മെക്കാനിക്കൽ എൻജിനിയർമാർക്കു ഗ്രാജ്വേറ്റ് മറൈൻ എൻജിനിയേഴ്സ് കോഴ്സ്
കേന്ദ്ര പൊതുമേഖലാ സ്ഥാപനമായ ഷിപ്പിംഗ് കോർപറേഷൻ ഓഫ് ഇന്ത്യയുടെ മുംബൈയിലുള്ള മാരിടൈം ട്രെയിനിംഗ് ഇൻസ്റ്റിറ്റ്യൂട്ട് നടത്തുന്ന ഗ്രാജ്വേറ്റ് മറൈൻ എൻജിനിയേഴ്സ കോഴ്സിന് ഇപ്പോൾ അപേക്ഷിക്കാം. ഒക്ടോബർ ഒന്നിനു ക്ലാസ് ആരംഭിക്കും. ഡയറക്ടർ ജനറൽ ഓഫ് ഷിപ്പിംഗിന്റെ അംഗീകാരമുള്ളതാണു കോഴ്സ്. ഇൻസ്റ്റിറ്റ്യൂട്ടിൽ എട്ടു മാസത്തെ പരിശീലനത്തെത്തുടർന്ന് ഷിപ്പിംഗ് കോർപറേഷന്റെ കപ്പലുകളിൽ 10 മാസത്തെ പ്രായോഗിക പരിശീലനവും ഉൾപ്പെടുന്നതാണു കോഴ്സ്. കോഴ്സ് പൂർത്തിയാക്കിയ ശേഷമുള്ള കോന്പീറ്റൻസി പരീക്ഷകൾ പാസായാൽ ചീഫ് എൻജിനിയർ ഓഫീസർ വരെയാകാൻ സാധിക്കും.
മെക്കാനിക്കൽ എൻജിനിയറിംഗിൽ ബിരുദം നേടിയവർക്കും. ഓഗസ്റ്റ് 31നകം ഫലം പ്രതീക്ഷിക്കുന്ന അവസാന വർഷക്കാർക്കും അപേക്ഷിക്കാം. 2017 ഒക്ടോബർ ഒന്നിന് 28 വയസ് കവിയരുത്. പട്ടിക ജാതിവർഗക്കാർക്ക് അഞ്ചു വർഷത്തെയും പെണ്കുട്ടികൾക്ക് രണ്ടു വർഷത്തെയും ഇളവുണ്ട്.
ആകെ 40 സീറ്റുകളാണുള്ളത്. കോഴ്സ് ഫീസ് 4, 50,000 രൂപ. കപ്പലിലെ പരിശീലന കാലത്ത് പ്രതി മാസം 15,000 രൂപ സ്റ്റൈപ്പൻഡ് ലഭിക്കും.
മൾട്ടിപ്പിൾ ചോയ്സ് മാതൃകയിൽ രണ്ടു മണിക്കൂർ ദൈർഘ്യമുള്ള ഓണ് ലൈൻ പ്രവേശന പരീക്ഷയുടെ അടിസ്ഥാനത്തിലാണ് അഡ്മിഷൻ.
ആപ്റ്റിറ്റ്യൂഡ് ടെസ്റ്റ്, പ്രഫഷണൽ നോളജ് ടെസ്റ്റ്, ഇംഗ്ലീഷ് ലാംഗ്വേജ് ടെസ്റ്റ്, റീസണിംഗ് എബിലിറ്റി ടെസ്റ്റ് എന്നിവയാണു പ്രവേശന പരീക്ഷയിൽ ഉൾപ്പെടുത്തിയിരിക്കുന്നത്.
മുംബൈ, ന്യൂഡൽഹി, കോൽക്കത്ത, ചെന്നൈ എന്നിവിടങ്ങളിലാണു പരീക്ഷാ കേന്ദ്രങ്ങൾ. 1,000 രൂപയാണ് അപേക്ഷാ ഫീസ്. ഈ മാസം 23നകം അപേക്ഷിക്കണം.