പിജി: പ്രത്യേക അലോട്ട്മെന്റ് പ്രസിദ്ധീകരിച്ചു
പിജി പ്രവേശനത്തിന് എസ്സി/എസ്ടി വിഭാഗക്കാർക്കായുള്ള രണ്ടാം പ്രത്യേക അലോട്ട്മെന്റ് പ്രസിദ്ധീകരിച്ചു. ഇന്നു വൈകുന്നേരം നാലിനകം അലോട്ട്മെന്റ് ലഭിച്ച കോളജിൽ യോഗ്യത തെളിയിക്കുന്ന അസൽ സാക്ഷ്യപത്രങ്ങൾ സഹിതം ഹാജരാകണം. ഇന്നു ഫീസ് ഒടുക്കാത്തവരുടെയും ഫീസടച്ചശേഷം കോളജിൽ പ്രവേശനം നേടാത്തവരുടെയും അലോട്ട്മെന്റ് റദ്ദാക്കും. പ്രവേശനം ആഗ്രഹിക്കുന്ന എല്ലാവരും സ്ഥിര പ്രവേശനം നേടണം. താല്കാലിക പ്രവേശനം അനുവദിക്കില്ല.
അപേക്ഷാ തീയതി
രണ്ടാം വർഷ എംഎസ്സി മെഡിക്കൽ അനാട്ടമി (2015 അഡ്മിഷൻ റെഗുലർ/2015നു മുന്പുള്ള അഡ്മിഷൻ സപ്ലിമെന്ററി) ഡിഗ്രി പരീക്ഷകൾ നവംബർ ഒന്നിന് ആരംഭിക്കും. അപേക്ഷ 19 വരെയും 50 രൂപ പിഴയോടെ 20 വരെയും 500 രൂപ സൂപ്പർഫൈനോടെ 23 വരെയും സ്വീകരിക്കും.
മൂന്നാം വർഷ ബിഎസ്സി എംഎൽടി (2014 അഡ്മിഷൻ റെഗുലർ ആൻഡ് 20082013 അഡ്മിഷൻ സപ്ലിമെന്ററി) ഡിഗ്രി പരീക്ഷകൾ 27ന് ആരംഭിക്കും. അപേക്ഷ 17 വരെയും 50 രൂപ പിഴയോടെ 19 വരെയും 500 രൂപ സൂപ്പർഫൈനോടെ 21 വരെയും സ്വീകരിക്കും. റെഗുലർ വിദ്യാർഥികൾ 100 രൂപയും വീണ്ടുമെഴുതുന്നവർ പേപ്പറൊന്നിന് 20 രൂപ വീതവും സിവി ക്യാന്പ് ഫീസായി പരീക്ഷാഫീസിനു പുറമെ അടയ്ക്കണം.
രണ്ടാം സെമസ്റ്റർ മാസ്റ്റർ ഓഫ് അപ്ലൈഡ് സയൻസ് ഇൻ ബയോ മെഡിക്കൽ ഇൻസ്ട്രുമെന്റേഷൻ (പുതിയ സ്കീം 2016 അഡ്മിഷൻ റെഗുലർ ആൻഡ് പഴയ സ്കീം 201415 അഡ്മിഷൻ സപ്ലിമെന്ററി) ഡിഗ്രി പരീക്ഷ 27ന് ആരംഭിക്കും. അപേക്ഷ 17 വരെയും 50 രൂപ പിഴയോടെ 19 വരെയും 500 രൂപ സൂപ്പർഫൈനോടെ 21 വരെയും സ്വീകരിക്കും.
പ്രാക്ടിക്കൽ
2017 ജൂലൈ മാസം നടന്ന രണ്ടാം സെമസ്റ്റർ എംഎസ്സി കംപ്യൂട്ടർ സയൻസ് (സിഎസ്എസ് 2016 അഡ്മിഷൻ റെഗുലർ/സപ്ലിമെന്ററി/ഇംപ്രൂവ്മെന്റ്) പരീക്ഷയുടെ പ്രാക്ടിക്കൽ 17നു വിവിധ കേന്ദ്രങ്ങളിൽ നടത്തും. വിശദമായ ടൈം ടേബിൾ സർവകലാശാലാ വെബ്സൈറ്റിൽ ലഭിക്കും.
വൈവാവോസി
2017 ജൂണിൽ നടത്തിയ രണ്ടാം സെമസ്റ്റർ എംബിഎ പരീക്ഷയുടെ വാചാ പരീക്ഷ 19 മുതൽ വിവിധ കേന്ദ്രങ്ങളിൽ ആരംഭിക്കും. സമയക്രമം വെബ്സൈറ്റിൽ.
പരീക്ഷാഫലം
സ്കൂൾ ഓഫ് ബിഹേവിയറൽ സയൻസസ് 2017 ജനുവരി മാസത്തിൽ നടത്തിയ ഒന്നാം സെമസ്റ്റർ എംഎസ്സി സൈക്കോളജി (സിഎസ്എസ്) പരീക്ഷാഫലം പ്രസിദ്ധീകരിച്ചു.
മാഗസിൻ മത്സരം
201617 അധ്യയനവർഷത്തിലെ ഏറ്റവും മികച്ച കോളജ് മാഗസിൻ തെരഞ്ഞെടുക്കാനായി ഡിപ്പാർട്ട്മെന്റ് ഓഫ് സ്റ്റുഡന്റ് സർവീസസിന്റെ ആഭിമുഖ്യത്തിൽ സംഘടിപ്പിക്കുന്ന മത്സരത്തിന് 20 വരെ അപേക്ഷ സ്വീകരിക്കും. കോളജ് മാഗസിന്റെ മൂന്ന് കോപ്പികൾ പ്രിൻസിപ്പലിന്റെ സാക്ഷ്യപത്രം സഹിതം ഡയറക്ടർ, ഡിപ്പാർട്ട്മെന്റ് ഓഫ് സ്റ്റുഡന്റ് സർവീസസ്, പ്രിയദർശിനി ഹിൽസ്, കോട്ടയം 686 560 എന്ന വിലാസത്തിൽ സമർപ്പിക്കണം.
ബാങ്ക് ടെസ്റ്റ് പരിശീലനം
വിവിധ ബാങ്കുകളിലേക്ക് നിയമനത്തിനായി നടത്തുന്ന മത്സര പരീക്ഷകൾക്കുള്ള പരിശീലനം മഹാത്മാഗാന്ധി യൂണിവേഴ്സിറ്റി എംപ്ലോയ്മെന്റ് ഇൻഫർമേഷൻ ആൻഡ് ഗൈഡൻസ് ബ്യൂറോയിൽ ആരംഭിക്കും. ഫോണ്: 0481 2731025.