പിജി പ്രവേശനം: തീയതി 16 വരെ നീട്ടി
കണ്ണൂർ സർവകലാശാലയുടെ കീഴിലുള്ള അഫിലിയേറ്റഡ് ആർട്സ് ആൻഡ് സയൻസ് കോളജുകളിൽ 201718 അധ്യയനവർഷത്തെ പിജി പ്രവേശന നടപടികൾ പൂർത്തിയാക്കേണ്ട തീയതി ഈമാസം 16 വരെ നീട്ടി.
സ്പോട്ട് അഡ്മിഷൻ 16ന്
ഏകജാലക സംവിധാനം വഴി ബിരുദ കോഴ്സുകളിലേക്കു പ്രവേശനം നടത്തിയിട്ടുള്ള കോളജുകളിൽ നിലവിലുള്ള ഒഴിവുകളിലേക്ക് 16ന് സ്പോട്ട് അഡ്മിഷൻ നടത്തും. താത്പര്യമുള്ളവർ രാവിലെ 11ന് മുന്പായി എല്ലാ സർട്ടിഫിക്കറ്റുകളുമായി കോളജിൽ നേരിട്ട് ഹാജരായി അപേക്ഷ നൽകണം. രാവിലെ 11ന് ശേഷം ലഭിക്കുന്ന അപേക്ഷകൾ പരിഗണിക്കില്ല. നിലവിൽ കണ്ണൂർ സർവകലാശാലയുടെ കീഴിൽ ഡിഗ്രി പ്രവേശനം നേടിയവരെ പരിഗണിക്കുന്നതല്ല. കോളജുകൾ നിലവിലുള്ള എല്ലാ ഒഴിവുകളിലേക്കും അന്നുതന്നെ ഓൺലൈനായി പ്രവേശനം നടത്തണം. ഇങ്ങനെ പ്രവേശനം നേടിയവരുടെ വിവരങ്ങൾ ഈമാസം 20നകം അയച്ചുതരണം.