ആർമി പൊതുപ്രവേശന പരീക്ഷ 30ന്
തിരുവനന്തപുരം: ആർമി പൊതു പ്രവേശന പരീക്ഷ 30ന്. ഏപ്രിലിൽ കൊല്ലത്ത് നടന്ന ആർമി റിക്രൂട്ട്മെന്റ് റാലിയിൽ തെരഞ്ഞെടുക്കപ്പെട്ടവരും ശാരീരികവൈദ്യ പരിശോധനയിൽ യോഗ്യത നേടിയവരുമായവർക്കാണു പരീക്ഷയിൽ പങ്കെടുക്കാവുന്നത്. തിരുവനന്തപുരം വട്ടിയൂർക്കാവ് നെട്ടയം സെൻട്രൽ പോളിടെക്നിക് കാമ്പസിലുള്ള ദേശീയ ഗെയിംസ് ഷൂട്ടിംഗ് റേഞ്ചിലാണ് പരീക്ഷ. സോൾജിയർ ജനറൽ ഡ്യൂട്ടി, സോൾജിയർ ടെക്നിക്കൽ, സോൾജിയർ ക്ലാർക്ക്, സോൾജിയർ ട്രേഡ്സ്മാൻ എന്നീ കാറ്റഗറിലേക്കാണു പരീക്ഷ നടത്തുന്നത്.
പൊതുപ്രവേശന പരീക്ഷക്കുള്ള അഡ്മിറ്റ് കാർഡ് അയച്ചിട്ടുണ്ട്. ഉദ്യോഗാർഥികൾ 30ന് രാവിലെ നാലിനു വിദ്യാഭ്യാസ യോഗ്യത തെളിയിക്കുന്ന സർട്ടിഫിക്കറ്റുകളുടെ പകർപ്പ് സഹിതം ദേശീയ ഗെയിംസ് ഷൂട്ടിംഗ് റേഞ്ചിൽ ഹാജരാകണം.
സോൾജിയർ നഴ്സിംഗ് അസിസ്റ്റന്റ് തസ്തികയിലേയ്ക്കുള്ള പൊതു പ്രവേശന പരീക്ഷ ഓഗസ്റ്റ് 27ന് പാങ്ങോട് സൈനിക കേന്ദ്രത്തിലെ കുളച്ചൽ സ്റ്റേഡിയത്തിലും നടത്തും.