ബിരുദം: എസ്‌സി, എസ്ടി വിഭാഗത്തിൽ യോഗ്യത നേടിയവർ 31നു പ്രവേശനം നേടണം
ബിരുദ പ്രവേശനത്തിനുള്ള എസ്‌സി, എസ്ടി വിഭാഗക്കാർക്കായുള്ള നാലാം പ്രത്യേക അലോട്ട്മെന്റിൽ യോഗ്യത നേടിയവർ 31നു വൈകുന്നേരം നാലിനു മുന്പായി പ്രവേശനം നേടണം. 31ന് വൈകുന്നേരം നാലിനു മുന്പായി ഫീസ് അടക്കാത്തവരുടെയും ഫീസടച്ച ശേഷം കോളജിൽ പ്രവേശനം നേടാത്തവരുടെയും അലോട്ട്മെന്റ് റദ്ദാക്കും.
മുൻ അലോട്ട്മെന്റുകളിൽ താത്കാലിക പ്രവേശനം ലഭിച്ച എസ്‌സി, എസ്ടി അപേക്ഷകർ അലോട്ട്മെന്റ് ലഭിച്ച കോളജുകളിൽ 31നു വൈകുന്നേരം നാലിനു മുന്പായി സ്ഥിര പ്രവേശം നേടണം.
ബികോം ഓഫ് കാന്പസ് പ്രാക്ടിക്കൽ
2017 ഏപ്രിൽ, മേയ് മാസങ്ങളിൽ നടത്തിയ മൂന്നാം വർഷ ബികോം ഓഫ് കാന്പസ് ( സിബിസിഎസ്എസ്) ഡിഗ്രി പരീക്ഷയുടെ ഡിബിഎം എസ്, കംപ്യൂട്ടറൈസ്ഡ് അക്കൗണ്ടിംഗ് എന്നീ വിഷയങ്ങളുടെയും രണ്ടാം വർഷ പരീക്ഷയിലെ ഐടി ഫോർ ഓഫീസ്, ഐടി ഫോർ ബിസിനസ് എന്നീ വിഷയങ്ങളുടെയും പ്രാക്ടിക്കൽ ഓഗസ്റ്റ് അഞ്ച്, ആറ് തീയതികളിൽ, കണ്ണൂർ, കോഴിക്കോട് ജില്ലകളിലെ വിദ്യാർഥികൾക്കു കണ്ണൂർ ഡിപോൾ ആർട്സ് ആൻഡ് സയൻസ് കോളജിൽ് നടത്തും. വിദ്യാർഥികൾ രജിസ്റ്റർ നന്പർ ക്രമത്തിൽ ബന്ധപ്പെട്ട ദിവസം ഹാൾടിക്കറ്റും തിരിച്ചറിയൽ രേഖയും സഹിതം ഹാജരാകണം. ടൈംടേബിൾ വെബ്സൈറ്റിൽ.
പ്രാക്ടിക്കൽ, പ്രോജക്റ്റ് മൂല്യനിർണയം, വൈവാ വോസി
2017 മേയ്, ജൂണ്‍ മാസങ്ങളിൽ നടത്തിയ നാലാം സെമസ്റ്റർ എംഎസ്‌സി പ്ലാന്‍റ് ബയോടെക്നോളജി റെഗുലർ, സപ്ലിമെന്‍ററി) ഡിഗ്രി പരീക്ഷയുടെ പ്രാക്ടിക്കൽ, പ്രോജക്ട് മൂല്യനിർണയം, വൈവാ വോസി എന്നിവ ഓഗസ്റ്റ് 17, 18 തീയതികളിൽ തിരുവല്ല മാക്ഫാസ്റ്റിൽ നടത്തും. ടൈംടേബിൾ വെബ്സൈറ്റിൽ.
2017 മേയിലെ ഒന്നാം സെമസ്റ്റർ ബിവോക് ഫുഡ് പ്രോസസിംഗ് ടെക്നോളജി (റെഗുലർ, സപ്ലിമെന്‍ററി) പരീക്ഷയുടെ പ്രാക്ടിക്കൽ ഓഗസ്റ്റ് 10, 11 തീയതികളിൽ പാലാ സെന്‍റ് തോമസ് കോളജിൽ് നടത്തും. ടൈംടേബിൾ വെബ്സൈറ്റിൽ.
പരീക്ഷാഫലം
സ്കൂൾ ഓഫ് കെമിക്കൽ സയൻസസിൽ 2016 സെപ്റ്റംബറിലും 2017 ഏപ്രിലിലും നടത്തിയ ഒന്നും രണ്ടും സെമസ്റ്റർ എംഫിൽ ഓർഗാനിക് കെമിസ്ട്രി, ഇനോർഗാനിക് കെമിസ്ട്രി, ഫിസിക്കൽ കെമിസ്ട്രി, പോളിമർ കെമിസ്ട്രി ഡിഗ്രി പരീക്ഷകളുടെ ഫലം പ്രസിദ്ധീകരിച്ചു.
സ്കൂൾ ഓഫ് കെമിക്കൽ സയൻസസിൽ 2017 ജനുവരിയിൽ നടത്തിയ ഒന്നാം സെമസ്റ്റർ എംഎസ്‌സി കെമിസ്ട്രി (ഇനോർഗാനിക്, ഓർഗാനിക്, ഫിസിക്കൽ ആൻഡ് പോളിമർ കെമിസ്ട്രി റെഗുലർ,ഇംപ്രൂവ്മെന്‍റ്) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു.
സ്കൂൾ ഓഫ് എൻവയോണ്മെന്റൽ സയൻസസിൽ 2017 ജനുവരിയിൽ നടത്തിയ മൂന്നാം സെമസ്റ്റർ എംഎസ്‌സി എൻവയോണ്മെന്റ് സയൻസ് ആൻഡ് മാനേജ്മെന്‍റ്, എൻവയോണ്മെന്റ് സയൻസ് ആൻഡ് ഡിസാസ്റ്റർ മാനേജ്മെന്‍റ് എന്നീ ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി.
സ്കൂൾ ഓഫ് സോഷ്യൽ സയൻസസിൽ 2017 മേയ് മാസത്തിൽ നടത്തിയ രണ്ടാം സെമസ്റ്റർ എംഫിൽ ജനറൽ സോഷ്യൽ സയൻസസ്, സോഷ്യൽ ട്രാൻസ്ഫോർമേഷൻ ആൻഡ് എംപർമെന്‍റ് ( സിഎസ്എസ്) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി.
2017 ഏപ്രിലിൽ നടത്തിയ അഞ്ചാം സെമസ്റ്റർ മാസ്റ്റർ ഓഫ് സയൻസ് ഇൻ മെഡിക്കൽ ബയോ കെമിസ്ട്രി (റെഗുലർ, സപ്ലിമെന്‍ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കുള്ള അപേക്ഷ ഓഗസ്റ്റ് 14 വരെ സ്വീകരിക്കും.
സിൻഡിക്കറ്റ് യോഗം മാറ്റി
ഇന്നു നിശ്ചയിച്ചിരുന്ന സിൻഡിക്കേറ്റ് യോഗം ഓഗസ്റ്റ് രണ്ടിനു രാവിലെ 10.30ന് സിൻഡിക്കറ്റ് ഹാളിൽ നടത്തും.