കോളജ് അഫിലിയേഷൻ അപേക്ഷകൾ ക്ഷണിച്ചു
സർവകലാശാലയുടെ കീഴിലുള്ള സ്വാശ്രയ കോളജുകൾക്കും സ്വാശ്രയ കോഴ്സുകൾക്കും 201819 അക്കാഡമിക വർഷത്തിൽ തുടർ അഫിലിയേഷനുള്ള അപേക്ഷകൾ നിശ്ചിതഫീസ് സഹിതം ജനുവരി 10ന് മുന്പായി സർവകലാശാലയിൽ സമർപ്പിക്കണം.
അപേക്ഷാ തീയതി
നാലാം സെമസ്റ്റർ (പുതിയ സ്കീം 2015 അഡ്മിഷൻ റെഗുലർ/2014 അഡ്മിഷൻ സപ്ലിമെന്ററി) എംഎസ്സി അപ്ലൈഡ് ഇലക്ട്രോണിക്സ് ഡിഗ്രി പരീക്ഷകൾ ജനുവരി 10ന് ആരംഭിക്കും. അപേക്ഷകൾ 30 വരെയും 50 രൂപ പിഴയോടെ ജനുവരി ഒന്നു വരെയും 500 രൂപ സൂപ്പർഫൈനോടെ രണ്ടു വരെയും സ്വീകരിക്കും. റെഗുലർ വിദ്യാർഥികൾ 100 രൂപ പ്രൊവിഷണൽ ഡിഗ്രി സർട്ടിഫിക്കറ്റിനായി അടയ്ക്കണം.
ഒന്നാം സെമസ്റ്റർ ബിപിഇഎസ് (നാലു വർഷ ഇന്റഗ്രേറ്റഡ് പ്രോഗ്രാം, 2017 അഡ്മിഷൻ റെഗുലർ, സപ്ലിമെന്ററി) ഡിഗ്രി പരീക്ഷകൾ ജനുവരി 10ന് ആരംഭിക്കും. സപ്ലിമെന്ററി വിദ്യാർഥികളുടെ അപേക്ഷകൾ ജനുവരി ഒന്നുവരെ സ്വീകരിക്കും.
മൂന്നാം വർഷ ബിഎസ്സി നഴ്സിംഗ് (2014 അഡ്മിഷൻ റെഗുലർ, 20092013 അഡ്മിഷൻ സപ്ലിമെന്ററി) ഡിഗ്രി പരീക്ഷകൾ ജനുവരി 30ന് ആരംഭിക്കും. അപേക്ഷകൾ ജനുവരി എട്ടുവരെയും 50 രൂപ പിഴയോടെ ഒന്പതു വരെയും 500 രൂപ സൂപ്പർഫൈനോടെ 11വരെയും സ്വീകരിക്കും. റെഗുലർ വിദ്യാർഥികൾ 100 രൂപയും വീണ്ടുമെഴുതുന്നവർ പേപ്പറൊന്നിന് 20 രൂപ വീതവും സിവി ക്യാന്പ് ഫീസായി പരീക്ഷാഫീസിനു പുറമേ അടയ്ക്കണം.
നാലാം സെമസ്റ്റർ എംഎസ്സി അപ്ലൈഡ് ഇലക്ട്രോണിക്സ് (പുതിയ സ്കീം, 2015 അഡ്മിഷൻ റെഗുലർ, 2014 അഡ്മിഷൻ സപ്ലിമെന്ററി) പരീക്ഷ ജനുവരി 10ന് ആരംഭിക്കും. അപേക്ഷകൾ 30 വരെയും 50 രൂപ പിഴയോടെ ജനുവരി ഒന്നുവരെയും 500 രൂപ സൂപ്പർഫൈനോടെ രണ്ടു വരെയും സ്വീകരിക്കും.
