എംഎസ്‌സി ഐടി, എംഎസ്‌സി മാത്തമാറ്റിക്സ് ഫലം പ്രസിദ്ധീകരിച്ചു
2017 ഏപ്രിൽ, മേയ് മാസങ്ങളിൽ ഓഫ് കാന്പസ് രീതിയിൽ നടത്തിയ എംഎസ്‌സി ഐടി, എംഎസ്‌സി മാത്തമാറ്റിക്സ് പരീക്ഷകളുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 31 വരെ അപേക്ഷിക്കാം.
2017 നവംബറിലെ നാലാം സെമസ്റ്റർ മാസ്റ്റർ ഓഫ് അപ്ലൈഡ് സയൻസ് ബയോ മെഡിക്കൽ ഇൻസ്ട്രുമെന്‍റേഷൻ പരീക്ഷയുടെ ഫലം പ്രസിദ്ധീകരിച്ചു. ഗാന്ധി നഗർ സ്കൂൾ ഓഫ് മെഡിക്കൽ എഡ്യുക്കേഷനിലെ ബി.ശ്രുതി, ജെഫി മാനുവൽ എന്നിവർ യഥാക്രമം ഒന്നും രണ്ടും റാങ്കുകൾ നേടി. സൂക്ഷ്മപരിശോധനയ്ക്ക് 30 വരെ അപേക്ഷിക്കാം.
പരീക്ഷാ തീയതി
സ്കൂൾ ഓഫ് മാനേജ്മെന്‍റ് ആൻഡ് ബിസിനസ് സ്റ്റഡീസിലെ ഒന്നാം സെമസ്റ്റർ എംബിഎ (2017നു മുന്പുള്ള അഡ്മിഷൻ, സപ്ലിമെന്‍ററി, റീ അപ്പിയറൻസ്) പരീക്ഷകൾ 23ന് ആരംഭിക്കും. ടൈംടേബിൾ വെബ്സൈറ്റിൽ.
ബിടെക് ഇന്‍റേണൽ റീഡു
ബിടെക് ഇന്‍റേണൽ റീഡുവിനുള്ള അപേക്ഷകൾ ഓരോ പേപ്പറിനും 2,000 രൂപ വീതം ഇപേയ്മെന്‍റ് ആയി അടച്ചതിന്‍റെ പ്രിന്‍റൗട്ട് സഹിതം 30നകം സർവകലാശാലയിൽ സമർപ്പിക്കണം. അതാത് സെമസ്റ്ററിന്‍റെ എക്സ്റ്റേണൽ പരീക്ഷയ്ക്കുള്ള അപേക്ഷാഫോം തന്നെ ഇന്‍റേണൽ റീഡു എന്ന് രേഖപ്പെടുത്തി ഉപയോഗിക്കണം.
ഫോട്ടോ പതിച്ച അപേക്ഷകൾ ബന്ധപ്പെട്ട കോളജ് പ്രിൻസിപ്പൽമാർ സാക്ഷ്യപ്പെടുത്തണം.
എക്സ്റ്റേണൽ പരീക്ഷയ്ക്ക് ഏതു പരീക്ഷയിലാണോ 40 മാർക്കോ അതിൽ കൂടുതലോ നേടിയിട്ടുള്ളത് എന്നു തെളിയിക്കാൻ പരീക്ഷയുടെ ഗ്രേഡ് കാർഡിന്‍റെ പകർപ്പ് കൂടി അപേക്ഷയോടൊപ്പം സമർപ്പിക്കണം.
പരീക്ഷാ സാമഗ്രി വിതരണം
പരീക്ഷാ സാമഗ്രികൾ കൈപ്പറ്റാനായി എംജി സർവകലാശാലയിലെ എല്ലാ ആർട്സ് ആൻഡ് സയൻസ് കോളജ് ഓഫീസുകളും ഇന്നു തുറക്കണം.