മൂന്നാം സെമസ്റ്റർ എംഎ സംസ്കൃതം ഫലം പ്രസിദ്ധീകരിച്ചു
2017 ജനുവരിയിൽ നടത്തിയ മൂന്നാം സെമസ്റ്റർ എംഎ സംസ്കൃതം ജനറൽ (സിഎസ്എസ് സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷകൾ 14 വരെ സ്വീകരിക്കും.
2017 മാർച്ചിൽ നടത്തിയ ആറാം സെമസ്റ്റർ ബിഎസ്സി മോഡൽ മൂന്ന് സൈബർ ഫോറൻസിക് (സിബിസിഎസ്എസ് യുജി 2014 അഡ്മിഷൻ റെഗുലർ) ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. സൂക്ഷ്മപരിശോധനയ്ക്കും പുനർമൂല്യനിർണയത്തിനുമുള്ള അപേക്ഷകൾ 16 വരെ സ്വീകരിക്കും.
പരീക്ഷാത്തീയതി
കാലടി എസ്എസ് കോളജിൽ നടത്തിയ നാലാം സെമസ്റ്റർ എംഎസ്സി എൻവയോണ്മെന്റ് സയൻസ് ആൻഡ് മാനേജ്മെന്റ് ഡിഗ്രി പരീക്ഷയുടെ പ്രോജക്ട് മൂല്യനിർണയം, വൈവാ വോസി എന്നിവയ്ക്ക് ഏഴു വരെയും, 50 രൂപ പിഴയോടെ എട്ടു വരെയും, 500 രൂപ സൂപ്പർഫൈനോടെ 11 വരെയും സ്വീകരിക്കും. ഈ പരീക്ഷയക്ക് ആദ്യമായി അപേക്ഷിക്കുന്നവർ 100 രൂപ പ്രൊവിഷണൽ ഡിഗ്രി സർട്ടിഫിക്കറ്റ് ഫീസായി പരീക്ഷാഫീസിനൊപ്പം അടക്കണം.
ഡിപ്പാർട്ട്മെന്റ് ഓഫ് കമ്യൂണിക്കേഷൻ ആൻഡ് ജേർണലിസത്തിലെ രണ്ടാം സെമസ്റ്റർ എംഎജെഎംസി (2016 അഡ്മിഷൻ റെഗുലർ), രണ്ടാം സെമസ്റ്റർ എംസിജെ (2016നു മുന്പുള്ള അഡ്മിഷൻ സപ്ലിമെന്ററി)പരീക്ഷകൾ 17 നും നാലാം സെമസ്റ്റർ എംസിജെ (2015 അഡ്മിഷൻ റെഗുലർ, 2015 നു മുൻപുള്ള അഡ്മിഷൻ സപ്ലിമെന്ററി) ഡിഗ്രി പരീക്ഷകൾ 18 നും ആരംഭിക്കും.
അപേക്ഷകൾ പിഴയില്ലാതെ ഏഴു വരെയും, 50 രൂപ പിഴയോടെ എട്ടു വരെയും, 500 രൂപ സൂപ്പർഫൈനോടെ 10 വരെയും സ്വീകരിക്കും. വിദ്യാർഥികൾ 100 രൂപ പ്രൊവിഷണൽ ഡിഗ്രി സർട്ടിഫിക്കറ്റ് ഫീസായി നിശ്ചിത പരീക്ഷാഫീസിനു പുറമേ അടക്കണം.
പ്രാക്ടിക്കൽ പരീക്ഷ
2017 മേയിൽ നടത്തിയ രണ്ടാം സെമസ്റ്റർ ബിഎ ഇംഗ്ലീഷ് മോഡൽ രണ്ട് വൊക്കേഷണൽ (സിബിസിഎസ്എസ് 2016 അഡ്മിഷൻ റെഗുലർ, റീയപ്പിയറൻസ്, സപ്ലിമെന്ററി) ഡിഗ്രി പരീക്ഷകളുടെ കംപ്യൂട്ടർ ആപ്ലിക്കേഷൻ ആൻഡ് ഡിടിപി പ്രാക്ടിക്കൽ എട്ടു മുതൽ ബന്ധപ്പെട്ട കോളജുകളിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
2017 മേയിൽ നടത്തിയ രണ്ടാം സെമസ്റ്റർ ബിസിഎ ആൻഡ് ബിഎസ്സി കംപ്യൂട്ടർ ആപ്ലിക്കേഷൻ (സിബിസിഎസ്എസ് 2016 അഡ്മിഷൻ റെഗുലർ ആൻഡ് റീ അപ്പിയറൻസ്, 2013 മുതലുള്ള അഡ്മിഷൻ സപ്ലിമെന്ററി) ഡിഗ്രി പരീക്ഷകളുടെ പ്രാക്ടിക്കൽ എട്ടു മുതൽ 10 തീയതികളിൽ വിവിധ കേന്ദ്രങ്ങളിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ.