വൈവാവോസി
2017 നവംബറിൽ നടത്തിയ പത്താം സെമസ്റ്റർ പഞ്ചവത്സര ബിഎ ക്രിമിനോളജി എൽഎൽബി (ഓണേഴ്സ്, 2015ന് മുന്പുള്ള അഡ്മിഷൻ, റെഗുലർ, സപ്ലിമെന്ററി) പരീക്ഷയുടെ വൈവാവോസി ജനുവരി 10 മുതൽ 15 വരെ എറണാകുളം ഗവ. ലോ കോളജിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
പരീക്ഷാഫലം
2017 ജനുവരിയിൽ നടത്തിയ ഒന്നാം സെമസ്റ്റർ എംഎസ്സി സ്റ്റാറ്റിസ്റ്റിക്സ്, എംഎസ്സി ബയോ സ്റ്റാറ്റിസ്റ്റിക്സ് എന്നീ പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജനുവരി 11 വരെ അപേക്ഷിക്കാം.
2015 ഒക്ടോബറിൽ നടത്തിയ ഒന്നാം സെമസ്റ്റർ എംഎംഎച്ച് മേഴ്സി ചാൻസ് സപ്ലിമെന്ററി പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജനുവരി 10 വരെ അപേക്ഷിക്കാം.
2017 മേയിൽ നടത്തിയ നാലാം സെമസ്റ്റർ എംഎംഎച്ച് (റെഗുലർ, സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജനുവരി 10 വരെ അപേക്ഷിക്കാം. കുട്ടിക്കാനം മരിയൻ കോളജിലെ എം.എസ്. എബിമോൻ, ജയ്സണ് ജയിംസ്, ജിം ജോർജ് കുര്യൻ എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി.
2017 ജനുവരിയിൽ നടത്തിയ ഒന്നാം സെമസ്റ്റർ എംഎസ്സി സ്റ്റാറ്റിസ്റ്റിക്സ് (അപ്ലൈഡ്) റെഗുലർ പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജനുവരി 10 വരെ അപേക്ഷിക്കാം.
2017 ജനുവരിയിൽ നടത്തിയ ഒന്നാം സെമസ്റ്റർ എംഎസ്സി ഇൻഫർമേഷൻ ടെക്നോളജി (റെഗുലർ) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജനുവരി ആറുവരെ അപേക്ഷിക്കാം.
2017 മേയിൽ നടത്തിയ നാലാം സെമസ്റ്റർ എംഎ മ്യൂസിക് വോക്കൽ (റെഗുലർ, സപ്ലിമെന്ററി) പരീക്ഷയുടെ ഫലം പ്രസിദ്ധീകരിച്ചു. തൃപ്പൂണിത്തുറ ആർഎൽവി കോളജിലെ പി.എസ്. വൈജയന്തി, പി.കെ. ലയ എന്നിവർ യഥാക്രമം ഒന്നും രണ്ടും സ്ഥാനങ്ങൾ നേടി. പുനർമൂല്യനിർണയത്തിനും സൂക്ഷ്മപരിശോധനയ്ക്കും ജനുവരി 10 വരെ അപേക്ഷിക്കാം.
എംബിഎ ഉത്തരക്കടലാസുകൾ
2017 നവംബർ, ഡിസംബർ മാസങ്ങളിൽ നടത്തിയ മൂന്നാം സെമസ്റ്റർ എംബിഎ പരീക്ഷയുടെ ഉത്തരക്കടലാസുകൾ മൂല്യനിർണയത്തിനായി ബന്ധപ്പെട്ട കോളജുകളിൽനിന്നും 30നുള്ളിൽ സർവകലാശാലാ സിൽവർ ജൂബിലി പരീക്ഷാഭവനിലെ മൂല്യനിർണയ ക്യാന്പിൽ എത്തിക്കേണ്ടതാണ്.
പരീക്ഷാ കലണ്ടർ യോഗം
സർവകലാശാലയുടെ 2018ലെ പരീക്ഷാകലണ്ടർ തയാറാക്കുന്നതുമായി ബന്ധപ്പെട്ട് സർവകലാശാലാ അനധ്യാപക സംഘടനാ ഭാരവാഹികളുടെ യോഗം ഇന്നു രാവിലെ 10നും അധ്യാപക സംഘടനാ ഭാരവാഹികളുടെ യോഗം രാവിലെ 11.30നും വിദ്യാർഥി സംഘടനാ ഭാരവാഹികളുടെ യോഗം ഉച്ചകഴിഞ്ഞ് രണ്ടിനും സർവകലാശാലാ സിൻഡിക്കേറ്റ് ഹാളിൽ നടത്തും.