എട്ടാം സെമസ്റ്റർ ബിഎ (ക്രിമിനോളജി) എൽഎൽബി (ഓണേഴ്സ്) ഫലം പ്രസിദ്ധീകരിച്ചു
അഫിലിയേറ്റഡ് കോളജുകളിൽ 2017 മേയിൽ നടത്തിയ എട്ടാം സെമസ്റ്റർ ബിഎ (ക്രിമിനോളജി) എൽഎൽബി (ഓണേഴ്സ്) ഡിഗ്രി പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ഒക്ടോബർ 11 വരെ അപേക്ഷിക്കാം.
2016 ഡിസംബറിലെ മൂന്നാം സെമസ്റ്റർ ദ്വിവത്സര എംഎഡ് പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മ പരിശോധനയ്ക്കും ഒക്ടോബർ 11 വരെ അപേക്ഷിക്കാം.
2016 ഡിസംബറിലെ അവസാനവർഷ ബിഎസ്സി പാർട്ട് മൂന്ന് മെയിൻ (മോഡൽ ഒന്ന്) സപ്ലിമെന്ററി മേഴ്സി ചാൻസ് പരീക്ഷയുടെ (ഗണിതശാസ്ത്രം ഒഴികെ) ഫലം പ്രസിദ്ധീകരിച്ചു. ഫലം വെബ്സൈറ്റിൽ പ്രസിദ്ധീകരിക്കും. പുനർമൂല്യനിർണയത്തിനും സൂക്ഷ്മ പരിശോധനയ് ക്കും ഒക്ടോബർ 11 വരെ അപേക്ഷിക്കാം.
പ്രാക്ടിക്കൽ
2017 ജൂലൈയിൽ തൃപ്പൂണിത്തുറ ആർഎൽവി കോളജിൽ നടത്തിയ രണ്ടാം സെമസ്റ്റർ എംഎ മ്യൂസിക് വോക്കൽ (റെഗുലർ, സപ്ലിമെന്ററി) പരീക്ഷകളുടെ പ്രാക്ടിക്കൽ ഒക്ടോബർ നാല്, അഞ്ച്. ആറ് തീയതികളിലായി ആർഎൽവി കോളജിൽ നടത്തും. ടൈംടേബിൾ വെബ്സൈറ്റിൽ.
ഒന്നാം സെമസ്റ്റർ യുജി ഉത്തരക്കടലാസ്
2016 നവംബറിലെ ഒന്നാം സെമസ്റ്റർ ബിഎ, ബിഎസ്സി, ബികോം ഉൾപ്പെടെയുള്ള യുജി പരീക്ഷകളുടെ ഫലം അടിയന്തരമായി പ്രസിദ്ധീകരിക്കാൻ കേരള ഹൈക്കോടതി ഉത്തരവിട്ടിരിക്കുന്നതിനാൽ, മൂല്യനിർണയത്തിനായി ഉത്തരക്കടലാസുകൾ കൈപ്പറ്റിയ അധ്യാപകർ, മൂല്യനിർണയം പൂർത്തിയാക്കി ഉത്തരക്കടലാസ് ഒക്ടോബർ മൂന്നിന് കോളജ് ഓഫീസിൽനിന്നു സർവകലാശാലാ അധികൃതരെ ഏല്പിക്കണം.
ശില്പശാല
എൻഎസ്എസ് പ്രോഗ്രാം ഓഫീസർമാർക്കുവേണ്ടി നടത്തിയ പഞ്ചദിന ശിൽപ്പശാല സമാപിച്ചു. ബ്രിട്ടീഷ് കൗണ്സിലിന്റെയും രാജീവ്ഗാന്ധി നാഷണൽ ഇൻസ്റ്റിറ്റ്യൂട്ട് ഓഫ് യൂത്ത് ഡെവലപ്മെന്റിന്റെയും നേതൃത്വത്തിലുള്ള ആക്റ്റീവ് സിറ്റിസണ്സ് പ്രോഗ്രാമിന്റെ ഭാഗമായിട്ടായിരുന്നു ശിൽപശാല. വാഴ്സിറ്റി രജിസ്ട്രാർ സമാപന സന്ദേശം നൽകി. എൻഎസ്എസ് റീജണൽ ഡയറക്ടർ സജിത് ബാബു, ബ്രിട്ടീഷ് കൗണ്സിൽ സീനിയർ പ്രോജക്ട് മാനേജർ എ.ജെ. സോളമൻ, എൻഎസ്എസ് പ്രോഗ്രാം കോ ഓർഡിനേറ്റർ ഡോ.സന്തോഷ് പി. തന്പി, സി. ജി. സിജിമോൾ എന്നിവർ പ്രസംഗിച്ചു