സർവകലാശാലാ യൂണിയൻ തെരഞ്ഞെടുപ്പ്
സർവകലാശാലാ യൂണിയൻ തെരഞ്ഞെടുപ്പ് നാളെ രാവിലെ 10 മുതൽ സർവകലാശാലാ അസംബ്ലിഹാളിൽ നടക്കും. ജനറൽ കൗണ്സിൽ അംഗങ്ങളുടെ തിരിച്ചറിയൽ കാർഡ് അതത് കോളജുകളിലേക്ക് അയച്ചു കൊടുത്തിട്ടുണ്ട്.
ഇന്നു തിരിച്ചറിയൽ കാർഡുകൾ ലഭിക്കാത്ത വേട്ടർമാർക്ക് ഫോട്ടോപതിച്ച കോളജ് സ്റ്റുഡന്റ് തിരിച്ചറിയൽ കാർഡ്, ഇലക്ഷൻ കമ്മീഷൻ തിരിച്ചറിയൽ കാർഡ്, ആധാർ കാർഡ്, ഡ്രൈവിംഗ് ലൈസൻസ്, ഫോട്ടോപതിച്ച പൊതുമേഖലാ ബാങ്ക് പാസ് ബുക്ക് എന്നിവ വരണാധികാരി മുന്പാകെ നാളെ രാവിലെ എട്ടു മുതൽ ഹാജരാക്കി, തങ്ങളുടെ വോട്ടവകാശം വിനിയോഗിക്കാം.
ജിയോ ഇൻഫർമേഷൻ സയൻസ് ആൻഡ് ടെക്നോളജി കോഴ്സ്
എംജി സർവകലാശാലയുടെ സ്കൂൾ ഓഫ് എൻവയോണ്മെന്റൽ സയൻസസിൽ നാഷണൽ നാച്ച്വറൽ റിസോഴ്സസ് മാനേജ്മെന്റ് സിസ്റ്റം (ചചഞങട) പ്രോഗ്രാമിൽ ഐഎസ്ആർഒയുടെ സാങ്കേതിക സാന്പത്തിക സഹായത്തോടെ പ്രവർത്തിക്കുന്ന ഡോ. ആർ. സതീഷ് സെന്റർ ഫോർ റിമോട്ട് സെൻസിംഗ് ആൻഡ് ജിഐഎസിൽ നടത്തുന്ന ഹ്രസ്വകാല ജിയോ ഇൻഫർമേഷൻ സയൻസ് ആൻഡ് ടെക്നോളജി കോഴ്സിലേയ്ക്ക് അപേക്ഷ ക്ഷണിച്ചു. പൂരിപ്പിച്ച അപേക്ഷകൾ 21 വരെ സ്വീകരിക്കും. 20 ആഴ്ച ദൈർഘ്യമുള്ള ഈ ഫുൾടൈം കോഴ്സിന് അംഗീകൃത ബിരുദമോ, ബിരുദാനന്തര ബിരുദമോ ഉള്ളവർക്ക് അപേക്ഷിക്കാം. ഭൗമവിവരശാസ്ത്രത്തിലും സാങ്കേതിക വിദ്യയിലും സാറ്റലൈറ്റ് റിമോട്ട് സെൻസിംഗ്, ഏരിയൽ ഫോട്ടോഗ്രാഫി, ഡിജിറ്റൽ ഇമേജ് പ്രോസസിംഗ്, ഫോട്ടോഗ്രാമെട്രി, മാപ്പിംഗ്, സർവേയിംഗ്, ജിപിഎസ്, കംപ്യൂട്ടർ അധിഷ്ഠിത ജിഐഎസ് മുതലായ അതിനൂതന സാങ്കേതികവിദ്യകളുടെ സമന്വയത്തിലൂടെ വിവരങ്ങളുടെ ശേഖരണവും, വിശകലനവും സാധ്യമാക്കി വിവിധ ശാസ്ത്ര സാങ്കേതിക ആസൂത്രണ ജോലികൾക്ക് സജ്ജമാക്കുക എന്നതാണ് ഈ കോഴ്സിന്റെ ലക്ഷ്യം.
അപേക്ഷാഫോറവും വിശദവിവരങ്ങളടങ്ങിയ ബ്രോഷറും, വെബ്സൈറ്റിൽ ലഭ്യമാണ്. വിലാസം കോഓർഡിനേറ്റർ, ഡോ. ആർ. സതീഷ് സെന്റർ ഫോർ റിമോട്ട് സെൻസിംഗ് ആൻഡ് ജിഐഎസ്, സ്കൂൾ ഓഫ് എൻവയോണ്മെന്റൽ സയൻസസ്, മഹാത്മാഗാന്ധി സർവകലാശാല, പ്രിയദർശിനി ഹിൽസ് പി. ഒ, കോട്ടയം 686560. ഫോൺ: 9446 767 451.