നാലാം സെമസ്റ്റർ ബിഎ ഫലം പ്രസിദ്ധീകരിച്ചു
2017 മാർച്ചിലെ നാലാം സെമസ്റ്റർ ബിഎ (മോഡൽ ഒന്ന് രണ്ട് മൂന്ന്, 2009, 2010, 2011, 2012 അഡ്മിഷൻ സപ്ലിമെന്‍ററി/ബെറ്റർമെന്‍റ്) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 16 വരെ അപേക്ഷിക്കാം.
2017 മേയിലെ നാലാം സെമസ്റ്റർ എംഎസ്‌സി പ്ലാന്‍റ് ബയോടെക്നോളജി (റെഗുലർ) പരീക്ഷയുടെ ഫലം പ്രസിദ്ധീകരി ച്ചു.പുനർമൂല്യനിർണയത്തിനും സൂക്ഷ്മപരിശോധനയ്ക്കും 15 വരെ അപേക്ഷിക്കാം.
2017 മാർച്ചിലെ നാലാം സെമസ്റ്റർ ബിഎസ്സി (സിബിസിഎസ്എസ് മോഡൽ ഒന്ന്, രണ്ട്, മൂന്ന് 2013ന് മുന്പുള്ള അഡ്മിഷൻ റീ അപ്പിയറൻസ്) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 14 വരെ അപേക്ഷിക്കാം.
പ്രാക്‌ടിക്കൽ
2017 ഡിസംബറിലെ ഒന്നാം വർഷ ബിഎസ്സി നഴ്സിംഗ് (പുതിയ സ്കീം 2016 അഡ്മിഷൻ റഗുലർ) പരീക്ഷയുടെ പ്രാക്‌ടിക്കലും വൈവാവോസിയും അഞ്ചു മുതൽ 18 വരെ സെന്‍റർ ഫോർ പ്രഫഷണൽ ആൻഡ് അഡ്വാൻസ്ഡ് സ്റ്റഡീസിന്‍റെ പുതുപ്പള്ളി, പാലാ, ഗാന്ധിനഗർ, പത്തനംതിട്ട, മണിമലക്കുന്ന്, നെടുങ്കണ്ടം എന്നീ കേന്ദ്രങ്ങളിൽ നടത്തുന്നതാണ്. ടൈംടേബിൾ വെബ്സൈറ്റിൽ. 2017 ഡിസംബറിലെ ഒന്നാം വർഷ ബിഎസ്സി നഴ്സിംഗ് (പഴയ സ്കീം 2009 മുതൽ 2015 വരെ അഡ്മിഷൻ സപ്ലിമെന്‍ററി) പരീക്ഷയുടെ പ്രാക്‌ടിക്കലും വൈവാവോസിയും എട്ടു മുതൽ 10 വരെ സെന്‍റർ ഫോർ പ്രഫഷണൽ ആൻഡ് അഡ്വാൻസ്ഡ് സ്റ്റഡീസിന്‍റെ പാലാ, മണിമലക്കുന്ന്, നെടുങ്കണ്ടം എന്നീ കേന്ദ്രങ്ങളിൽ നടത്തും. ടൈംടേബിൾ വെബ്സൈറ്റിൽ.
ഏഴാം സെമസ്റ്റർ ഡിഡി എംസിഎ (റെഗുലർ) ജനുവരി 2018 പരീക്ഷയുടെ പ്രാക്‌ടിക്കൽ 12 മുതൽ 19 വരെ നടത്തുന്നതാണ്. ടൈംടേബിൾ വെബ്സൈറ്റിൽ.