയതി
കഴിഞ്ഞ മൂന്നിന് നടത്താൻ നിശ്ചയിച്ചിരുന്നതും മാറ്റി വച്ചതുമായ ഒന്നാം സെമസ്റ്റർ എംഎ, എംഎംഎച്ച്, എംസിജെ, എംഎസ്ഡബ്ല്യൂ, എംടിഎ, എംഎസ്സി, എംകോം (സിഎസ്എസ് 2013 മുതൽ 2015 വരെയുള്ള അഡ്മിഷൻ ഇംപ്രൂവ്മെന്റ്, സപ്ലിമെന്ററി, 2012 അഡ്മിഷൻ മേഴ്സി ചാൻസ്) മേയ്, ജൂണ് 2017 ഡിഗ്രി പരീക്ഷകൾ 24 ന് നടത്തും. പരീക്ഷാ കേന്ദ്രത്തിനും സമയത്തിനും മാറ്റമില്ല.
പരീക്ഷാതീയതി
അഞ്ചാം സെമസ്റ്റർ ബിവോക് (2014 അഡ്മിഷൻ റെഗുലർ) ഡിഗ്രി പരീക്ഷയുടെ ഇക്കോ ടൂറിസം, വെയ്റ്റ് മാനേജ്മെന്റ് റീ ഹാബിലിറ്റേഷൻ ആൻഡ് ഫിറ്റ്നസ് എന്നീ പേപ്പറുകളുടെ പരീക്ഷ ഓഗസ്റ്റ് രണ്ടിന് നടത്തും.
ഓഫ് കാന്പസ് പരീക്ഷ : പ്രാക്ടിക്കൽ, പ്രോജക്റ്റ്, വൈവാ വോസി
2017 മേയിൽ നടത്തിയ ഒന്ന്, രണ്ട്, മൂന്ന്, നാല് സെമസ്റ്റർ ബിഎസ്സി കംപ്യൂട്ടർ സയൻസ് (ഓഫ് കാന്പസ് സിബിസിഎസ്എസ് സപ്ലിമെന്ററി, മേഴ്സിചാൻസ്) ഡിഗ്രി പരീക്ഷകളുടെ പ്രാക്ടിക്കൽ പരീക്ഷകൾ 24, 25 തീയതികളിൽ പത്തനംതിട്ട സ്റ്റാസിൽ നടത്തും. ടൈംടേബിൾ സർവകലാശാലാ വെബ്സൈറ്റിൽ.
2017 മേയിൽ നടത്തിയ അഞ്ചും ആറും സെമസ്റ്റർ ബിഎസ്സി കംപ്യൂട്ടർ സയൻസ് (ഓഫ് കാന്പസ് സിബിസിഎസ്എസ് റെഗുലർ, സപ്ലിമെന്ററി, മേഴ്സി ചാൻസ്) ഡിഗ്രി പരീക്ഷയുടെ പ്രാക്ടിക്കൽ ലിനക്സ് പ്രോഗ്രാമിംഗ് ആൻഡ് പ്രോജക്റ്റ് ഇൻ ജാവ, പ്രോജക്റ്റ് ആൻഡ് വൈവാ വോസി പരീക്ഷകൾ 21നു പത്തനംതിട്ട സ്റ്റാസിലും, 15നു ചാലക്കുടി കുന്നപ്പിള്ളി നിർമല കോളജ് ഓഫ് എൻജിനിയറിംഗിലും നടത്തും. ടൈംടേബിൾ സർവകലാശാലാ വെബ്സൈറ്റിൽ.
2017 ഏപ്രിലിൽ നടത്തിയ ഒന്നു മുതൽ ആറു വരെയുള്ള സെമസ്റ്റർ ഓഫ് കാന്പസ് ബിസിഎ (2012 നു മുന്പുള്ള അഡ്മിഷൻ സപ്ലിമെന്ററി, മേഴ്സി ചാൻസ് ആൻഡ് സിബിസിഎസ്എസ് 2012 മുതലുള്ള അഡ്മിഷൻ റെഗുലർ, സപ്ലിമെന്ററി) ഡിഗ്രി പരീക്ഷകളുടെ പ്രാക്ടിക്കൽ എറണാകുളം, ഇടുക്കി ജില്ലയിലെ വിദ്യാർഥികൾക്ക് 15, 16, 29, 30 തീയതികളിൽ കൊച്ചി ഇടപ്പള്ളി സ്കൂൾ ഓഫ് ടെക്നോളജി ആൻഡ് അപ്ലൈഡ് സയൻസസിൽ വച്ചും, തൃശൂർ, കോഴിക്കോട്, മലപ്പുറം ജില്ലകളിലെ വിദ്യാർഥികൾക്ക് 21, 22, 24, 25 തീയതികളിൽ ചാലക്കുടി നിർമല കോളജ് ഓഫ് എൻജിനിയറിംഗിൽ വച്ചും നടത്തും.
വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്. വിദ്യാർഥികൾ ഹാൾടിക്കറ്റും തിരിച്ചറിയൽ രേഖയുമായി രാവിലെ 8.30 ന് പരീക്ഷാ കേന്ദ്രത്തിൽ ഹാജരാകണം.
പ്രാക്ടിക്കൽ
2017 മാർച്ചിൽ നടത്തിയ രണ്ടാം സെമസ്റ്റർ ബിഎസ്സി ഫുഡ് ടെക്നോളജി ആൻഡ് ക്വാളിറ്റി അഷ്വറൻസ് (സിബിസിഎസ്എസ് റെഗുലർ, സപ്ലിമെന്ററി) ഡിഗ്രി പരീക്ഷകളുടെ പ്രാക്ടിക്കൽ നാളെ അതത് കോളജുകളിൽ നടത്തും.
ടൈംടേബിൾ സർവകലാശാലാ വെബ്സൈറ്റിൽ.
പരീക്ഷാഫലം
2017 മാർച്ചിൽ നടത്തിയ ഒന്നാം സെമസ്റ്റർ മാസ്റ്റർ ഓഫ് ഹോസ്പിറ്റൽ അഡ്മിനിസ്ട്രേഷൻ ആൻഡ് മാസ്റ്റർ ഓഫ് പബ്ലിക് ഹെൽത്ത് ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കുള്ള അപേക്ഷകൾ 24 വരെ സ്വീകരിക്കും.
2016 ഒക്ടോബറിൽ നടത്തിയ രണ്ടാം സെമസ്റ്റർ എംസിഎ (2015 അഡ്മിഷൻ റെഗുലർ, 2011 മുതൽ 2014 വരെയുള്ള അഡ്മിഷൻ സപ്ലിമെന്ററി ആൻഡ് ലാറ്ററൽ എൻട്രി 2015 അഡ്മിഷൻ റെഗുലർ, 2013 ആൻഡ് 2014 അഡ്മിഷൻ സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷകൾ 25 വരെ സ്വീകരിക്കും.
ബികോം പുനർമൂല്യനിർണയ ഫലം
2016 ഒക്ടോബറിൽ നടത്തിയ അഞ്ചാം സെമസ്റ്റർ ബികോം (സിബിസിഎസ്എസ്) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. പുനർമുല്യനിർണയ മെമ്മോ സർവകലാശാലാ വെബ്സൈറ്റിൽ ലഭ്യമാണ്.
എംഎസ്സി ക്ലാസുകൾ 17നു ആരംഭിക്കും
സ്കൂൾ ഓഫ് പ്യൂവർ ആൻഡ് അപ്ലൈഡ് ഫിസിക്സിൽ ഒന്നാം വർഷ എംഎസ്സി ക്ലാസുകൾ 17 ന് ആരംഭിക്കും.
അഭിമുഖം
ഡിഎസ്ടി പഴ്സ് പദ്ധതിയുടെ കീഴിൽ പ്രോജക്റ്റ് ഫെല്ലോ, ടെക്നിക്കൽ അസിസ്റ്റന്റ് എന്നീ ഒഴിവിലേക്ക് താത്കാലിക നിയമനത്തിനുള്ള അഭിമുഖം നാളെ സ്കൂൾ ഓഫ് കംപ്യൂട്ടർ സയൻസസിൽ നടത്തും.
ഫോൺ: 0481 2731037.
ടെക്നിക്കൽ അസിസ്റ്റന്റ് നിയമനം
ഡിപ്പാർട്ട്മെന്റ് ഓഫ് സയൻസ് ആൻഡ് ടെക്നോളജി ഡിഎസ്ടി പഴ്സ് പദ്ധതിയുടെ ഭാഗമായി ടെക്നിക്കൽ അസിസ്റ്റന്റിനെ നിയമിക്കുന്നതിന് അപേക്ഷകൾ ക്ഷണിച്ചു. 15നു വൈകുന്നേരം അഞ്ചു വരെ അപേക്ഷകൾ സ്വീകരിക്കും. കൂടുതൽ വിവരങ്ങൾ സർവകലാശാലാ വെബ്സൈറ്റിൽ.
സിൻഡിക്കറ്റ് യോഗം 17ന്
എംജി സർവകലാശാലാ സിൻഡിക്കറ്റിന്റെ യോഗം 17ന് രാവിലെ 10.30 ന് സർവകലാശാലാ സിൻഡിക്കറ്റ് ഹാളിൽ നടത്തും.