എംജി മൂല്യനിർണയം: 13 മുതൽ 25 വരെ യുജി, പിജി ക്ലാസുകൾക്ക് അവധി
രണ്ടും മൂന്നും അഞ്ചും സെമസ്റ്റർ സിബിസിഎസ്എസ് യുജി പരീക്ഷകളുടെ മൂല്യനിർണയം 13 മുതൽ 25 വരെ എട്ടു മേഖലാ ക്യാന്പുകളിലായി നടത്തും. ഈ ദിവസങ്ങളിൽ എംജി യൂണിവേഴ്സിറ്റി അഫിലിയേറ്റഡ് കോളജുകളിൽ യുജി, പിജി ക്ലാസുകൾ ഉണ്ടായിരിക്കുന്നതല്ല. യൂണിവേഴ്സിറ്റി പരീക്ഷകളും ഈ കാലയളവിൽ നടത്തുന്നതല്ല. ഗവണ്മെന്റ്, എയ്ഡഡ്, സ്വാശ്രയ കോളജുകളിലെ പ്രിൻസിപ്പൽമാർ ഒഴികെ എല്ലാ അധ്യാപകരും മൂല്യനിർണയ ക്യാന്പിൽ വീഴ്ച കൂടാതെ ഹാജരാകണം. മൂല്യനിർണയ ക്യാന്പിൽ അധ്യാപകരുടെ പങ്കാളിത്തം ബന്ധപ്പെട്ട പ്രിൻസിപ്പൽമാർ ഉറപ്പു വരുത്തണം. മൂല്യനിർണയ ക്യാന്പുകളിൽ സിൻഡിക്കേറ്റ് സമിതി സന്ദർശിക്കുകയും സർവകലാശാലാ നിർദേശങ്ങൾക്ക് വിരുദ്ധമായി ക്യാന്പിൽ പങ്കെടുക്കാത്തവരും മൂല്യനിർണയത്തിൽ സഹകരിക്കാത്തവരുമായ അധ്യാപകരുടെയും പ്രിൻസിപ്പൽമാരുടെയും പേരിൽ അച്ചടക്ക നടപടികൾ കൈക്കൊള്ളുന്നതുമാണ്.
പിജി ഏകജാലകം: മൂന്നാം ഫൈനൽ അലോട്ട്മെന്റ് പ്രസിദ്ധീകരിച്ചു
പ്രവേശനത്തിന് അർഹത നേടിയവർ ഇന്നു വൈകുന്നേരം നാലിനു മുന്പായി ബന്ധപ്പെട്ട കോളജുകളിൽ പ്രവേശനം നേടണം.
ഏകജാലകം വഴി 2017ൽ പിജി പ്രവേശനത്തിനുള്ള മൂന്നാം ഫൈനൽ അലോട്ട്മെന്റ് പ്രസിദ്ധീകരിച്ചു. മൂന്നാം ഫൈനൽ അലോട്ട്മെന്റ് ലഭിച്ചവർ ഓണ്ലൈനായി സർവകലാശാലാ അക്കൗണ്ടിൽ വരേണ്ട ഫീസടച്ച്, അലോട്ട്മെന്റ് മെമ്മോയുടെ പ്രിന്റൗട്ട് എടുത്ത് യോഗ്യത തെളിയിക്കുന്ന അസൽ സാക്ഷ്യപത്രങ്ങൾ സഹിതം ഇന്നു വൈകുന്നേരം നാലിനകം അലോട്ട്മെന്റ് ലഭിച്ച കോളജിൽ ഹാജരായി പ്രവേശനം നേടണം. ഇപ്രകാരം ഫീസ് ഒടുക്കാത്തവരുടെയും ഫീസൊടുക്കിയശേഷം കോളജിൽ പ്രവേശനം നേടാത്തവരുടെയും അലോട്ട്മെന്റ് റദ്ദാക്കും.
പ്രാക്്ടിക്കൽ പരീക്ഷ
2017 ഒക്ടോബറിൽ നടന്ന മൂന്നാം സെമസ്റ്റർ ബയോടെക്നോളജി (സിബിസിഎസ്എസ് റെഗുലർ, സപ്ലിമെന്ററി) ബിരുദ പരീക്ഷയുടെ പ്രാക്ടിക്കൽ നാളെ മുതൽ ഡിസംബർ ഒന്നു വരെ അതാത് കോളജുകളിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
2017 ഒക്ടോബറിൽ നടന്ന അഞ്ചാം സെമസ്റ്റർ ബയോടെക്നോളജി (സിബിസിഎസ്എസ് റെഗുലർ, സപ്ലിമെന്ററി) ബിരുദ പരീക്ഷയുടെ പ്രാക്്ടിക്കൽ നാളെ മുതൽ 29 വരെ അതാതു കോളജുകളിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
2017 ഒക്ടോബറിൽ നടന്ന അഞ്ചാം സെമസ്റ്റർ ബിഎസ്സി മൈക്രോബയോളജി (സിബിസിഎസ്എസ്) ബിരുദ പരീക്ഷയുടെ പ്രാക്്ടിക്കൽ നാളെ മുതൽ 30 വരെ ബന്ധപ്പെട്ട കോളജുകളിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
പ്രോജക്്ട്് മൂല്യനിർണയവും വൈവാവോസിയും
ആറാം സെമസ്റ്റർ എംസിഎ (അഫിലിയേറ്റഡ് കോളജിലെയും സിപിഎഎസ് കേന്ദ്രങ്ങളിലെയും 2014 അഡ്മിഷൻ റെഗുലർ, 2012 ആൻഡ് 2013 അഡ്മിഷൻ സപ്ലിമെന്ററി, 2015 അഡ്മിഷൻ ലാറ്ററൽ എൻട്രി ആൻഡ് 2013, 2014 അഡ്മിഷൻ സപ്ലിമെന്ററി) പരീക്ഷയുടെ പ്രോജക്്ട് മൂല്യനിർണയവും വൈവാവോസിയും 13 മുതൽ 22 വരെ ബന്ധപ്പെട്ട കോളജുകളിൽ നടത്തും. വിശദമായ ടൈംടേബിൾ യൂണിവേഴ്സിറ്റി വെബ്സൈറ്റിൽ ലഭിക്കും.
പരീക്ഷാഫലം
2017 മേയിൽ നടത്തിയ നാലാം സെമസ്റ്റർ എംഎസ്സി ടെക്സ്റ്റയിൽസ് ആൻഡ് ഫാഷൻ, നാലാം സെമസ്റ്റർ എംഎസ്സി അപ്ലൈഡ് ഫിഷറീസ് ആൻഡ്് അക്വാകൾച്ചർ (പിജി സിഎസ്എസ് റെഗുലർ, ബെറ്റർമെന്റ്, സപ്ലിമെന്ററി) എന്നീ ഡിഗ്രി പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 20 വരെ അപേക്ഷിക്കാം.
2017 ജനുവരിയിൽ നടത്തിയ മൂന്നാം സെമസ്റ്റർ എംഎസ്സി എച്ച്എം ആൻഡ്് ടി (റെഗുലർ) ഡിഗ്രി പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 18 വരെ അപേക്ഷിക്കാം.