ബിപിഎഡ്, ബിഎൽഐഎ: ഒന്നാം അലോട്ട്മെന്റായി
ബിപിഎഡ്, ബിഎൽഐഎ: ഒന്നാം അലോട്ട്മെന്‍റ് പ്രസിദ്ധീകരിച്ചു. അലോട്ട്മെന്‍റ് ലഭിച്ചവർ മെമ്മോയുടെ പ്രിന്‍റൗട്ട് എടുത്ത് ഓണ്‍ലൈനായി ഫീസടച്ചു 11ന് വൈകുന്നേരം നാലിനു മുൻപായി കോളജിൽ പ്രവേശനം നേടണം. അല്ലെങ്കിൽ അലോട്ട്മെന്‍റ് റദ്ദാക്കും. അലോട്ട്മെന്റിൽ തൃപ്തരാണെങ്കിൽ ഹയർ ഓപ്ഷൻ ഡിലീറ്റ് ചെയ്യണം. സ്ഥിരപ്രവേശം നേടിയവർ ഹയർ ഓപ്ഷൻ റദ്ദാക്കേണ്ടതില്ല. 12 മുതൽ 14 വരെ ഓപ്ഷൻ പുനഃക്രമീകരിക്കാം. ഹയർ ഓപ്ഷനുകൾ നിലനിർത്താൻ ആഗ്രഹിക്കുന്ന അപേക്ഷകർ ഒഴികെയുള്ളവർ കോളജുകളിൽ ഫീസടച്ചു സ്ഥിരപ്രവേശനം നേടണം. ഫീസ് സംബന്ധിച്ച ഉത്തരവ് വെബ്സൈറ്റിൽ.
അവസാന മേഴ്സിചാൻസ് പരീക്ഷ
ഒന്നു മുതൽ നാലു വരെ സെമസ്റ്റർ എംഎസ്‌സി മൈക്രോ ബയോളജി, ബയോകെമിസ്ട്രി ആൻഡ് ബയോടെക്നോളജി (പഴയ സ്കീം 2012 ന് മുൻപുള്ള അഡ്മിഷൻ) ഡിഗ്രി അവസാന മേഴ്സി ചാൻസ് പരീക്ഷകൾക്ക് അപേക്ഷകൾ 10 വരെയും 50 രൂപ പിഴയോടെ 11 വരെയും 500 രൂപ സൂപ്പർ ഫൈനോടെ 18 വരെയും സ്വീകരിക്കും. അപേക്ഷകർ 10,0 00 രൂപ സ്പെഷൽ ഫീസായി നിശ്ചിത പരീക്ഷാ ഫീസിനും സിവി ക്യാന്പ് ഫീസിനും പുറമേ അടയ്ക്കണം. പരീക്ഷാ തീയതി പിന്നീടറിയിക്കും.
ബികോം പ്രാക്ടിക്കൽ പരീക്ഷ
2017 ഏപ്രിൽ, മേയ് മാസങ്ങളിലെ രണ്ടും മൂന്നും വർഷ ബികോം ഓഫ് കാന്പസ് (കംപ്യൂട്ടർ ആപ്ലിക്കേഷൻ) ഡിഗ്രി പരീക്ഷയുടെ കോട്ടയം, ഇടുക്കി, ആലപ്പുഴ, പത്തനംതിട്ട, എറണാകുളം ജില്ലകളിലെ വിദ്യാർഥികൾക്കായി തൊടുപുഴ യൂണിവേഴ്സിറ്റി കോളജ് ഓഫ് എൻജിനിയറിംഗിൽ നടത്താനിരുന്ന പ്രാക്ടിക്കൽ 12, 19, 26 തീയതികളിൽ പാലാ, ചൂണ്ടച്ചേരി സെന്‍റ് ജോസഫ്സ് കോളജ് ഓഫ് എൻജിനിയറിംഗ് ആൻഡ് ടെക്നോളജിയിൽ നടത്തും. വിദ്യാർഥികൾ രജിസ്റ്റർ നന്പർ ക്രമത്തിൽ ബന്ധപ്പെട്ട ദിവസം ഹാൾടിക്കറ്റും തിരിച്ചറിയൽ രേഖയും സഹിതം ഹാജരാകണം. ടൈംടേബിൾ വെബ്സൈറ്റിൽ.
