എംഫിൽ പ്രവേശന പരീക്ഷ
സ്കൂൾ ഓഫ് ലെറ്റേഴ്സിൽ 201718ൽ എംഫിൽ ഇംഗ്ലീഷ്, മലയാളം, തീയറ്റർ ആർട്സ് കോഴ്സുകളിലേക്കുള്ള പ്രവേശന പരീക്ഷയും അഭിമുഖവും എഴ്, എട്ട് തീയതികളിൽ സ്കൂൾ ഓഫ് ലെറ്റേഴ്സിൽ നടത്തും. ഹാൾ ടിക്കറ്റുകൾ അയച്ചിട്ടുണ്ട്. 0481 2731041.
വൈവാവോസി
2017 ഡിസംബറിൽ നടത്തിയ മൂന്നും നാലും സെമസ്റ്റർ, രണ്ടാം വർഷ എംഎ അറബിക് (പ്രൈവറ്റ് രജിസ്ട്രേഷൻ റെഗുലർ, സപ്ലിമെന്‍ററി, മേഴ്സി ചാൻസ്) പരീക്ഷയുടെ വൈവാവോസി ആറ്, എഴ് തീയതികളിൽ രാവിലെ 10 മുതൽ എറണാകുളം മഹാരാജാസ് കോളജിലെ അറബിക് വിഭാഗത്തിൽ നടത്തും. വിശദമായ ടൈംടേബിൾ സർവകലാശാലാ വെബ്സൈറ്റിൽ ലഭ്യമാണ്.
പരീക്ഷാഫലം
2017 ഓഗസ്റ്റിൽ നടത്തിയ ഒന്പതാം സെമസ്റ്റർ ബിഎ ക്രിമിനോളജി എൽഎൽബി (ഓണേഴ്സ്) പരീക്ഷയുടെ ഫലം പ്രസിദ്ധീകരിച്ചു. പുനർമൂല്യനിർണയത്തിനും സൂക്ഷ്മപരിശോധനയ്ക്കും 13 വരെ അപേക്ഷിക്കാം.
പാർട്ട്ടൈം റെസിഡന്‍റ് മെഡിക്കൽ ഓഫീസർ ഒഴിവ്
സർവകലാശാലാ ഹെൽത്ത് സെന്‍ററിൽ പാർട്ട്ടൈം റെസിഡന്‍റ് മെഡിക്കൽ ഓഫീസറുടെ ഒഴിവിലേക്ക് എട്ടിന് ഉച്ചയ്ക്ക് 12നു വൈസ് ചാൻസലറുടെ കോണ്ഫറൻസ് ഹാളിൽ വാക്ക് ഇൻ ഇന്‍റർവ്യൂ നടത്തും. എംബിബിഎസ്, തത്തുല്യ യോഗ്യതയും കേരളാ മെഡിക്കൽ കൗണ്‍സിലിന്‍റെ അംഗീകാരവുമുള്ള ഡോക്്ടർമാർക്കും റിട്ടയർ ചെയ്ത ഡോക്ടർമാർക്കും പങ്കെടുക്കാം. പ്രതിഫലം പ്രതിമാസം 22000 രൂപ.ഒരു വർഷത്തേക്ക് കരാർ അടിസ്ഥാനത്തിലാണ് നിയമനം. പങ്കെടുക്കാനാഗ്രഹിക്കുന്നവർ എട്ടിനു രാവിലെ 10.30ന് അസൽ സർട്ടിഫിക്കറ്റുകൾ സഹിതം ഭരണവിഭാഗം അസി. രജിസ്ട്രാർ ഒന്ന് മുന്പാകെ ഹാജരാകണം. 0481 2733302.
ടെക്നിക്കൽ അസിസ്റ്റന്‍റ് ഒഴിവ്
സ്കൂൾ ഓഫ് ബയോസയൻസസിൽ ഡിഎസ്ടി പഴ്സ് പ്രോഗ്രാമിൽ ഒരു ടെക്നിക്കൽ അസിസ്റ്റന്‍റിന്‍റെ താൽക്കാലിക ഒഴിവുണ്ട്. എംഎസ്സി ബയോഫിസിക്സ്, മൈക്രോബയോളജി, ബയോടെക്നോളജി, ബയോകെമിസ്ട്രി എന്നിവയിലേതെങ്കിലും ഒന്നാണ് യോഗ്യത. പ്രവൃത്തിപരിചയം അഭിലഷണീയം. പ്രതിഫലം പ്രതിമാസം 11000 രൂപ. താല്പര്യമുള്ളവർ അസൽ സർട്ടിഫിക്കറ്റുകളുമായി ഒന്പതിന് രാവിലെ 11നു സ്കൂൾ ഓഫ് ബയോ സയൻസസിൽ ഹാജരാകണം.
കോളജ് പ്രിൻസിപ്പൽമാരുടെ യോഗം
കോട്ടയം: എംജി സർവകലാശാലയിലെ അഫിലിയേറ്റഡ് കോളജ് പ്രിൻസിപ്പൽമാരുടെ യോഗം വൈസ് ചാൻസലറുടെ ചുമതലയുള്ള പ്രഫ. സാബു തോമസിന്റെ അധ്യക്ഷതയിൽ നടത്തി. 2018ലെ നാലും ആറും സെമസ്റ്റർ ബിരുദ പരീക്ഷകളുടെ മൂല്യനിർണയ ക്യാന്പ്, ചോദ്യബാങ്ക്, ബിരുദാനന്തര ബിരുദ കോഴ്സുകളുടെ സിലബസ് പരിഷ്ക്കരണം എന്നി വിഷയങ്ങൾ യോഗം ചർച്ച ചെയ്തു. സിൻഡിക്കേറ്റ് പരീക്ഷാ കമ്മിറ്റി കണ്‍വീനർ ഡോ. ആർ. പ്രഗാഷ്, സിൻഡിക്കേറ്റംഗങ്ങളായ പ്രഫ. ടോമിച്ചൻ ജോസഫ്, പി.കെ. ഹരികുമാർ, ഡോ. പി. കെ. പത്മകുമാർ, ഡോ. കെ. ഷെറഫുദ്ദീൻ, ഡോ. എ. ജോസ്, ഡോ. റോയ് സാം ഡാനിയേൽ, പ്രെഫ. തോമസ് മാത്യു, പരീക്ഷാ കണ്ട്രോളർ ഡോ. തോമസ് ജോണ് മാന്പ്ര, ജോയിന്റ് രജിസ്ട്രാർ സി. രവീന്ദ്രൻ എന്നിവർ പങ്കെടുത്തു.