എംഎസ്ഡബ്ല്യു/എംടെക് പ്രവേശന പരീക്ഷ അഞ്ചിന്
വിവിധ അഫിലിയേറ്റഡ് കോളജികളിലെ എംഎസ്ഡബ്ല്യു പ്രോഗ്രാമിലേക്കും സ്കൂൾ ഓഫ് കെമിക്കൽ സയൻസിലെ പോളിമർ ടെക്നോളജി ആൻഡ് പോളിമർ സയൻസ് എംടെക് പ്രോഗ്രാമിലേക്കുമുളള പ്രവേശന പരീക്ഷ അഞ്ചിന് രാവിലെ 11ന് കോട്ടയം സിഎംഎസ് കോളജിൽ നടത്തും. അപേക്ഷകരുടെ പേരും രജിസ്റ്റർ നന്പരുമടങ്ങുന്ന നോമിനൽ റോളുകളും അഡ്മിറ്റ് കാർഡിന്റെ മാതൃകയും www.cat.mgu.ac.in എന്ന വെബ്സൈറ്റിൽ. അപേക്ഷകർ വെബ്സൈറ്റിൽനിന്ന് അഡ്മിറ്റ് കാർഡിന്റെ മാതൃകയുടെ പ്രിന്റെടുത്തു ഫോട്ടോ പതിച്ച് ഏതെങ്കിലും തിരിച്ചറിയൽ കാർഡുമായി പ്രവേശനപ്പരീക്ഷയ്ക്കു ഹാജരാകണം. യോഗ്യതാ പരീക്ഷയുടെ കണ്സോളിഡേറ്റഡ് മാർക്ക് ലിസ്റ്റിന്റെ പകർപ്പ് സമർപ്പിച്ചിട്ടില്ലാത്തവർ, പ്രവേശന പരീക്ഷയ്ക്കു വരുന്പോൾ ഹാജരാക്കണം. ഫോണ്: 0481 6555562.
പ്രാക്ടിക്കൽ പരീക്ഷ
2017 മേയ് മാസത്തിൽ നടത്തിയ രണ്ടാം സെമസ്റ്റർ ബിഎസ്സി ഫിസിക്സ് (സിബിസിഎസ്എസ്) ഡിഗ്രി പരീക്ഷകളുടെ പ്രാക്ടിക്കൽ 10 മുതൽ അതതു കോളജുകളിൽ നടത്തും. എറണാകുളം സെന്റ് തെരേസാസ് കോളജിലും മഹാരാജാസ് കോളജിലും രജിസ്റ്റർ ചെയ്തിട്ടുള്ള സപ്ലിമെന്ററി വിദ്യാർഥികൾ കളമശേരി സെന്റ് പോൾസ് കോളജിലും കോതമംഗലം എംഎ കോളജിൽ രജിസ്റ്റർ ചെയ്തിട്ടുള്ള വിദ്യാർഥികൾ നെല്ലിക്കുഴി ഇന്ദിരാഗാന്ധി കോളജിലും പരീക്ഷയ്ക്കു ഹാജരാകണം. ടൈംടേബിൾ വെബ്സൈറ്റിൽ.
പരീക്ഷാഫലം
2017 ജനുവരിയിലെ മൂന്നാം സെമസ്റ്റർ എംഎ ആനിമേഷൻ, ഗ്രാഫിക് ഡിസൈൻ, സിനിമ ആൻഡ് ടെലിവിഷൻ, മൾട്ടിമീഡിയ (റഗുലർ/ഇംപ്രൂവ്മെന്റ്/സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷ 16 വരെ.
2016 ഒക്ടോബറിലെ മൂന്നാം സെമസ്റ്റർ ബിബിഎ, ബിബിഎം, ബിസിഎ, ബിടിഎസ്, ബിഎസ്ഡബ്ല്യു (സിബിസിഎസ്എസ് 2013നു മുന്പുള്ള അഡ്മിഷൻ സപ്ലിമെന്ററി/ഇംപ്രൂവ്മെന്റ്) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മ പരിശോധനയ്ക്കും പുനർമുല്യനിർണയത്തിനുമുള്ള അപേക്ഷ 16 വരെ.
2016 ഒക്ടോബറിലെ മൂന്നാം സെമസ്റ്റർ ബിഎ മോഡൽ ഒന്ന്, രണ്ട്, മൂന്ന് (സിബിസിഎസ്എസ് 2009 മുതൽ 2012 വരെയുള്ള അഡ്മിഷൻ സപ്ലിമെന്ററി) ഡിഗ്രി പരീക്ഷകളുടെ ഫലം പ്രസിദ്ധപ്പെടുത്തി. സൂക്ഷ്മപരിശോധനയ്ക്കും പുനർമുല്യനിർണയത്തിനുമുള്ള അപേക്ഷ 16 വരെ സ്വീകരിക്കും.
അക്കാദമിക് കൗണ്സിൽ യോഗം
എംജി വാഴ്സിറ്റി അക്കാദമിക് കൗണ്സിലിന്റെ യോഗം ഓഗസ്റ്റ് 14ന് രാവിലെ 10ന് സ്കൂൾ ഓഫ് കെമിക്കൽ സയൻസ് ഓഡിറ്റോറിയത്തിൽ നടത്തും.