ബിസിഎ പ്രാക്ടിക്കൽ ടൈംടേബിൾ
2017 ഏപ്രിലിൽ നടത്തിയ ഒന്നു മുതൽ ആറു വരെ സെമസ്റ്റർ ബിസിഎ (ഓഫ് കാന്പസ് സപ്ലിമെന്‍ററി, മേഴ്സി ചാൻസ് 2012നു മുന്പുള്ള അഡ്മിഷൻ ആൻഡ് സിബിസിഎസ്എസ് 2012 മുതലുള്ള അഡ്മിഷൻ റെഗുലർ, സപ്ലിമെന്‍ററി) ഡിഗ്രി പരീക്ഷകളുടെ പുതുക്കിയ ഷെഡ്യൂൾ അനുസരിച്ചു തിരുവനന്തപുരം, കൊല്ലം, ആലപ്പുഴ, പത്തനംതിട്ട, എറണാകുളം, ഇടുക്കി എന്നീ ജില്ലകളിൽനിന്നുള്ള വിദ്യാർഥികൾക്കായി പ്രാക്ടിക്കൽ 12, 13 തീയതികളിൽ കോട്ടയം രാമപുരം മാർ അഗസ്തീനോസ് കോളജിൽ നടത്തും. ടൈംടേബിൾ വെബ്സൈറ്റിൽ.
പിഎച്ച്ഡി നൽകി
എംജി സർവകലാശാലാ പി.കെ. അന്പിളി (ബയോകെമിസ്ട്രി), എ.ആർ. ബിന്ദു (ഫാർമസി), സിബിച്ചൻ ജോസഫ് (മാനേജ്മെന്‍റ് സ്റ്റഡീസ്), എസ്. ധന്യ (മൈക്രോബയോളജി), ഡി. പ്രമോദ്, മായ. ജെ. പിള്ള, ആലി മോളി വർഗീസ്, പി.എസ്. സ്മിത (എഡ്യൂക്കേഷൻ), എം.വി. ഗായത്രി, സി.വി. അനുപമ നായർ, ബിനൂജ ജോസഫ്, ജിഷ ജോണ് (ഇംഗ്ലീഷ്), എസ്. ചിത്ര (ബയോസയൻസ്), എൻ.പി. ദേവി (ഫിസിയോളജി), തങ്കച്ചൻ മാത്യൂ (ഫിസിക്കൽ എഡ്യൂക്കേഷൻ), സന്ധ്യ ഗോവിന്ദൻ (സ്പെഷൽ എഡ്യൂക്കേഷൻ), ബിജു. പി.കെ. പറയപറന്പിൽ (കെമിസ്ട്രി), കിരണ്‍ മാത്യൂ, പൗലോസ് തോമസ് (ഫിസിക്സ്), കെ. ജെ. മാത്യൂ, ഇബ്രാഹിം ചോലയ്ക്കൽ, കെ.ജി. തദേവൂസ് (ഇക്കണോമിക്സ്), രാജേഷ് കുര്യൻ, പി. ലിജീഷ് (കോമേഴ്സ്), ബുദ ലോറെൻസോ (സിറിയക്), കെ. നിതിൻ (മാസ് കമ്യൂണിക്കേഷൻ ആൻഡ് ജേർണലിസം), ജിജോ മാത്യു (മലയാളം), റേട്ടാ മെലാകു ഭെയ്സാ (ഡെവലപ്മെന്‍റ് സ്റ്റഡീസ്) എന്നിവർക്കു പിഎച്ച്ഡി നൽകി.
സീറ്റൊഴിവ്
സ്കൂൾ ഓഫ് ബയോസയൻസസിലെ എംഎസ്‌സി ബയോഫിസിക്സ്, എംഎസ്‌സി മൈക്രോബയോളജി കോഴ്സുകളിൽ 2017 19 അധ്യയന വർഷത്തിൽ എസ്ടി വിഭാഗത്തിൽ ഓരോ സീറ്റു വീതം ഒഴിവുണ്ട്. സർട്ടിഫിക്കറ്റുകളുമായി 10നു രാവിലെ 11നു സ്കൂൾ ഓഫ് ബയോസയൻസസിൽ ഹാജരാകണം. ഫോണ് : 0481 2731035, സ്കൂൾ ഓഫ് ടൂറിസം സ്റ്റഡീസിൽ മാസ്റ്റർ ഓഫ് ടൂറിസം ആൻഡ് ട്രാവൽ മാനേജ്മെന്‍റ് കോഴ്സിൽ 2017 19 അധ്യയന വർഷത്തിൽ എസ്‌സി വിഭാഗത്തിൽ ഒരു സീറ്റൊഴിവുണ്ട്. ഏതെങ്കിലും വിഷയത്തിലുള്ള ബിരുദമാണു യോഗ്യത. സർട്ടിഫിക്കറ്റുകളുമായി 11ന് രാവിലെ 10നു സ്കൂൾ ഓഫ് ടൂറിസം സ്റ്റഡീസിൽ ഹാജരാകണം. ഫോണ്: 0481 2732922.