പ്രാക്ടിക്കൽ, വൈവാവോസി
2017 നവംബറിൽ നടത്തിയ ബിടെക് ഏഴാം സെമസ്റ്റർ റെഗുലർ, മൂന്നും അഞ്ചും എട്ടും സെമസ്റ്റർ സപ്ലിമെന്ററി പരീക്ഷകളുടെ പ്രാക്ടിക്കലും വൈവാവോസിയും എട്ടു മുതൽ വിവിധ കേന്ദ്രങ്ങളിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
പിഎച്ച്ഡി കോഴ്സ് വർക്ക് പരീക്ഷ
അംഗീകൃത ഗവേഷണ കേന്ദ്രങ്ങളിൽ 2016ൽ രജിസ്ട്രേഷൻ ചെയ്തവർക്കും, രണ്ടാം സ്പെഷൽ സപ്ലിമെന്ററിക്കാർക്കുമുള്ള പിഎച്ച്ഡി കോഴ്സ് വർക്ക് പരീക്ഷകൾ ആറ്സ ഏഴ് തീയതികളിൽ കോട്ടയം സിഎംഎസ് കോളജിൽ നടത്തും. കോഴ്സ്ഒന്ന് പരീക്ഷ ആറിനും കോഴ്സ് രണ്ട് പരീക്ഷ ഏഴിനും നടക്കും. പരീക്ഷാസമയം ഉച്ചകഴിഞ്ഞു 1.30 മുതൽ 4.30 വരെ. സർവകലാശാലാ വെബ്സൈറ്റിൽ നിന്നും ഡൗണ്ലോഡ് ചെയ്ത അഡ്മിറ്റ് കാർഡിന്റെ പ്രിന്റൗട്ടും തിരിച്ചറിയൽ രേഖയുമായി പരീക്ഷയ്ക്ക് ഹാജരാകണം.
ബിഎ സൂക്ഷ്മപരിശോധന
2016 നവംബറിൽ നടത്തിയ ഒന്നാം സെമസ്റ്റർ ബിഎ (സിബിസിഎസ്എസ്) പരീക്ഷയുടെ ഉത്തരക്കടലാസ് സൂക്ഷ്മപരിശോധനയ്ക്ക് അപേക്ഷിച്ചവർ എട്ടു മുതൽ 10 വരെ തീയതികളിൽ പുതിയ പരീക്ഷാഭവനിലെ ഇജെ 11 സെക്ഷനിൽ തിരിച്ചറിയൽ രേഖയുമായി ഹാജരാകണം.
പരീക്ഷാഫലം
2016 ഡിസംബറിൽ നടത്തിയ രണ്ടാം സെമസ്റ്റർ എംഎസ്സി ബയോടെക്നോളജി (നോണ് സിഎസ്എസ്, സപ്ലിമെന്ററി, മേഴ്സി ചാൻസ്) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 11 വരെ അപേക്ഷിക്കാം.
2017 ഫെബ്രുവരിയിൽ നടത്തിയ മൂന്നാം സെമസ്റ്റർ എംഎസ്സി ബയോടെക്നോളജി (നോണ് സിഎസ്എസ്, സപ്ലിമെന്ററി, മേഴ്സി ചാൻസ്) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 12 വരെ അപേക്ഷിക്കാം.
2017 മേയിൽ ചങ്ങനാശേരി എൻഎസ്എസ് കോളജിൽ നടത്തിയ നാലാം സെമസ്റ്റർ എംഎ ചരിത്രം (റെഗുലർ, ഇംപ്രൂവ്മെന്റ്, സപ്ലിമെന്ററി) പരീക്ഷകളുടെ തടഞ്ഞുവച്ചിരുന്ന ഫലം പ്രസിദ്ധീകരിച്ചു. നാലാം സെമസ്റ്റർ എംഎ ചരിത്രം പരീക്ഷയിൽ ചങ്ങനാശേരി എൻഎസ്എസ് ഹിന്ദു കോളജിലെ നയൻതാര വിജയൻ, ചങ്ങനാശേരി അസംപ്ഷൻ കോളജിലെ സുജ വർഗീസ്, ആലുവ യുസി കോളജിലെ രാധികാ ലാൽ എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ നേടി.